ماں کے موضوع پر مسعودرانا کے گیت

عام طور پر فلمی گیتوں میں رومانٹک گیتوں کی بھر مار رہی ہے لیکن یہ بھی ایک حقیقت ہے کہ عشق و محبت کے موضوعات پر مبنی ایسے گیت ہماری تہذیب و تمدن سے مطابقت نہیں رکھتے اور بیشتر مسلم گھرانوں میں ایسے گیت سننا اور گانا انتہائی معیوب سمجھا جاتا رہا ہے۔

پاکستانی فلموں میں ان روایتی گیتوں کے علاوہ زمینی حقائق اور انسانی رشتوں ناطوں پر مبنی انتہائی پر اثر معاشرتی اور سماجی گیت بھی گائے گئے ہیں خصوصاََ ماں جیسے مقدس رشتے پر گائے ہوئے انتہائی جذباتی اور روح کی گہرائیوں تک اتر جانے والے گیت مسعودرانا صاحب کا طرہ امتیاز رہے ہیں جن کے ایسے ہی بامقصد گیتوں کی چند فہرستیں مرتب کی گئی ہیں۔