رشید عطرے ، پاکستان کی فلمی تاریخ میں اردو فلموں کے پہلے کامیاب ترین موسیقار تھے جنہوں نے بہت بڑی تعداد میں سپر ہٹ گیت تخلیق کیے تھے۔ فلم بیلی (1950) سے فلمی کیرئر کا آغاز کیا لیکن بریک تھرو فلم شہری بابو (1950) سے ملا تھا جس میں ان کا عنایت حسین بھٹی کے لیے کمپوز کیا ہوا لازوال گیت "بھاگاں والیو ، نام جپھو مولا نام۔۔" امر سنگیت میں شامل ہے۔ اس فلم میں انھوں نے زبیدہ خانم کو متعارف کروایا تھا جو پچاس کے عشرہ کی سب سے مقبول اور مصروف ترین گلوکارہ تھیں۔ انھوں نے خانصاحب مہدی حسن کو بھی فلم فرنگی (1964) میں بریک تھرو دلوایا تھا جب ان کی غزل "گلوں میں رنگ بھرے۔۔" ان کی پہچان بن گئی تھی۔ انھوں نے بطور فلمساز ایک فلم موسیقار (1962) بھی بنائی تھی جس میں بڑے اعلیٰ پائے کی موسیقی ترتیب دی تھی۔

عظیم موسیقار رشید عطرے کو ایک اعزاز یہ بھی حاصل تھا کہ انھوں نے فلم چنگیز خان (1958) میں طفیل ہوشیارپوری کے لکھے ہوئے ترانے کو عنایت حسین بھٹی اور ساتھیوں سے گوا کر امرکر دیا تھا "اے مرد مجاہد ، جاگ ذرا ، اب وقت شہادت ہے آیا۔۔" اس ترانے کو پاک فوج کے سرکاری بینڈ میں شامل کیا گیا ہے۔ ان کا ایک اعزاز اور بھی ہے کہ آزاد کشمیر کا قومی ترانہ "وطن ہمارا ، آزاد کشمیر۔۔" کی دھن بھی انھوں نے عنایت شاہ نامی موسیقار کے ساتھ مل کر بنائی تھی جسے منورسلطانہ ، عنیقہ بانو اور ساتھیوں نے گایا تھا اور جسے پاکستان کے قومی ترانے کے شاعر حفیظ جالندھری ہی نے لکھا تھا۔

پاکستان فلم ڈیٹابیس کے غیر حتمی اعدادوشمار کے مطابق رشید عطرے نے اپنے سترہ سالہ فلمی کیرئر میں ساٹھ کے قریب فلموں میں گیت کمپوز کیے تھے۔ ان میں سے پچاس سے زائد اردو فلموں میں ساڑھے تین سو کے لگ بھگ گیت تھے جبکہ چھ پنجابی فلموں میں پچاس سے زائد گیت تھے۔ ان کے سب سے زیادہ گیت قتیل شفائی اور تنویر نقوی نے لکھے تھے۔ گلوکاراؤں میں نسیم بیگم نے سب سے زیادہ گیت گائے تھے جن کی تعداد 94 ہے جبکہ زبیدہ خانم کے 72 ، میڈم نور جہاں کے 66 ، مالا کے 46 اور آئرن پروین کے 20 گیت تھے۔ رشید عطرے صاحب واحد موسیقار ہیں کہ جن کے سب سے زیادہ مردانہ گیت ان کے اپنے بھانجے گلوکار منیر حسین کے ساتھ تھے جن کی تعداد 34 تھی۔ سلیم رضا نے 27 مہدی حسن اور احمد رشدی نے تیرہ تیرہ ، عنایت حسین بھٹی نے سات اور مسعود رانا نے چار گیت گائے تھے۔

رشید عطرے نے مسعود رانا کے لیے پہلی بار فلم آزاد (1964) میں یہ خوبصورت گیت کمپوز کیا تھا:

• میں وہ دیوانہ ہوں ، جس پر کوئی ہنستا بھی نہیں..

اس فلم میں ہی انھوں نے سلیم رضا سے ایک گیت گوایا تھا "تم پوچھتے ہو ، کیا تم سے کہوں ، میں کس لیے پیتا ہوں۔۔" اسی گیت کو انھوں نے اپنی آخری فلم بہشت (1974) میں مہدی حسن سے اسی دھن میں گوایا تھا۔ یہ فلم ان کے انتقال کے سات سال بعد ریلیز ہوئی تھی۔

مسعود رانا کے ساتھ رشید عطرے کا دوسرا گیت اپنے وقت کی ایک بہت بڑی سپر ہٹ نغماتی فلم مرزاجٹ (1967) میں تھا:

• نکے ہندیاں دا پیار ، ویکھیں دیویں نہ وسار ، میتھوں جند وی جے منگیں ، دیواں تیرے اتوں وار..

یوں تو اس فلم میں احمد راہی صاحب کے لکھے ہوئے سبھی گیت ہٹ ہوئے تھے لیکن آئرن پروین اور مسعود رانا کا یہ دوگانا اتنا مقبول ہوا تھا کہ ہدایتکار مسعودپرویز نے جب اپنی اگلی فلم بنائی تھی تو اس کا نام اسی گیت کے بولوں پر رکھا تھا ، نکے ہندیاں دا پیار (1969)

ان دونوں عظیم فنکاروں کا تیسرا سنگم فلم باؤجی (1968) میں ہوا تھا جو عطرے صاحب کے انتقال کے بعد ریلیز ہوئی تھی۔ اس فلم کے سبھی گیت بھی ہٹ ہوئے تھے لیکن یہ گیت سب پر بھاری تھا:

• دل دیاں لگیاں جانے نہ ، میرا پیار پہچانے نہ ، کملی اوئے مٹیار ہان دی..

حزیں قادری کے لکھے ہوئے اس گیت کو میڈم نور جہاں نے بھی گایا تھا لیکن مسعود رانا کی آواز میں زیادہ مقبول ہوا تھا اور ان کے آل ٹائم ٹاپ ٹین سپر ہٹ پنجابی فلمی گیتوں میں شامل تھا۔ اس گیت کے بول بھی ایک نئی فلم کی تخلیق کا باعث بنے تھے جو دل دیاں لگیاں (1970) کی صورت میں ہدایتکار وحیدڈار نے بنائی تھی۔ اسی فلم کے ٹائٹل پر مسعود رانا کا ایک دعائیہ شعر بھی تھا "اے دربار سخی دا۔۔" اس وقت مختلف فلم کمپنیاں اپنی شناخت کے لیے اپنا آفیشل سانگ رکھتی تھیں جو زیادہ تر مسعود رانا ہی نے گائے تھے۔

رشید عطرے صاحب کا سکور اتنا زیادہ ہے کہ تسلی نہیں ہوگی جب تک انھیں خراج تحسین پیش کرتے ہوئے ان کی خاص خاص فلموں اور گیتوں کی ایک فہرست مرتب نہ کر لی جائے۔۔

فلم شہری بابو (1950)

• بھاگاں والیو ، نام جپھو مولا نام۔۔ (عنایت حسین بھٹی)
• گلاں سن کے ماہی دے نال میریاں ، دوپٹہ بے ایمان ہو گیا۔۔ (زبیدہ خانم)
• راتاں میریاں بنا کے ربا نیریاں ، نصیباں والے تارے ڈب گئے۔۔ (زبیدہ خانم)

فلم سرفروش (1956)

• اے چاند ان سے جا کر ، میرا سلام کہنا۔۔ (زبیدہ خانم)
• تیری الفت میں صنم ، دل نے بہت درد سہے ، اور ہم چپ ہی رہے۔۔ (زبیدہ خانم)

فلم چن ماہی (1956)

• بندے چاندی دے سونے دی نتھ لے کے ، آجا او بیلیا۔۔ (زبیدہ خانم)
• نی چٹھیئے سجناں دیے ، تینوں چم چم دل نال لاواں ، سدھکڑے جاواں۔۔ (زبیدہ خانم)

فلم وعدہ (1957)

• تیری رسوائیوں سے ڈرتا ہوں ، جب تیرے شہر سے گزرتا ہوں۔۔ (شرافت علی)
• بار بار ترسیں مورے نین ، مورے نیناں۔۔ (کوثرپروین ، شرافت علی)

فلم سات لاکھ (1957)

• آئے موسم رنگیلے سہانے ، جیا نہ ہی مانے ، تو چھٹی لے کے آجا بالما۔۔ (زبیدہ خانم)
• یارو ، مجھے معاف رکھو ، میں نشے میں ہوں۔۔ (سلیم رضا)
• قرار لوٹنے والے ، تو قرار کو ترسے۔۔ (منیر حسین)
• ستمگر ، مجھے بے وفا جانتا ہے ، میرے دل کی حالت خدا جانتا ہے۔۔ (کوثرپروین)

فلم چنگیز خان (1958)

• اے مرد مجاہد ، جاگ ذرا ، وقت شہادت ہے آیا۔۔ (عنایت حسین بھٹی)

فلم انارکلی (1958)

• کہاں تک سنو گے ، کہاں تک سناؤں ، ہزاروں ہی شکوے ہیں ، کیاکیا بتاؤں۔۔ (نور جہاں)
• جلتے ہیں ارمان میرا دل روتا ہے ، قسمت کا دستور نرالا ہوتا ہے۔۔ (نور جہاں)

فلم مکھڑا (1958)

• دلا ، ٹھہر جا یار دا نظارا لین دے ، کوئی جاندی واری سجناں نوں گل کہن دے۔۔ (منیر حسین/زبیدہ خانم)
• میرا دل چناں ، کچ دا کھڈونا ، ایدھے نال جے توں دل پرچانا تے ویکھی اینوں توڑ نہ دئیں۔۔ (زبیدہ خانم)

فلم نیند (1958)

• تیرے در پر صنم چلے آئے ، تو نہ آیا تو ہم چلے آئے۔۔ (نور جہاں)
• چھن چھن باجے ، پائل باجے ، سانوریا۔۔ (نور جہاں)

فلم شام ڈھلے (1960)

• سو بار چمن مہکا ، سو بار بہار آئی ، دنیا کی وہی رونق ، اس دل کی وہی تنہائی ۔۔ (نسیم بیگم)

فلم گلفام (1961)

• یہ ناز ، یہ انداز ، یہ جادو ، یہ ادائیں ، سب مل کے تیری مست جوانی کو سجائیں۔۔ (سلیم رضا)

فلم شہید (1962)

• اس بے وفا کا شہر ہے اور ہم ہیں دوستو ، اشک رواں کی نہر ہے۔۔ (نسیم بیگم)
• نثار میں تیری گلیوں پہ اے وطن کے جہاں ، چلی ہے رسم کہ کوئی نہ سر اٹھا کے چلے۔۔ (منیر حسین)

فلم قیدی (1962)

• مجھ سے پہلی سی محبت ، میرے محبوب نہ مانگ۔۔ (نور جہاں)

فلم موسیقار (1962)

• گائے گی دنیا گیت میرے ، سریلے انگ میں نے ۔۔ (نور جہاں)
• تم جگ جگ جیو مہاراج رے ، ہم تیری نگریا میں آئے۔۔ (نور جہاں/سلیم رضا)

فلم محبوب (1962)

• نگاہیں ملا کر بدل جانے والے ، مجھے تجھ سے کوئی شکایت نہیں۔۔ (نور جہاں)
• سپنوں میں اڑی اڑی جاؤں ، چھم چھم ناچوں ، گن گن گاؤں۔۔ (مالا)

فلم فرنگی (1964)

• گلوں میں رنگ بھرے ، باد نو بہار چلے۔۔ (مہدی حسن)
• بن کے میرا پروانہ ، آئے گا اکبر خاناں ، کہہ دوں گی دلبرجاناں ، پہ خیر راغلے۔۔ (مالا)

فلم ہزار داستان (1965)

• آنکھوں سے ملی آنکھیں ، دل دل سے جو ٹکرایا ، واللہ ، مزہ آیا۔۔ (مہدی حسن)

فلم جی دار (1965)

• ہائے نی ماں چھلا میرا کنے گھڑیا ، انگل کریندی ڈاہڈی پیڑھ ہو۔۔ (نسیم بیگم)

فلم سوال (1966)

• لٹ الجھی ، سلجھا جا رے بالم ، میں نہ لگاؤں کی ہاتھ رے۔۔ (نور جہاں)
• ارے او بے مروت ، ارے او بے وفا ، بتا دے کیا یہی ہے وفاؤں کا صلہ۔۔ (نور جہاں)

فلم پائل کی جھنکار (1966)

• حسن کو چاند ، جوانی کو کنول کہتے ہیں ، ان کی صورت جو نظر آئے تو غزل کہتے ہیں۔۔ (سلیم رضا)
• ہم نے تو تمہیں دل دے ہی دیا ، اب تم یہ بتاؤ کیا دو گے۔۔ (نسیم بیگم ، سلیم رضا)
• میرے دل کے تار بجیں بار بار ، ہوا تجھ سے پیار ، آجا۔۔ (نسیم بیگم ، مہدی حسن)

فلم گناہ گار (1967)

• ہم نے تو پیار کیا ہے ، اک دلربا سے ، اک بے وفا سے لوگو ، سن لو۔۔ (منیر حسین/مالا)
• مجھے تصویر بنانی ہے ، ذرا ناز دکھا ، کوئی انداز دکھا ۔۔ (منیر حسین)

فلم مرزاجٹ (1967)

• نکے ہندیاں دا پیار ، ویکھیں دیویں نا وسار۔۔ (آئرن پروین ، مسعود رانا)
• نہ عشق نوں لیکاں لاویں ، ہاڑا وے ڈھولن نہ جاویں۔۔ (نور جہاں)
• سنجے دل والے بوہے ، اجے میں نیئوں ڈھوئے۔۔ (نور جہاں)

فلم محل (1968)

• جیارا ترسے ، دیکھنے کو ، اک رت بیتی ، اک رت آئی۔۔ (نور جہاں)
• سنا ہے کہ دل لے کے دیتے ہیں دھوکہ ، مگر میری جان ، ہم تو ایسے نہیں ہیں۔۔ (رونالیلیٰ ، احمد رشدی)
• آواز جب بھی دیں ہم ، پہچان جائے گا۔۔ (مہدی حسن ، نگہت سیما)

فلم باؤجی (1968)

• دل دیاں لگیاں جانیں نہ ، میرا پیار پہچانے نہ۔۔ (مسعود رانا/نور جہاں)
• باؤ جی ، میں اک عرض کراں ، دل میرا ڈردا اے اللہ دی سونہہ۔۔ (نور جہاں)
• پیار نالوں پیارے سجناں ، اساں تیرے اتے دل ہارے سجناں۔۔ (نور جہاں)

فلم پرستان (1968)

• محبت کے دم سے یہ دنیا حسین ہے ، محبت نہیں ہے تو کچھ بھی نہیں ہے۔۔ (نسیم بیگم)
• دل بہت اداس ہے ، غبار اجڑے وقت کا نظر کے آس پاس ہے ۔۔ (مہدی حسن)

فلم سلام محبت (1971)

کیوں ہم سے خفا ہو گئے ، اے جان تمنا ، بھیگے ہوئے موسم کا مزہ کیوں نہیں لیتے۔۔ (مہدی حسن)

فلم بہشت (1974)

کیوں پوچھتے ہو ، کیا تم سے کہوں ، میں کس لیے جیتا ہوں۔۔ (مہدی حسن)

فلم بہشت (1974) کے دوسرے موسیقار اے حمید تھے اور تمام گیتوں کی معلومات دستیاب نہیں ہیں۔

1 اردو گیت ... 3 پنجابی گیت

Masood Rana & Rasheed Attray:

1 joint Online films

(0 Urdu and 1 Punjabi films)

1.	1968: Bau Ji (Punjabi)

Masood Rana & Rasheed Attray:

Total 3 joint films

(1 Urdu, 2 Punjabi films)

1.	1964: Azad (Urdu)

2.	1967: Mirza Jatt (Punjabi)

3.	1968: Bau Ji (Punjabi)