Menu of Pakistan Film Magazine
Pakistn Film Magazine in Urdu/Punjabi


A Tribute To The Legendary Playback Singer Masood Rana

Masood Rana - مسعود رانا


کیفی اور مسعود رانا

کیفی
پاکستان کی پہلی ڈائمنڈ جوبلی پنجابی فلم
کے ہدایتکار اور ہیرو تھے
اداکار اور ہدایتکار کیفی
اداکار اور ہدایتکار کیفی

کیفی ، پاکستان کی فلمی تاریخ کے واحد ہدایتکار تھے جو اداکار کے طور پر بھی کامیاب رہے۔۔!

کیفی نے معاون ہدایتکار کے طور پر اپنے بڑے بھائی ، فلمساز ، اداکار اور گلوکار عنایت حسین بھٹی اور بہنوئی ، ہدایتکار ایس اے اشرفی کی یادگار فلم وارث شاہ (1964) سے فلمی کیرئر کا آغاز کیا تھا۔

کیفی بطور ہدایتکار

بھٹی پکچرز کی پہلی فلم مونہہ زور (1966) کے مکمل ہدایتکار تھے۔ بریک تھرو، دوسری فلم چن مکھناں (1968) سے ملا تھا۔ اپنے دور کی یہ بہت بڑی پنجابی فلم تھی جس کی عوامی کہانی ، پراثر اداکاری اور لازوال گیتوں نے فلم بینوں کو بے حد متاثرکیا تھا۔ اس فلم میں ایکشن فلموں کے پہلے بڑے ہیرو سدھیر نے جذباتی اداکاری کا ایک نیا معیار مقرر کیا تھا۔

اس فلم کی خاص بات سپرہٹ موسیقی تھی۔ عنایت حسین بھٹی اور مالا کا الگ الگ گایا ہوا گیت

  • او چن میرے مکھناں تے ہس اک پلے ایدھر تکنا تے نظراں رس لینا دا چکھناں۔۔

تو ایک روایت بن گیا تھا لیکن دوسرے گیت بھی بے حد مقبول ہوئے تھے جن میں ملکہ ترنم نور جہاں کے یہ دو گیت گلی گلی گونجتے تھے

  • تیرے جہے پت جمن ماواں ، کدھرے کدھرے کوئی ، ایویں تے نئیں چن ہیریا الہڑ کملی ہوئی۔۔
  • بھُل گئی میں بھُل گئی او ، بھُل گئی میں بھُل گئی او جانے ، جس ماہیئے تے بھُلی ڈُھلی ، او جوانیاں مانے۔۔

مالا کا گایا ہوا یہ گیت بھی سپرہٹ ہوا تھا

  • جتھے رو وے راضی رو ، تیرا جیا مینوں ہور نہ کوئی ، میرے جیاں تینوں سو۔۔

حزیں قادری کے لکھے ہوئے ان شاہکار گیتوں کی دھنیں بابا جی اے چشتی جیسے نابغہ روزگار موسیقار نے بنائی تھیں۔

کیفی بطور اداکار

اسی سال ریلیز ہونے والی ہدایتکار کیفی کی تیسری فلم سجن پیارا (1968) ایک اور سپرہٹ فلم تھی۔ اس فلم کی خاص بات یہ تھی کہ کیفی نے خود کو ایک اداکار کے طور پر متعارف کروایا تھا۔

اس فلم کی کامیابی سے بھٹی برادران ، اپنی ایک الگ فلمی شناخت بنانے میں کامیاب ہوگئے تھے جنھیں وقت کےدیگر سپرسٹار فلمی ہیروز کی ضرورت نہیں ہوتی تھی۔

کیفی ، اوسط درجہ کے اداکار تھے لیکن اپنی مردانہ وجاہت کی وجہ سے ایک ریڈی میڈ ہیرو تھے ، اس لیے فلم بینوں کے لیے قابل قبول تھے۔ حقیقت میں ہدایتکار کے طور ان کی کارکردگی ، اداکار کے طور پر کارکردگی سے بدرجہا بہتر تھی۔

یہ فلم بھی اپنے گیتوں کی وجہ سے یادگار فلموں میں شمار ہوتی ہے۔ عنایت حسین بھٹی کا ٹائٹل سانگ

  • سجن پیارا ملے کوئی دکھ پھولیے ، کلم کلے جندڑی تے نہ رولیے۔۔

کے علاوہ ملکہ ترنم نور جہاں کے گائے ہوئے دوگیت بھی سپرہٹ ہوئے تھے

  • حال او ربا ، شکی نہ ہووے دلدار ، ایہہ پیا کرے کنارا میتھوں ، میں کرنی آں پیار۔۔
  • غیراں دے سنگ ٹر چلیا ایں ، اپنیاں دا دل توڑ کے ، کدوں آویں گا مہاراں موڑ کے۔۔

اس فلم میں کیفی پر پہلا گیت جو فلمایا گیا تھا ، وہ عنایت حسین بھٹی اور ملکہ ترنم نور جہاں کا گایا ہوا پہلا پہلا دوگانا بھی تھا

  • او جی او سجن پیاریا ، جی اوئے ، تو کہیا تے جت میدان لیا ، دل تیرے اگے ہاریا۔۔

اس گیت میں کیفی کے ساتھ ان کی پہلی ہیروئن سلونی تھی۔ اس فلم کے گیت بھی حزیں قادری نے لکھے تھے اور دھنیں بابا جی اے چشتی نے بنائی تھیں۔

کیفی کا ہاتھ ، فلم بینوں کی نبض پر

کیفی کی بطور ہدایتکار چوتھی اور بطور اداکار دوسری فلم جندجان (1969) ، ان کی سابقہ سبھی فلموں سے زیادہ کامیاب ہوئی تھی۔ ایسے لگتا تھا کہ جیسے ان کا ہاتھ فلم بینوں کی نبض پرآگیا تھا۔ وہ ، عوامی مزاج کو سمجھتے تھے اور عوام ان کی فلموں کو سمجھتی تھی۔

یہ ایک بڑی بامقصد اور تفریحی فلم تھی لیکن نغمات کے لحاظ سے کمزور تھی۔ ایسے لگتا تھا کہ جیسے بابا چشتی اور حزیں قادری کے ترکش کے تیر چل چکے تھے۔ عنایت حسین بھٹی کا گایا ہوا فلم کا ٹائٹل سانگ

  • جند آکھاں کہ جان سجناں ، شالا رویں جوان سجناں ، میں تیرے قربان سجناں۔۔

جو میڈم نور جہاں نے بھی گایا تھا ، بڑا مقبول ہوا تھا۔

  • اک ٹہنی دے دو پھُل سجرے ، اک جند تے اک جان۔۔
  • او نہ جا نہ جا نی جانی مٹیارے ، نظارے تینوں واجاں ماردے۔۔

بھی اچھے گیت تھے۔

اس فلم میں کامیڈی کا معیار بڑے اعلیٰ پائے کا تھا ، منور ظریف ، زلفی ، رضیہ اور خلیفہ نذیر کے علاوہ فلم کی ہیروئن رانی نے بھی کمال کی اداکاری اور کامیڈی کی تھی۔ سب سے زیادہ متاثرکن اداکاری شیخ اقبال کی تھی جن کا تکیہ کلام

"میں تے ماراں گا قانون دی مار۔۔"

ناقابل فراموش تھا۔

جب یہ فلم ریلیز ہوئی تب میں اپنی پہلی فلم لچھی (1969) دیکھ چکا تھا لیکن صرف اتنا یاد ہے کہ ہمارے سکول کے سامنے ایک دیوار پر سرخ رنگ سے فلم 'جندجان' لکھا ہوا تھا اور اسے سبز رنگ کی شیڈ دی گئی تھی۔ اس فلم کا کیلنڈر بھی بڑے کمال کا تھا جو ہمارے مقامی ہوٹل میں روزانہ دیکھنے اور پرکھنے کا موقع ملتا تھا۔

اپنی فلم بینی کے پہلے دور میں یہ فلم نہیں دیکھ سکا تھا لیکن دوسرے دور میں دیکھی جو کئی بار ہمارے شہر میں لگی ، اور ہر بار زبردست بزنس کیا تھا۔ وی سی آر کے دور میں یہ فلم میری کولیکشن کا لازمی حصہ ہوتی تھی اور اتنی بار دیکھی تھی کہ اس کا ایک ایک سین اور مکالمہ زبانی یاد ہوگیا تھا۔

ظفرشباب کی پہلی پنجابی فلم

کیفی کی بطور اداکار کسی دوسرے ہدایتکار کے لیے پہلی فلم کوچوان (1969) تھی۔ ظفرشباب کی بطور ہدایتکار یہ پہلی پنجابی فلم تھی۔ دلچسپ بات یہ تھی کہ موصوف کے والدگرامی شباب کیرانوی نے کیفی کے بڑے بھائی عنایت حسین بھٹی کو بطور ہیرو فلم جلن (1955) میں پہلی بار موقع دیا تھا۔ شباب فیملی کے تیسرے فرد ، نذرشباب نے بھی اپنی پہلی پنجابی فلم سجن بیلی (1970) میں کیفی کوایک کامیڈی ہیرو کے طور پر کاسٹ کیا تھا۔

کیفی پر مسعوورانا کا پہلا گیت

1970ء کا سال کیفی کے لیے بطور اداکار چھ فلمیں لے کر آیا تھا لیکن بطور ہدایتکار ، کوئی فلم ریلیز نہیں ہوئی تھی۔ اس سال کیفی کی سولو ہیرو کے طور پر پہلی دونوں فلمیں ، گل بکاؤلی کے علاوہ فلم مترئی ماں (1970) بھی ریلیز ہوئی تھی جس میں مسعود رانا اور مالا کا ایک دوگانا

  • ایدھر کنڈے میں کھڑی تے اوہدر میرا پیار۔۔

کیفی کے علاوہ نغمہ پر بھی فلمایا گیا تھا جو ان کی سولو ہیرو کے طور پر پہلی دونوں فلموں کی ہیروئن تھی۔ اسی سال کی فلم قادرا (1970) میں مسعود رانا کا گایا ہوا پہلا گیت کیفی پر فلمایا گیا تھا

  • دل عاشقاں دا رس کے نہ توڑ جانی۔۔

اتفاق سے کیفی پر فلمایا جانے والا یہ پہلا سولو سانگ بھی تھا۔

اسی سال کی ایک سپرہٹ فلم سجناں دوردیا (1970) بھی تھی جس میں کیفی کو اعجاز کے مقابل سائیڈ ہیرو کے طور پر پیش کیا گیا تھا اور دیبا کے ساتھ جوڑی بنائی گئی تھی جس کی یہ پہلی پنجابی فلم تھی۔ فلمساز کے طور پر لیجنڈری فنکار حزیں قادری کی یہ اکلوتی فلم تھی۔ یہ بھی اپنے وقت کی ایک بہت بڑی نغماتی فلم تھی۔

فردوس کی شرٹ

اس سال کی ایک یادگار فلم دنیا مطلب دی (1970) بھی تھی جس میں کیفی کی جوڑی پہلی بار فردوس کے ساتھ بنائی گئی تھی۔ اس فلم کے ہدایتکار ایس اے اشرفی تھے جبکہ پہلی بار منظرنامہ کیفی نے لکھا تھا۔ عنایت حسین بھٹی کا گایا ہوا ایک دلکش شرابی گیت

  • تو اج نئیں کول میرے ، میں دل نوں اک سزا دینا۔۔

کیفی پرفلمایا گیا تھا جو اپنے تصور میں چند سیکنڈ کے لیے فردوس کو اس شرٹ میں ملبوس دیکھتے ہیں جو فلم کے پوسٹر پر دل جلوں کی نیندیں حرام کرتی تھی۔

اس فلم کا ٹائٹل سانگ

  • دنیا مطلب دی او یار ، مطلب ہووے تے پیار وی کردے ، ظالم دنیا دار۔۔

ایک سٹریٹ سانگ تھا۔ اس فلم کے موسیقار ایم اشرف تھے۔

بھٹی برداران کی یہ پہلی فلم تھی جو میں نے سینما پر دیکھی تھی۔ اس فلم سمیت ان کی پہلی چاروں فلموں کے ٹائٹل سانگس ، اس وقت زبانی یاد ہوتے تھے جنھیں اکثر گنگنایا کرتا تھا۔

کیفی کی پہلی جزوی رنگین فلم

1971ء میں کیفی کی بطور اداکار پانچ فلمیں منظرعام پر آئی تھیں۔ ان میں سے ایک فلم سچاسودا (1971) کے ہدایتکار بھی تھے۔

مجھے یاد ہے کہ اس فلم کے دو الگ الگ پوسٹر بنائے گئے تھے جن پر بھٹی صاحب اور کیفی صاحب کے مختلف پوز دکھائے گئے تھے۔ بابا چشتی اور حزیں قادری کی واپسی ہوئی تھی اور چند گیت بڑے پسند کیے گئے تھے جن میں فلم کا ٹائٹل سانگ

  • سچا سودا پیار جھوٹ نئیں بولنا ، توں ہوویں دلدار فیر کی ڈولنا۔۔
  • موتی ڈھل گئے محبتاں والے او۔۔

کے علاوہ میڈم نور جہاں کا یہ دلکش گیت بڑی منفرد دھن میں تھا

  • ہن موئی ، ہن موئی ، نی مینوں کی ہوگیا۔۔

نغمہ پر اس گیت کی فلمبندی بڑے کمال کی تھی۔

یہ فلم جزوی رنگین تھی یعنی آدھا حصہ بلیک اینڈ وہائٹ اور باقی حصہ رنگین تھا۔

میں اس وقت تیسری جماعت میں پڑھتا تھا جب 23 مارچ 1971ء کو یوم پاکستان کے موقع پر منگل کے دن قیصر سینما کھاریاں میں سہ پہر کو ایک سپیشل میٹنی شو میں ہمارے پرائمری اور ہائی سکول کے طالب علموں کو یہ فلم مفت دکھائی گئی تھی۔ میں حسب معمول اتوار کے میٹنی شو میں یہ فلم دیکھ چکا تھا اور "دوہر" لگانے میں کوئی حرج بھی نہ تھی۔۔!

کیفی کی پہلی اردو فلم

اسی سال کیفی کی پہلی اردو فلم وحشی (1971) بھی ریلیز ہوئی تھی۔ ہدایتکار حسن طارق کی اس فلم میں وہ محمد علی کے مقابل ایک غیر اہم رول میں تھے۔ اردو فلموں میں کیفی کو قطعاً پذیرائی نہیں ملی تھی اور وہ صرف تین اردو فلموں میں ہی نظر آئے تھے جبکہ تین ہی اردوفلموں میں صرف مہمان اداکار تھے۔

کیفی اور غزالہ کا سنگم

فلم جی او جٹا (1971) ، بطور سولو ہیرو پہلی کامیاب فلم تھی جس میں کیفی پر عنایت حسین بھٹی کا گایا ہوا یہ گیت بڑا مقبول ہوا تھا

  • او مرن ذرا نئیں ڈردے ، جنہاں نین ملا لے نیں۔۔

اسی سال بھٹی پکچرز کی ایک اور سپرہٹ فلم عشق دیوانہ (1971) بھی ریلیز ہوئی تھی جس میں کیفی کی جوڑی پہلی بار غزالہ کے ساتھ تھی جس کے ساتھ انھوں نے شادی بھی کرلی تھی۔ فردوس نے پگلی کا بڑا عمدہ رول کیا تھا۔ اس فلم کے ہدایتکار ایس اے اشرفی تھے اور بھٹی صاحب کے ایک اور بھائی ، شجاعت حسین بھٹی کو عالیہ کے ساتھ تھرڈ ہیرو کے طور پر پیش کیا گیا تھا لیکن یہ ان کی اکلوتی فلم ثابت ہوئی تھی۔

مجھے یاد ہے کہ میرے آبائی شہر کھاریاں میں یہ فلم 20 نومبر 1971ء کوعیدالفطر کے دن سازین سینما پر ریلیز ہوئی تھی جبکہ اسی دن قیصرسینما پر فلم عشق بنا کی جینا (1971) کی نمائش ہوئی تھی۔ ان دونوں فلموں کے بورڈوں پر لکھا ہوا لفظ 'عشق' میرے ذہن پر نقش ہے اور خاص طور پر کس پینٹر نے کس طرح سے 'ع' لکھا تھا ، وہ کبھی نہیں بھلا سکا۔

اس دن یہ امن اور تہذیب (1971) جیسی نئی فلمیں لاہور میں ریلیز ہوئی تھیں لیکن پھر اگلے ڈیڑھ ماہ تک کوئی فلم ریلیز نہیں ہو سکی تھی کیوں کہ اس دوران 1971ء کی پاک بھارت جنگ ہوئی تھی جس کے نتیجہ میں سقوط ڈھاکہ کا عظیم المیہ رونما ہوا تھا جو میرے ذہن پر آج بھی ایک انمٹ نقش کی طرح مسلط ہے۔

پاکستان کی پہلی ڈائمنڈ جوبلی پنجابی فلم

1972ء کا سال کیفی صاحب کے لیے ایک یادگار سال تھا جب پہلی پنجابی ڈائمنڈجوبلی فلم ، ظلم دا بدلہ (1972) ریلیز ہوئی تھی۔ ہدایتکار اور معاون سکرین پلے رائٹر ہونے کے علاوہ فلم کے سولو ہیرو بھی کیفی صاحب ہی تھے ، ہیروئن غزالہ تھی جبکہ عالیہ کا اہم رول تھا۔

بظاہر یہ کوئی اتنی خاص فلم نہیں تھی لیکن سب سے بڑی کشش وہ دو مناظر تھے جن میں عنایت حسین بھٹی ، جگی ملک کے ددنوں بازو ٹوکے سے کاٹتے ہیں۔ ایسے پرتشدد ، ہولناک اور رونگٹے کھڑے کر دینے والے مناظر پہلے کسی پاکستانی فلم میں نہیں دکھائے گئے تھے۔

اسی فلم کی تقلید میں فلم مولاجٹ (1979) جیسی پرتشدد فلم بھی بنائی گئی تھی جس میں یہی نسخہ کیمیا آزمایا گیا تھا بلکہ دو ہاتھ آگے بڑھ کر غیرسنسرشدہ سفاکانہ ٹوٹے دکھا کر فلم کو مقبول بنایا گیا تھا۔ البتہ اس میں کوئی شک نہیں کہ ریکارڈز بکس میں یہ درج ہوگیا تھا کہ بھٹی بردران کی فلم نے پہلی بار لاہور میں سو ہفتے چلنے کا ریکارڈ قائم کیا ہے۔

مجھے اچھی طرح سے یاد ہے کہ فلم ظلم دا بدلہ (1972) نے لاہور کے ملک تھیٹر میں یہ اعزاز حاصل کیا تھا اور اس دن عنایت حسین بھٹی نے فلم بینوں میں مٹھائی تقسیم کی تھی۔

دیگر فلموں میں کیفی ، فلم بازی جت لئی (1972) میں حبیب کے مقابل سیکنڈہیرو تھے۔ بھٹی بردران ، اپنی تمام تر عوامی مقبولیت اور کامیابیوں کے باوجود فلموں میں وقت کے سپرسٹارز پنجابی ہیروز یعنی سدھیر ، حبیب ، اعجاز اور یوسف خان کے مقابلے میں ثانوی کرداروں میں نظر آتے تھے۔ کیفی نے چالیس فلموں میں اپنے بھائی عنایت حسین بھٹی کے ساتھ کام کیا تھا جو مرکزی کرداروں میں دو سگے بھائیوں کا ایک ساتھ کام کرنے کا ریکارڈ ہے۔

کیفی کی دیگر فلمیں

1973ء میں کیفی کی پانچ فلمیں ریلیز ہوئی تھیں جن میں سے فلم غیرت دا پرچھاواں (1973) میں عنایت حسین بھٹی کے ساتھ سیکنڈہیرو تھے۔ ان دونوں بھائیوں پر ایک دوگانا فلمایا گیا تھا جس میں کیفی پر مسعود رانا کی آواز فلمائی گئی تھی۔ گیت کے بول تھے

  • مینوں کنے سوہنے یار دا یارانہ ملیا۔۔

بھٹی صاحب کے ساتھ مسعود رانا کا گایا ہوا یہ تیسرا اور آخری گیت تھا جس کے موسیقار ماسٹرعاشق حسین تھے۔

کیفی کی سندھی فلم

1974ء میں کیفی کی آٹھ فلمیں ریکارڈز پر ہیں جن میں سے پہلی سندھی پنجابی ڈبل ورژن فلم غیرت جو سوال (1974) بھی تھی۔ اس فلم کو شہ زور (1976) کے نام سے پنجابی زبان میں ریلیز کیا گیا تھا۔

فلم بڈھا شیر (1974) واحد فلم تھی جس کے ہدایتکار کے طور پر حزیں قادری کا نام آتا ہے۔ اس فلم میں انھوں نے کیفی کو فرسٹ ہیرو کے طور پر کاسٹ کیا تھا۔

اسی سال کی فلم ہسدے آؤ ہسدے جاؤ (1974) ایک کامیڈی ٹائپ فلم تھی جس میں وقت کے سبھی مزاحیہ اداکاروں کو شامل کیا گیا تھا لیکن یہ ایک بڑی ہی کمزور فلم تھی۔ دھرتی دے لال اور چیلنج (1974) دیگر اہم فلمیں تھیں۔

1975ء میں کیفی کی پانچ فلمیں ریلیز ہوئیں۔ رب دا روپ (1975) پہلی سرائیکی فلم تھی جس میں وہ مہمان اداکار تھے اور ان پر عنایت حسین بھٹی کا گایا ہوا ایک انتہائی متاثرکن کلام فلمایا گیا تھا۔

سلطان راہی کی اجارہ داری

1976ء میں ایک بہت بڑی تبدیلی دیکھنے میں آئی جب بھٹی برادران کا الگ فلمی تشخص ختم ہوگیا تھا ۔ فلم الٹی میٹم اور جگا گجر (1976) سے انھوں نے بھی سلطان راہی کے سامنے ہتھیار ڈال دیے تھے اور ان کے مقابلے میں ثانوی کرداروں میں نظر آنے لگے تھے۔

ایکشن فلموں کا دور شروع ہوگیا تھا۔ فلموں میں مرکزی کردار قاتل ، مفرور اور دیگر جرائم پیشہ عناصر کو ملنے لگے تھے۔ غنڈے ، بدمعاش ، طوائفیں اور غیرمہذب لوگ ، مثبت کرداروں میں دکھائے جانے لگے تھے۔ سنجیدہ فلم بینوں کو ایسی فلموں اور کرداروں سے سخت کراہت ہوتی تھی لیکن باکس آفس کی ڈیمانڈ تھی۔

تیل اور تیل کی دھار کی طرح کیفی صاحب بھی پرتشدد فلموں کی گنگا میں بہنے لگے۔ ہلکی پھلکی سماجی ، اصلاحی اور نغماتی فلموں کی جگہ پرتشدد فلموں نے لے لی تھی۔ 1989ء تک ان کی چالیس سے زائد فلمیں ریلیز ہوئی تھیں جن میں سے زیادہ تر ایکشن فلمیں تھیں۔ ان تمام فلموں کی فہرست ان کے ذاتی فلمی ریکارڈز کے صفحات پر موجود ہے۔

کیفی پر فلمائے ہوئے چند مشہور گیت

کیفی صاحب پرفلمائے ہوئے چند مزید گیتوں میں سے فلم الٹی میٹم (1976) میں عنایت حسین بھٹی کا ایک دلکش گیت تھا

  • ایناں سوہنیاں دا دوستو ، یارانہ برا ہوندا اے۔۔

فلم ارادہ (1978) میں کیفی پر مہدی حسن کا اکلوتا گیت فلمایا گیا تھا

  • گورے مکھڑے تے کالا کالا تل سوہنیے ، میرا آگیا تیرے اُتے دل سوہنیے۔۔

فلم ڈنکے دی چوٹ جو اعلان (1978) کے نام سے ریلیز ہوئی تھی ، اس فلم میں کیفی پر بھٹی صاحب کا یہ مشہور گیت بھی فلمایا گیا تھا

  • نڈے نال لا کے یاری ، نڈا ملنگ چا کیتا ای۔۔

فلم مولاجٹ (1979) میں بھی کیفی پر اپنے بھائی کا یہ مشہور گیت فلمایا گیا تھا

  • نشے دیے بوتلے نہ اینی ات چک نی ، میری اکو ڈیک نال جاویں گی تو مک نی۔۔

یہ گیت چکوری کے لیے گاتے ہیں جن کے ساتھ انھوں نے دوسری شادی کی تھی۔

کیفی کی بطور اداکار آخری فلم میری ہتھ جوڑی (1989) تھی۔ اداکاری ترک کرنے کے بعد بھی بطور ہدایتکار سفر جاری رہا اور آخری فلم میدان (2004) تھی۔ ایک فلم میں انھوں نے اپنے بیٹے عامرکیفی کو متعارف کروایا تھا لیکن وہ کامیاب نہ ہوسکا تھا۔

کیفی کا فلمی ریکارڈ

کیفی نے بطور اداکار 80 کے لگ بھگ فلموں میں کام کیا تھا ، صرف تین خالص اردو فلمیں تھیں جن میں اتفاق سے محمد علی مرکزی کرداروں میں تھے۔

31 فلموں کے ہدایتکار تھے جن میں سے صرف دو اردو فلمیں تھیں ، بکھرے موتی (1975) اور روٹی کپڑااورانسان (1977)۔ ان کے علاوہ متعدد فلمیں غیرریلیزشدہ تھیں۔ اصل نام کفایت حسین بھٹی تھا۔ ​1943ء میں گجرات میں پیدا ہوئے اور ​2009ء میں انتقال ہوا تھا۔

مسعود رانا اور کیفی کے 3 فلمی گیت

0 اردو گیت ... 3 پنجابی گیت
1

دل عاشقاں دا رس کے نہ توڑ جانی..

فلم ... قادرا ... پنجابی ... (1970) ... گلوکار: مسعود رانا ... موسیقی: جی اے چشتی ... شاعر: سلطان محمود آشفتہ ... اداکار: کیفی
2

ایدھر کنڈے میں کھڑی تے اوہدر میرا پیار ، نی ندئیے راہ چھڈ دے..

فلم ... مترئی ماں ... پنجابی ... (1970) ... گلوکار: مالا ، مسعود رانا ... موسیقی: جی اے چشتی ... شاعر: حزیں قادری ... اداکار: نغمہ، کیفی
3

مینوں کنے سوہنے یار دایارانہ ملیا..

فلم ... غیرت دا پرچھاواں ... پنجابی ... (1973) ... گلوکار: عنایت حسین بھٹی ، مسعود رانا ... موسیقی: ماسٹر عاشق حسین ... شاعر: وارث لدھیانوی ... اداکار: عنایت حسین بھٹی ، کیفی

مسعود رانا اور کیفی کے 0 اردو گیت


مسعود رانا اور کیفی کے 3 پنجابی گیت

1

دل عاشقاں دا رس کے نہ توڑ جانی ...

(فلم ... قادرا ... 1970)
2

ایدھر کنڈے میں کھڑی تے اوہدر میرا پیار ، نی ندئیے راہ چھڈ دے ...

(فلم ... مترئی ماں ... 1970)
3

مینوں کنے سوہنے یار دایارانہ ملیا ...

(فلم ... غیرت دا پرچھاواں ... 1973)

مسعود رانا اور کیفی کے 1سولو گیت

1

دل عاشقاں دا رس کے نہ توڑ جانی ...

(فلم ... قادرا ... 1970)

مسعود رانا اور کیفی کے 2دوگانے

1

ایدھر کنڈے میں کھڑی تے اوہدر میرا پیار ، نی ندئیے راہ چھڈ دے ...

(فلم ... مترئی ماں ... 1970)
2

مینوں کنے سوہنے یار دایارانہ ملیا ...

(فلم ... غیرت دا پرچھاواں ... 1973)

مسعود رانا اور کیفی کے 0کورس گیت



Masood Rana & Kaifee: Latest Online film

Masood Rana & Kaifee: Film posters
Sajjan BeliQadraWehshiGhairat Da ParchhawanKhushiaBudha SherHimmatHaq Sach
Masood Rana & Kaifee:

0 joint Online films

(0 Urdu and 0 Punjabi films)

Masood Rana & Kaifee:

Total 9 joint films

(1 Urdu and 8 Punjabi films)

1.1970: Sajjan Beli
(Punjabi)
2.1970: Qadra
(Punjabi)
3.1970: Matrei Maa
(Punjabi)
4.1971: Wehshi
(Urdu)
5.1973: Ghairat Da Parchhawan
(Punjabi)
6.1973: Khushia
(Punjabi)
7.1974: Budha Sher
(Punjabi)
8.1977: Himmat
(Punjabi)
9.1986: Haq Sach
(Punjabi)


Masood Rana & Kaifee: 3 songs

(0 Urdu and 3 Punjabi songs)

1.
Punjabi film
Qadra
from Friday, 9 October 1970
Singer(s): Masood Rana, Music: G.A. Chishti, Poet: Sultan Mehmood Ashufta, Actor(s): Kaifee
2.
Punjabi film
Matrei Maa
from Tuesday, 1 December 1970
Singer(s): Mala, Masood Rana, Music: G.A. Chishti, Poet: Hazin Qadri, Actor(s): Naghma, Kaifee
3.
Punjabi film
Ghairat Da Parchhawan
from Friday, 31 August 1973
Singer(s): Inayat Hussain Bhatti, Masood Rana, Music: Master Ashiq Hussain, Poet: Waris Ludhyanvi, Actor(s): Inayat Hussain Bhatti, Kaifee



پاکستان فلم میگزین ۔۔۔ سنہری فلمی یادوں کا امین

پاکستان فلم میگزین ، پاکستانی فلموں ، فنکاروں ، گیتوں اور اہم فلمی معلومات پر مبنی انٹرنیٹ پر اپنی نوعیت کی اولین ، منفرد اور تاریخ ساز ویب سائٹ ہے جو 3 مئی 2000ء سے مسلسل اپ ڈیٹ ہورہی ہے۔ یہ ایک انفرادی کاوش ہے جو فارغ اوقات کا بہترین مشغلہ اور پاکستان کی فلمی تاریخ کو مرتب کرنے کا ایک انوکھا مشن بھی ہے۔

A website of Masood Rana

یہ بے مثل ویب سائٹ کبھی نہ بن پاتی اگر پاکستانی فلموں میں میرے آل ٹائم فیورٹ پلے بیک سنگر جناب مسعودرانا صاحب کے گیت نہ ہوتے۔ انھی کے گیتوں کی تلاش میں یہ عظیم الشان ویب سائٹ وجود میں آئی۔ 2020ء سے اس عظیم فنکار کی 25ویں برسی پر ایک ایسا شاندار خراج تحسین پیش کیا جارہا ہے کہ جو آج تک کبھی کسی دوسرے فنکار کو پیش نہیں کیا جا سکا۔ مسعودرانا کے ایک ہزار سے زائد فلمی گیتوں کے اردو/پنجابی ڈیٹابیس کے علاوہ ان کے ساتھی فنکاروں پر بھی بڑے تفصیلی معلوماتی مضامین لکھے جارہے ہیں۔ یہ سلسلہ اپنی تکمیل تک جاری رہے گا ، ان شاء اللہ۔۔!

بھائیا اے حمید
بھائیا اے حمید
الیاس کاشمیری
الیاس کاشمیری
سلیم رضا
سلیم رضا
حمایت علی شاعر
حمایت علی شاعر
رخسانہ
رخسانہ
نذیر بیگم
نذیر بیگم
شوکت حسین رضوی
شوکت حسین رضوی
احتشام ، مستفیض
احتشام ، مستفیض
خلیفہ نذیر
خلیفہ نذیر
ایم سلیم
ایم سلیم
جی اے چشتی
جی اے چشتی
تنویر نقوی
تنویر نقوی
ننھا
ننھا
ساون
ساون
لقمان
لقمان
اقبال کاشمیری
اقبال کاشمیری
قتیل شفائی
قتیل شفائی
وحیدمراد
وحیدمراد
پرویز ملک
پرویز ملک
خواجہ سرفراز
خواجہ سرفراز
قوی
قوی
تانی
تانی
خواجہ خورشید انور
خواجہ خورشید انور
طارق عزیز
طارق عزیز
مالا
مالا
طفیل فاروقی
طفیل فاروقی
طلعت صدیقی
طلعت صدیقی
اخترحسین اکھیاں
اخترحسین اکھیاں
خلیل احمد
خلیل احمد
اختریوسف
اختریوسف
علاؤالدین
علاؤالدین
کریم شہاب الدین
کریم شہاب الدین
حیدر چوہدری
حیدر چوہدری
امین ملک
امین ملک
حامدعلی بیلا
حامدعلی بیلا
ایس اے بخاری
ایس اے بخاری
لیلیٰ
لیلیٰ
رضیہ
رضیہ
غزالہ
غزالہ
حیدر
حیدر
صبیحہ خانم
صبیحہ خانم
طفیل ہوشیارپوری
طفیل ہوشیارپوری
سرور بارہ بنکوی
سرور بارہ بنکوی
ناشاد
ناشاد
حبیب
حبیب
افضل خان
افضل خان
مصلح الدین
مصلح الدین
وارث لدھیانوی
وارث لدھیانوی
مشتاق علی
مشتاق علی
ملکہ ترنم نور جہاں
ملکہ ترنم نور جہاں
ریاض الرحمان ساغر
ریاض الرحمان ساغر
ایس سلیمان
ایس سلیمان
قدیرغوری
قدیرغوری
شوکت علی
شوکت علی
نذیرعلی
نذیرعلی
زینت
زینت
غلام نبی ، عبداللطیف
غلام نبی ، عبداللطیف
ایس ایم یوسف
ایس ایم یوسف
آسیہ
آسیہ
نذیر
نذیر
منظورجھلا
منظورجھلا
سہیل رعنا
سہیل رعنا
اے حمید
اے حمید
نبیلہ
نبیلہ
نسیمہ شاہین
نسیمہ شاہین
کے خورشید
کے خورشید
حبیب جالب
حبیب جالب
ماسٹر عبد اللہ
ماسٹر عبد اللہ
شبانہ
شبانہ
ناصرہ
ناصرہ
آصف جاوید
آصف جاوید
نذرالاسلام
نذرالاسلام
رفیق رضوی
رفیق رضوی
ماسٹر عنایت حسین
ماسٹر عنایت حسین
آغا جی اے گل
آغا جی اے گل
ماسٹر عاشق حسین
ماسٹر عاشق حسین
اکبرعلی اکو
اکبرعلی اکو
ظہیرریحان
ظہیرریحان
فیروز نظامی
فیروز نظامی
حسن لطیف
حسن لطیف
نیلو
نیلو
رانی
رانی
مظہر شاہ
مظہر شاہ
دلجیت مرزا
دلجیت مرزا
یاسمین
یاسمین
احمد راہی
احمد راہی
منوررشید
منوررشید
ایم جے رانا
ایم جے رانا
نسیمہ خان
نسیمہ خان
ریاض شاہد
ریاض شاہد
سیف الدین سیف
سیف الدین سیف
حسنہ
حسنہ
اقبال شہزاد
اقبال شہزاد
ندیم
ندیم
روبن گھوش
روبن گھوش
ایم صادق
ایم صادق
کلیم عثمانی
کلیم عثمانی
سدھیر
سدھیر
امجدبوبی
امجدبوبی
وحیدڈار
وحیدڈار
ایم اشرف
ایم اشرف
ایم اے رشید
ایم اے رشید
مسرت نذیر
مسرت نذیر
شباب کیرانوی
شباب کیرانوی
رحمان ورما
رحمان ورما
تسلیم فاضلی
تسلیم فاضلی
رضا میر
رضا میر
سلمیٰ ممتاز
سلمیٰ ممتاز
مظفروارثی
مظفروارثی
اعجاز
اعجاز
ساحل فارانی
ساحل فارانی
سیما
سیما
کیفی
کیفی
اسلم ایرانی
اسلم ایرانی
تصورخانم
تصورخانم
سلطان محمود آشفتہ
سلطان محمود آشفتہ
عزیز میرٹھی
عزیز میرٹھی
ایم اسماعیل
ایم اسماعیل
احمد رشدی
احمد رشدی
شاہد
شاہد
سلونی
سلونی
ساقی
ساقی
سلطان راہی
سلطان راہی
طافو
طافو
اعظم بیگ
اعظم بیگ
سعیدگیلانی
سعیدگیلانی
عالیہ
عالیہ
نرالا
نرالا
حنیف
حنیف
صہبااختر
صہبااختر
البیلا
البیلا
علی حسین
علی حسین
محمد علی
محمد علی
ناہید
ناہید
خلیل قیصر
خلیل قیصر
لال محمد اقبال
لال محمد اقبال
طالش
طالش
نذر
نذر
ریاض احمد
ریاض احمد
سنگیتا
سنگیتا
شیریں
شیریں
خان عطا الرحمان
خان عطا الرحمان
آصف جاہ
آصف جاہ
اطہر شاہ خان
اطہر شاہ خان
جعفر بخاری
جعفر بخاری
لہری
لہری
اقبال حسن
اقبال حسن
کمار
کمار
مہدی حسن
مہدی حسن
بخشی وزیر
بخشی وزیر
وزیر افضل
وزیر افضل
رشید عطرے
رشید عطرے
زلفی
زلفی
ریاض احمد راجو
ریاض احمد راجو
غلام حسین شبیر
غلام حسین شبیر
ظہیر کاشمیری
ظہیر کاشمیری
ماسٹر رفیق علی
ماسٹر رفیق علی
نورمحمدچارلی
نورمحمدچارلی
بابا عالم سیاہ پوش
بابا عالم سیاہ پوش
فردوس
فردوس
منورظریف
منورظریف
جمیل اختر
جمیل اختر
ایم اکرم
ایم اکرم
سائیں اختر
سائیں اختر
ظہورناظم
ظہورناظم
فیاض ہاشمی
فیاض ہاشمی
ارشدکاظمی
ارشدکاظمی
وجاہت عطرے
وجاہت عطرے
روزینہ
روزینہ
آئرن پروین
آئرن پروین
رونا لیلیٰ
رونا لیلیٰ
حسن طارق
حسن طارق
اعظم چشتی
اعظم چشتی
رشیداختر
رشیداختر
اکمل
اکمل
صفدرحسین
صفدرحسین
درپن
درپن
اے شاہ
اے شاہ
خواجہ پرویز
خواجہ پرویز
اسد بخاری
اسد بخاری
یوسف خان
یوسف خان
سید کمال
سید کمال
حسن عسکری
حسن عسکری
علی اعجاز
علی اعجاز
آغا حسینی
آغا حسینی
ماسٹر تصدق حسین
ماسٹر تصدق حسین
مشیر کاظمی
مشیر کاظمی
سلیم اقبال
سلیم اقبال
شبنم
شبنم
منیر حسین
منیر حسین
کمال احمد
کمال احمد
ماسٹر مراد
ماسٹر مراد
شریف نیر
شریف نیر
الحامد
الحامد
اسماعیل متوالا
اسماعیل متوالا
اسلم ڈار
اسلم ڈار
ایم ایس ڈار
ایم ایس ڈار
نغمہ
نغمہ
آئٹم گرلز
آئٹم گرلز
سنتوش کمار
سنتوش کمار
شیون رضوی
شیون رضوی
نذیرجعفری
نذیرجعفری
منیر نیازی
منیر نیازی
راجہ حفیظ
راجہ حفیظ
امداد حسین
امداد حسین
سیف چغتائی
سیف چغتائی
سلیم کاشر
سلیم کاشر
دیبو بھٹا چاریہ
دیبو بھٹا چاریہ
محمد رفیع
محمد رفیع
نثار بزمی
نثار بزمی
فضل حسین
فضل حسین
عنایت حسین بھٹی
عنایت حسین بھٹی
رنگیلا
رنگیلا
افتخارخان
افتخارخان
روبینہ بدر
روبینہ بدر
عمرشریف
عمرشریف
مسعودپرویز
مسعودپرویز
نسیم بیگم
نسیم بیگم
مسرور انور
مسرور انور
نگہت سیما
نگہت سیما
دیبا
دیبا
موج لکھنوی
موج لکھنوی
الطاف حسین
الطاف حسین
ابو شاہ
ابو شاہ
حمیدچوہدری
حمیدچوہدری
زیبا
زیبا
حزیں قادری
حزیں قادری
انورکمال پاشا
انورکمال پاشا
شمیم آرا
شمیم آرا



PAK Magazine is an individual effort to compile and preserve the Pakistan's political, film and media history.
All external links on this site are only for the informational and educational purposes, and therefor, I am not responsible for the content of any external site.