مسعودرانا کے گائے ہوئے روحانی فلمی گیت

پاکستان کی فلمی تاریخ میں مسعودرانا واحد گلوکار ہیں جن کے پاس گیتوں کی سب سے بڑی ورائٹی تھی اور اس کی سب سے بڑی وجہ یہ تھی کہ ان کی آواز ہر رنگ ، ہر ڈھنگ اور ہر انگ میں ڈھل جاتی تھی۔

مسعودرانا نے بڑی تعداد میں روحانی گیت بھی گائے تھے جن میں حمدیہ اور نعتیہ کلام کے علاوہ قوالیاں اور دھمالیں بھی تھیں۔

دلچسپ بات یہ ہے کہ ہماری پنجابی فلموں میں خالص حمدیہ اور نعتیہ کلام خال خال ہی ملتے ہیں لیکن دھمالیں بڑی تعداد میں گائی گئی ہیں۔ یہ بھی یاد رہے کہ فلمی روحانی کلام عام طور پر حاجت روی کے لیے گایا گیا ہے اور یہ حمد اور نعت کے میعار پر ہمیشہ پورا نہیں اترتا۔