Pakistn Film Magazine in Urdu/Punjabi


A Tribute To The Legendary Playback Singer Masood Rana

Masood Rana - مسعودرانا


سیف چغتائی

موسیقار سیف چغتائی
ایک لازوال جنگی ترانے
"میریا ڈھول سپاہیا"
کی وجہ سے ہمیشہ یاد رکھے جائیں گے!

موسیقار سیف چغتائی کے بارے میں اتنا ہی کہہ دینا کافی ہے کہ انھوں نے جنگ ستمبر 1965ء کے دوران ملکہ ترنم نورجہاں سے یہ لافانی جنگی ترانہ گوایا تھا:

    میریا ڈھول سپاہیا ، تینوں رب دیاں رکھاں
    جنہاں راہوں توں آویں ، جنہاں راہواں توں جاویں
    انہاں راہوں دی مٹی چُمن میریاں اکھاں۔۔

ممتاز شاعر صوفی غلام مصطفیٰ تبسم کا لکھا ہوا یہ سپرہٹ ترانہ اس وقت پوری قوم کے دلوں کی آواز بن گیا تھا۔

انھی فنکاروں کا ایک اور ترانہ "کرنیل نی ، جرنیل نی۔۔" بھی بڑا مقبول ہوا تھا۔

ان دونوں ترانوں کو عظیم فلمساز اور ہدایتکار انور کمال پاشا کی پنجابی فلم پروہنا (1966) میں شامل کیا گیا تھا اور اداکارہ شیریں پر فلمایا گیا تھا۔ اس ناکام فلم کا سب سے یادگار روایتی گیت بھی ملکہ ترنم نورجہاں کی آواز میں تھا جس کے بول منظور جھلا نے لکھے تھے:

  • نہ دل دیندی بے دردی نوں ، نہ کونج وانگوں کرلاندی ، کدی نہ پچھتاندی میں۔۔

اسی فلم میں سیف چغتائی نے پہلی بار مسعودرانا سے نذیربیگم کے ساتھ ایک دوگانا گوایا تھا

  • گجے پیار نہ رہندے نیں۔۔

ماہیا ٹائپ یہ گیت فلم میں شیریں اور ایک گمنام اداکار ضیاء پر فلمایا گیا تھا۔

سیف چغتائی ، پیشے کے لحاظ سے ایک وکیل تھے اور ایک شوقیہ موسیقار تھے۔ انھوں نے اپنے دس سالہ فلمی کیرئر میں کل سات فلموں کی موسیقی ترتیب دی تھی لیکن کوئی ایک بھی فلم باکس آفس پر کامیاب نہیں ہوئی تھی۔ چند فلموں میں گائیکی کے علاوہ نغمہ نگاری بھی کی تھی۔

ان کی پہلی فلم ہدایتکار رفیق رضوی کی اپنا پرایا (1959) تھی جس میں ایک درازقد اداکار سکندر نے بڑی اچھی اداکاری کی تھی ، غالباً فلم کی کہانی بھی انھی صاحب کی تھی۔ ایک معروف گلوکار سلیم شہزاد (پیار کی یاد نگاہوں میں بسائے رکھنا فیم) نے اس فلم میں بطور اداکار کام کیا اور جوڑی اداکارہ رخسانہ کے ساتھ تھی۔ ان پر احمدرشدی اور ناہیدنیازی کا ایک گیت

  • دور سے نہ گھور ، پاس آ۔۔

فلمایا گیا تھا۔

اگلی دونوں فلموں منگتی (1961) اور فانوس (1963) میں بھی کوئی گیت مقبول نہ ہو سکا تھا لیکن چوتھی فلم لٹیرا (1964) میں نسیم بیگم کا گایا ہوا یہ گیت سپرہٹ ہوا تھا

  • نگاہیں ہو گئی پرنم ، ذرا آواز تو دینا ، دکھوں میں گر گئے ہیں ہم۔۔

اختر رضا قزلباش نامی گمنام شاعر کا لکھا ہوا یہ سدا بہار گیت فلم کی ہیروئن بہار پر فلمایا گیا تھا۔ اس فلم کے ہیرو اسلم پرویز تھے جن کے ہیروشپ کے دور کے تسلسل کی یہ آخری فلم تھی۔ 1988ء میں ان کے انتقال کے بعد ایک عرصہ سے رکی ہوئی پنجابی فلم بانو (1988) ریلیز ہوئی تھی جس میں وہ ، بہار ہی کے ہیرو تھے۔

سیف چغتائی کی آخری دو فلمیں 14 سال (1968) اور شیرجوان (1969) تھیں۔ اس آخری فلم میں انھوں نے وارث لدھیانوی کا لکھا ہوا ایک گیت

  • تساں دل منگیا ، اساں دے چھڈیا ، ہن جان وی کریئے فدا ، جے سجناں دا حکم ہووے۔۔

مسعودرانا اور نذیربیگم سے گوایا تھا جو فلم میں اکمل اور شیریں پر فلمایا گیا تھا۔

ان کا انتقال 2003ء میں ہوا تھا۔

مسعودرانا اور سیف چغتائی کے 2 فلمی گیت

0 اردو گیت ... 2 پنجابی گیت
1

گھجے پیار نہ رہندے نیں تے انگ انگ روے نچدا ، ہاسے ڈل ڈل پیندے نیں..

فلم ... پروہنا ... پنجابی ... (1966) ... گلوکار: نذیر بیگم ، مسعود رانا ... موسیقی: سیف چغتائی ... شاعر: یوسف موج ... اداکار: شیریں ، ضیاء
2

تسی دل منگیا ، اسیں دے چھڈیا ، ہن جان وی کریئے فدا ، جے سجناں دا حکم ہووے..

فلم ... شیر جوان ... پنجابی ... (1969) ... گلوکار: مسعود رانا ، نذیر بیگم ... موسیقی: سیف چغتائی ... شاعر: ؟ ... اداکار: اکمل ، شیریں

مسعودرانا اور سیف چغتائی کے 0سولو گیت


مسعودرانا اور سیف چغتائی کے 2دو گانے

1

گھجے پیار نہ رہندے نیں تے انگ انگ روے نچدا ، ہاسے ڈل ڈل پیندے نیں ...

(فلم ... پروہنا ... 1966)
2

تسی دل منگیا ، اسیں دے چھڈیا ، ہن جان وی کریئے فدا ، جے سجناں دا حکم ہووے ...

(فلم ... شیر جوان ... 1969)

مسعودرانا اور سیف چغتائی کے 0کورس گیت


Masood Rana & Saif Chughtai: Latest Online film

Masood Rana & Saif Chughtai: Film posters
ProhnaSher Jawan
Masood Rana & Saif Chughtai:

0 joint Online films

(0 Urdu and 0 Punjabi films)

Masood Rana & Saif Chughtai:

Total 2 joint films

(0 Urdu, 2 Punjabi films)

1.1966: Prohna
(Punjabi)
2.1969: Sher Jawan
(Punjabi)


Masood Rana & Saif Chughtai: 2 songs

(0 Urdu and 2 Punjabi songs)

1.
Punjabi film
Prohna
from Friday, 26 August 1966
Singer(s): Nazir Begum, Masood Rana, Music: Saif Chughtai, Poet: , Actor(s): Shirin, Zia
2.
Punjabi film
Sher Jawan
from Friday, 30 May 1969
Singer(s): Masood Rana, Nazir Begum, Music: Saif Chughtai, Poet: , Actor(s): Akmal, Shirin



پاکستان فلم میگزین ، سنہری فلمی یادوں کا امین

پاکستان فلم میگزین ، اپنی نوعیت کی اولین ، منفرد اور تاریخ ساز ویب سائٹ ہے جس پر ہزاروں پاکستانی فلموں ، فنکاروں اور گیتوں کی معلومات ، واقعات اور اعدادوشمار دستیاب ہیں۔ یہ ایک انفرادی کاوش ہے جو فارغ اوقات کا بہترین مشغلہ اور پاکستان کی فلمی تاریخ کو مرتب کرنے کا ایک انوکھا مشن بھی ہے جو 3 مئی 2000ء سے مسلسل جاری و ساری ہے۔

مسعود رانا پر ایک معلومات ویب سائٹ

یہ بے مثل ویب سائٹ کبھی نہ بن پاتی اگر پاکستانی فلموں میں میرے آل ٹائم فیورٹ پلے بیک سنگر جناب مسعودرانا صاحب کے گیت نہ ہوتے۔ اس عظیم گلوکار کے گیتوں کی تلاش و جستجو میں یہ سب تگ و دو کی جو گزشتہ دو دھائیوں سے پاکستانی فلمی معلومات کا سب سے بڑا آن لائن منبع ثابت ہوئی۔

2020ء سے مسعود رانا کی 25ویں برسی پر ایک ایسا شاندار خراج تحسین پیش کیا جارہا ہے کہ جو آج تک کسی دوسرے فنکار کو پیش نہیں کیا جا سکا۔ مسعودرانا کے ایک ہزار سے زائد فلمی گیتوں اور ساڑھے چھ سو فلموں کے اردو/پنجابی ڈیٹابیس کے علاوہ دیگر پاکستانی فنکاروں پر بھی بڑے تفصیلی معلوماتی مضامین لکھے جارہے ہیں۔

یہ سلسلہ اپنی تکمیل تک جاری رہے گا ، ان شاء اللہ۔۔!




PAK Magazine is an individual effort to compile and preserve the Pakistan's political, film and media history.
All external links on this site are only for the informational and educational purposes, and therefor, I am not responsible for the content of any external site.