Pakistan film statistics from 1948

The film of 1948

پاکستان کی پہلی فلم

• 7 اگست 1948ء کو عیدالفطر کے مبارک دن ، نو آزاد ملک پاکستان میں ریلیز ہونے والی پہلی فیچر فلم تیری یاد (1948) تھی۔ ہدایتکار داؤد چاند کی اس اردو فلم میں آشا پوسلے اور ناصر خان کو پاکستان کی پہلی روایتی فلمی جوڑی ہونے کا ناقابل شکست اعزاز حاصل ہوا تھا۔

کشمیر ہمارا ہے

• 23 جولائی 1948ء کو لاہور کے قیصر (مون لائٹ سینما) میں ہدایتکار رفیق چمن کی بنائی ہوئی پاکستان کی پہلی ڈاکومنٹری فلم "کشمیر ہمارا ہے" ریلیز ہوئی تھی۔

پاکستان کا پہلا فلم سٹوڈیو

• 16 فروری 1948ء کو پاکستان کے پہلے فلمی سٹوڈیو "پنچولی فلم سٹوڈیوز" کا افتتاح ہوا (یا بحالی ہوئی تھی) جس سے فلمسازی کا آغاز ممکن ہوا تھا۔

پہلی فلمی ہیروئن

آشا پوسلے

تقسیم ہند کے بعد پاکستان کے حصہ میں آنے والی اداکاراؤں ، نورجہاں ، سورن لتا ، راگنی ، شمیم ، نجمہ ، مینا شوری ، یاسمین ، ریحانہ ، خورشید ، ممتاز شانتی ، شاہینہ ، اختری اور نینا میں سے آشا پوسلے کو پاکستان کی پہلی فلم تیری یاد (1948) کی ہیروئن ہونے کا ناقابل شکست اعزاز حاصل ہوا تھا۔ گو ایک ناکام ہیروئن تھی لیکن 1950 کی دھائی میں پاکستان کی پہلی کامیاب ترین سائیڈ ہیروئن اور ویمپ اداکارہ شمار ہوتی تھی۔
پہلا فلمی ہیرو


ناصر خان

فلمی ہیروز میں سے نذیر ، سدھیر ، سنتوش ، مسعود ، نجم الحسن ، ظہور راجہ ، صادق علی ، سریش اور رضا میر کی موجودگی میں ناصر خان کو پاکستان کے پہلے فلمی ہیرو ہونے کا منفرد حاصل ہوا تھا۔ وہ اپنے دوست ہدایتکار لقمان کی فلم شاہدہ (1949) میں کام کرنے کے لیے لاہور آئے تھے۔ اس دوران سیٹھ دل سکھ پنچولی نے اپنی فلم تیری یاد (1948) میں ہیرو لیا اور ریکارڈ ٹائم میں مکمل کر کے اس فلم کو پہلے ریلیز کر دیا تھا۔

ناصر خان کا منفرد ریکارڈ

ناصر خان کی بڑی پہچان تو اپنے عظیم بھائی دلیپ کمار تھے لیکن پاکستان کی پہلی فلم تیری یاد (1948) کے ہیرو ہونے کے علاوہ انھیں ، بھارت کی پہلی فلم شہنائی (1947) کے ہیرو ہونے کا منفرد اعزاز بھی حاصل ہوا تھا۔ یہ فلم جمعہ 15 اگست 1947ء کو ریلیز ہوئی جو پاکستان اور بھارت کی آزادی کا پہلا دن تھا۔ دلچسپ بات یہ ہے کہ اس فلم کی ہیروئن ریحانہ تھی جو بعد میں پاکستان چلی آئی اور فلم رات کے راہی (1960) اس کی یادگار فلم تھی۔
پہلے سائیڈ ہیرو/ہیروئن


نجمہ



جانگیر خان

فلم تیری یاد (1948) میں اداکار جہانگیرخان کو پہلے سائیڈ ہیرو اور اداکارہ نجمہ کو پہلی سائیڈ ہیروئن کے کردار ملے تھے۔
جہانگیر خان نے چند فلموں میں کام کیا جن میں فلم چن وے (1951) میں سنتوش کی موجودگی میں نورجہاں کے ہیرو تھے لیکن کامیاب نہیں ہو سکے تھے۔ اداکار شامل خان کے والد تھے۔
اداکارہ نجمہ ، تقسیم سے قبل کی اداکارہ تھی۔ پاکستان میں چند فلموں میں کام کیا۔ پہلی فلم ہچکولے (1949) تھی جو پہلے سپرسٹار ہیرو سدھیر کی پہلی فلم بھی تھی۔ فلمساز باری ملک سے شادی کر کے فلمی دنیا چھوڑ دی تھی۔
پہلا مزاحیہ اداکار


نذر

نذر کو پاکستان کا پہلا مزاحیہ اداکار ہونے کا اعزاز حاصل ہے۔ انھوں نے بھی تقسیم سے قبل اپنے فلمی کیریر کا آغاز کیا اور لاہور کے مستقل فنکار ہونے کی وجہ سے پاکستان کی پہلی فلم تیری یاد (1948) میں کام کرنے کا موقع بھی ملا۔ تقسیم کے بعد مزاحیہ فنکاروں میں اے شاہ ، نورمحمد چارلی اور غوری بھی پاکستان چلے آئے تھے جبکہ ظریف بھی تقسیم سے قبل لاہور ہی میں اپنے فلمی کیرئر کا آغاز کر چکے تھے۔
پہلی معاون اداکارہ


رانی کرن

اداکارہ رانی کرن کو پاکستان کی فلموں میں پہلی معاون اداکارہ کا رول ملا تھا۔ وہ ، فلم تیری یاد (1948) کی ہیروئن آشا پوسلے کی بہن تھی۔ اس نے زیادہ فلموں میں کام نہیں کیا تھا۔
تقسیم سے قبل کی دیگر معاون اداکاراؤں میں ببو ، بیگم پروین ، نفیس بیگم ، کلاوتی ، مایہ دیوی ، ریکھا ، کملا اور زینت وغیرہ کے نام ملتے ہیں۔

فلم تیری یاد (1948) کے دیگر اداکار

اداکارہ شعلہ اور لاہور کی پہلی فلم ڈاٹرز آف ٹوڈے (1927) کے ہیرو غلام قادر

پاکستان کا پہلا فلمی گیت

پاکستان کی پہلی فلم تیری یاد (1948) کے دس گیتوں میں سے جو واحد گیت سننے میں آتا ہے ، وہ ہے:
• او تیری یاد آئے ، تیری یاد آئے ، بیتی باتوں کے افسانے دھرائے۔۔


آشا پوسلے

فلم کی ہیروئن ، اداکارہ آشا پوسلے نے یہ گیت گایا تھا جو خود ایک پروفیشنل گلوکارہ نہیں تھی۔
اس فلم کے گیتوں کے گراموفون ریکارڈز نہیں بنے تھے۔ یہی وجہ ہے کہ اس آن لائن گیت میں اس کی اپنی آواز نہیں لگتی اور یہ بعد میں کسی دوسری گلوکارہ کی ریکارڈنگ معلوم ہوتی ہے۔ فلم غلط فہمی (1950) میں آشا پوسلے کے گائے ہوئے گیتوں سے اس گیت کا موازنہ کریں تو آواز کا فرق صاف سنائی دیتا ہے۔

پہلے فلمی گلوکار




منور سلطانہ اور
علی بخش ظہور
پہلے فلمی گلوکار تھے
فلم تیری یاد (1948) کے پروفیشنل گلوکاروں میں تقسیم سے قبل لاہور کی فلموں کی مستقل گلوکارہ منورسلطانہ اور ریڈیو گلوکار علی بخش ظہور کے نام آتے ہیں جنھوں نے سولو گیتوں کے علاوہ پاکستان کا پہلا فلمی دوگانا بھی گایا تھا۔ فلم کی بک لیٹ کے مطابق اس فلم کا پہلا گیت منورسلطانہ کی آواز میں تھا:
• ہمیں چھوڑ نہ جانا جی ، مونہہ موڑ نہ جانا جی۔۔ (منورسلطانہ)
• محبت کا مارا چلا جارہا ہے۔۔ (علی بخش ظہور)
• بول بول ویرنیا ، میں گئی تھی کہاں۔۔ (منورسلطانہ ، علی بخش ظہور)

پہلے فلمی موسیقار

پاکستانی فلموں کے پہلے موسیقار عنایت علی ناتھ تھے جنھوں نے فلم تیری یاد (1948) کے علاوہ صرف ایک اور فلم غلط فہمی (1950) کی موسیقی ترتیب دی تھی۔ اس فلم میں آئی اے نازش کے نام سے شاعری بھی کی تھی۔ اس فلم کے بیشتر گیت بھی اپنی بیٹی اور فلم کی ہیروئن آشا پوسلے کے علاوہ مزاحیہ اداکار نذر سے گوائے تھے۔
پچاس کی دھائی کی نامور گلوکارہ کوثرپروین کے علاوہ دو معاون اداکارائیں ، رانی کرن اور نجمہ بیگم بھی ان کی بیٹیاں بتائی جاتی ہیں۔

پہلے فلمی شاعر



قتیل شفائی



سیف الدین سیف



طفیل ہوشیارپوری



تنویر نقوی

پاکستان کی پہلی فلم تیری یاد (1948) کے شاعروں میں سب سے بڑا نام تنویر نقوی کا تھا جو تقسیم سے قبل انمول گھڑی (1946) اور جگنو (1947) جیسی شاہکار نغماتی فلموں کے سپرہٹ گیتوں کی وجہ سے شہرت یافتہ تھے۔ ان کے ساتھ طفیل ہوشیارپوری ، سیف الدین سیف اور قتیل شفائی نے بھی گیت نگاری کا آغاز کیا تھا۔ ان قابل قدر شاعروں نے اپنی کارکردگی سے پاکستانی فلمی تاریخ پر بڑے گہرے اثرات مرتب کیے تھے۔

Asha Poslay

(Teri Yaad)

Khadim Mohayuddin

(Teri Yaad)

Nazar

(Teri Yaad)

Saifuddin Saif

(Teri Yaad)

Ali Bakhsh Zahoor

(Teri Yaad)

Jahangir Khan

(Teri Yaad)

Nasir Khan

(Teri Yaad)

Raza Mir

(Teri Yaad)

Tufail Hoshiarpuri

(Teri Yaad)

Najma

(Teri Yaad)

Dewan Sardari Lal

(Teri Yaad)

Munawar Sultana

(Teri Yaad)

Rani Kiran

(Teri Yaad)

Tanvir Naqvi

(Teri Yaad)

Dawood Chand

(Teri Yaad)

Ghulam Qadir

(Teri Yaad)

Qateel Shafai

(Teri Yaad)

Shola

(Teri Yaad)

Fakhri Ahmad

(01-01-1948)

Mujeeb Alam

(04-02-1948)

Nusrat Fateh Ali Khan

(13-10-1948)

Rozina

(21-01-1948)

Noorjahan
0 songs

Zubaida Khanum
0 songs

Naseem Begum
0 songs

Mala
0 songs

Irene Parveen
0 songs

Runa Laila
0 songs

Naheed Akhtar
0 songs

Mehnaz
0 songs

Naseebo Lal
0 songs

Inayat Hussain Bhatti
0 songs

Saleem Raza
0 songs

Munir Hussain
0 songs

Mehdi Hassan
0 songs

Ahmad Rushdi
0 songs

Masood Rana
0 songs

Akhlaq Ahmad
0 songs

A. Nayyar
0 songs

Ghulam Abbas
0 songs

G.A. Chishti
0 songs

A. Hameed
0 songs

Nisar Bazmi
0 songs

Nashad
0 songs

Tanvir Naqvi
2 songs

Qateel Shafai
2 songs

Hazin Qadri
0 songs

Waris Ludhyanvi
0 songs

Ahmad Rahi
0 songs

Fyaz Hashmi
0 songs

Masroor Anwar
0 songs

Khawaja Parvez
0 songs

Taslim Fazli
0 songs