Pakistn Film Magazine in Urdu/Punjabi


A Tribute To The Legendary Playback Singer Masood Rana

Masood Rana - مسعودرانا Masood Rana sang 1038 songs in 647 films

مسعودرانا اور طارق عزیز

Tariq Aziz

پاکستانی میڈیا کا ایک بہت بڑا نام ، طارق عزیز ، 84 سالہ زندگی کی ایک بھر پور اننگز کھیل کر 17 جون 2020ء کو دارفانی سے کوچ کر گئے۔ (انا للہ وانا الیہ راجعون)

مرحوم کے کریڈٹ پر تین درجن فلمیں تھیں لیکن زیادہ شہرت انھیں 1975ء میں شروع ہونے والے ٹی وی شو نیلام گھر سے ملی تھی۔ ان کا سب سے بڑا اعزاز تو یہ تھا کہ جب 26 نومبر 1964ء کو پاکستان ٹیلی ویژن کا آغاز ہوا تھا تو منی سکرین پر نظر آنے والی پہلی صورت طارق عزیز مرحوم ہی کی تھی۔ اس سے قبل ان کی بطور اداکار پہلی فلم خاموش رہو (1964) ریلیز ہو چکی تھی جس میں وہ فلم کے آخر میں ایک وکیل کے کردار میں نظر آئے تھے۔ انھوں نے ریڈیو اناؤنسر کے طور پر بھی کئی سال تک کام کیا تھا۔

طارق عزیز ، اپنی دوسری فلم انسانیت (1967) میں سیکنڈ ہیرو کے رول میں تھے اور مالا کا گایا ہوا مشہور زمانہ گیت "میرے ہمدم ، میرے ساتھی ، میں تیری دم ساز ہوں۔۔" انھی کے لیے گایا گیا تھا۔ اوپر تلے چند فلموں میں سیکنڈ ہیرو کے رول میں کاسٹ کیے گئے تھے۔ فلم زندگی (1968) میں کراچی ٹی وی کے مقبول اداکار شکیل کے ساتھ غزالہ کے امیدوار تھے اور اس فلم میں ان پر احمد رشدی کے دو گیت "جی نہ سکوں گا۔۔" اور "میرے نغمات سے رنگین۔۔" اور مہدی حسن کا ایک گیت "کچھ آہیں ، کچھ آنسو لے کر۔۔" فلمایا گیا تھا۔ فلم روٹی (1968) میں ان کا یہ جملہ ہمیشہ یاد رہا کہ "کوئی عورت اپنی عمر اور مرد اپنی تنخواہ نہیں بتاتا۔۔" فلم کٹاری اور کردار میں بھی وہ ہیرو کے کرداروں میں تھے۔ طارق عزیز کی بطور سولو ہیرو ایک فلم قسم اس وقت کی (1969) بھی تھی جسے پاکستان ائر فورس نے بنایا تھا اور اس فلم میں طارق عزیز نے ایک پائلٹ کا رول کیا تھا لیکن یہ فلم بھی باکس آفس پر کامیاب نہیں ہو سکی تھی۔

Qasm Us Waqt Ki (1969)

طارق عزیز کو سیاست میں بھی دلچسپی تھی اور وہ بائیں بازو کے خیالات کے حامل تھے۔ ستر کے عشرہ میں ذوالفقار علی بھٹو جیسی طلسماتی شخصیت کے سحر میں مبتلا تھے۔ انھوں نے بطور اداکار ، فلمساز اور کہانی نویس ، اپنی اکلوتی فلم ساجن رنگ رنگیلا (1975) بنائی تھی جس میں وہ ایک مزدور لیڈر کے رول میں تھے۔ فلم کی کہانی سرمایہ دارانہ نظام اور طبقاتی کشمکش کے خلاف ایک اچھی کاوش تھی لیکن کامیابی سے محروم رہی تھی۔ اس فلم میں میڈم نور جہاں کا گایا ہوا ایک سپر ہٹ گیت تھا "کانٹوں پہ چلتی ہوئی ، آئی تیرے گاؤں میں ، دیکھ بلم ، تیری قسم ، چھالے پڑے پاؤں میں۔۔"

طارق عزیز ، شوبز کی دنیا کی واحد ہستی تھے کہ جنہوں نے 1997ء میں مسلم لیگ نون کے ٹکٹ پر قومی اسمبلی کے انتخابات میں لاہور کے ایک حلقہ سے موجودہ وزیر اعظم عمران خان کو شکست دے کر کامیابی حاصل کی تھی اور پارلیمنٹ کے ممبر بنے تھے۔ ان پر سپریم کورٹ پر حملہ کرنے کا الزام بھی تھا۔ وہ اردو اور پنجابی کے ایک بہترین شاعر بھی تھے اور انھیں بے شمار شعراء کرام کے اشعار زبانی یاد ہوتے تھے۔ ان کا لکھا ہوا ایک شعر کبھی مجھے بے حد پسند تھا:

یہاں کسی کو بھی کچھ حسب آرزو نہ ملا ، کسی کو ہم نہ ملے اور ہمیں تو نہ ملا

طارق عزیز پر مسعودرانا کا صرف ایک گیت فلمایا گیا تھا اور یہ فلم ایماندار (1974) میں ایک کورس گیت تھا:

یہ سالگرہ کا ایک گیت تھا جسے تسلیم فاضلی نے لکھا تھا اور ناشاد کی دھن میں روبینہ بدر ، مسعودرانا اور ساتھیوں نے گایا تھا اور کچھ کم نہیں چھ فنکاروں ، دیبا ، نشو ، رنگیلا ، منور ظریف ، ننھا اور طارق عزیز پر فلمایا گیا تھا۔ اس کے علاوہ مسعودرانا کا ایک انتہائی سبق آموز تھیم سانگ فلم ہار گیا انسان (1975) میں ابو شاہ نامی اداکار پر فلمایا گیا تھا جو طارق عزیز کے فلمی کردار کے پس منظر میں گایا گیا تھا:

طارق عزیز پر ایک الزام یہ بھی تھا کہ اپنے تعلق کی وجہ سے ٹی وی شو نیلام گھر میں زیادہ تر فلمی مہمانوں کو مدعو کیا کرتے تھے اور انھیں بے تحاشا انعام و اکرام سے نوازتے تھے۔ ان کے ایک پروگرام میں سنتوش کمار نے کار جیتی تھی جبکہ یوم آزادی کے ایک پروگرام میں مسعودرانا ، حاضرین میں سے اٹھ کر سٹیج پر جاتے ہیں اور ایک ملی ترانہ گاتے ہوئے پروگرام کا آغاز کرتے ہیں اور تمام حاضرین ان کے ساتھ نغمہ سراء ہو جاتے ہیں۔ گیت کے بول یاد نہیں رہے۔

کل 2 گیت ... 2 اردو گیت ... 0 پنجابی گیت
1
فلم ... ایماندار ... اردو ... (1974) ... گلوکار: روبینہ بدر ، مسعودرانا مع ساتھی ... موسیقی: ناشاد ... شاعر: تسلیم فاضلی ... اداکار: دیبا ، نشو ، رنگیلا ، منور ظریف ، ننھا ، طارق عزیز
2
فلم ... ہار گیا انسان ... اردو ... (1975) ... گلوکار: مسعود رانا ... موسیقی: نثار بزمی ... شاعر: ریاض الرحمان ساغر ... اداکار: ابو شاہ (طارق عزیز)

مسعودرانا اور طارق عزیز کے 2 اردو گیت

1میرے منے میرے لال ، جئے جئے ہزاروں سال ، سال کے دن ہوں ہزاروں سال ... (فلم ... ایماندار ... 1974)
2ہار گیا انسان خدا سے ، ہار گیا انسان ... (فلم ... ہار گیا انسان ... 1975)

مسعودرانا اور طارق عزیز کے 0 پنجابی گیت


مسعودرانا اور طارق عزیز کے 1سولو گیت

1ہار گیا انسان خدا سے ، ہار گیا انسان ... (فلم ... ہار گیا انسان ... 1975)

مسعودرانا اور طارق عزیز کے 0دوگانے


مسعودرانا اور طارق عزیز کے 1کورس گیت

1میرے منے میرے لال ، جئے جئے ہزاروں سال ، سال کے دن ہوں ہزاروں سال ... (فلم ... ایماندار ... 1974)


Masood Rana & Tariq Aziz: Latest Online film

Manji Kithay Dahwan

(Punjabi - Black & White - Friday, 7 June 1974)


Masood Rana & Tariq Aziz: Film posters
HukumatMelaRotiSoughatCharagh Kahan Roshni KahanBeImaanKubra AshiqBaharon Ki ManzilManji Kithay DahwanImandar
Masood Rana & Tariq Aziz:

5 joint Online films

(4 Urdu and 1 Punjabi films)

1.1971: Charagh Kahan Roshni Kahan
(Urdu)
2.1973: Kubra Ashiq
(Urdu)
3.1974: Manji Kithay Dahwan
(Punjabi)
4.1974: Imandar
(Urdu)
5.1975: Haar Geya Insan
(Urdu)
Masood Rana & Tariq Aziz:

Total 11 joint films

(8 Urdu and 3 Punjabi films)

1.1967: Hukumat
(Urdu)
2.1967: Mela
(Punjabi)
3.1968: Roti
(Punjabi)
4.1970: Soughat
(Urdu)
5.1971: Charagh Kahan Roshni Kahan
(Urdu)
6.1973: BeImaan
(Urdu)
7.1973: Kubra Ashiq
(Urdu)
8.1973: Baharon Ki Manzil
(Urdu)
9.1974: Manji Kithay Dahwan
(Punjabi)
10.1974: Imandar
(Urdu)
11.1975: Haar Geya Insan
(Urdu)


Masood Rana & Tariq Aziz: 2 songs

(2 Urdu and 0 Punjabi songs)

1.
Urdu film
Imandar
from Friday, 9 August 1974
Singer(s): Robina Badar, Masood Rana & Co., Music: Nashad, Poet: Taslim Fazli, Actor(s): Deeba, Nisho, Rangeela, Munawar Zarif, Nanha, Tariq Aziz
2.
Urdu film
Haar Geya Insan
from Friday, 21 March 1975
Singer(s): Masood Rana, Music: Nisar Bazmi, Poet: Riazur Rehman Saghar, Actor(s): Abbu Shah (Tariq Aziz)


پاکستان فلم میگزین ۔۔۔ سنہری فلمی یادوں کا امین

پاکستان فلم میگزین ، پاکستانی فلموں ، فلمی گیتوں اور فلمی فنکاروں پر اولین ، منفرد اور ایک بے مثل معلوماتی اور تفریحی ویب سائٹ ہے جو 3 مئی 2000ء سے مسلسل اپ ڈیٹ ہورہی ہے۔ یہ ایک انفرادی کاوش ہے جو فارغ اوقات کا ایک بہترین مشغلہ بھی ہے۔ یہ تاریخ ساز ویب سائٹ کبھی نہ بن پاتی ، اگر پاکستانی فلموں میں میرے آئیڈیل گلوکار جناب مسعودرانا صاحب کے گیت نہ ہوتے۔ اس عظیم گلوکار کو ایک منفرد خراج تحسین پیش کرنے کے لئے اس کے گائے ہوئے ایک ہزار سے زائد گیتوں کا پہلا اردو ڈیٹابیس بنایا گیا ہے جس میں ریکارڈ محفوظ رکھنے کے علاوہ دیگر ساتھی فنکاروں پر تفصیلی مضامین بھی شائع کئے جارہے ہیں۔

تازہ ترین اپ ڈیٹس




Pakistan Film Magazine

The first and largest website on Pakistani films, music and artists with chronological film history since 1913, useful information's, facts & figures, milestones, filmo- & songographies, images, videos and Urdu/Punjabi articles on various film topics.



Bandagi
Bandagi
(1972)
Sarfarosh
Sarfarosh
(1956)
Chhalawa
Chhalawa
(2019)



Artists database

Useful information's with detailed film records, milestones, videos, images etc..


Click on any category from the menu below and read more information's..