Menu of Pakistan Film Magazine
Pakistn Film Magazine in Urdu/Punjabi


A Tribute To The Legendary Playback Singer Masood Rana

Masood Rana - مسعودرانا


طفیل ہوشیارپوری

طفیل ہوشیارپوری ، پچاس کی دھائی کے ایک ممتاز فلمی نغمہ نگار تھے جنھیں ، پاکستان کی پہلی فیچر فلم تیری یاد (1948) کے دو عدد گیت لکھنےکا اعزاز بھی حاصل تھا۔ پہلا گیت ، پاکستان کی پہلی باقاعدہ پلے بیک سنگر منورسلطانہ نے گایا تھا:

  • اے دل والو ، ساجن گئے ، ہم اجڑ گئے۔۔

اسی فلم میں پاکستانی فلموں کا پہلا دوگانا:

  • بول بول ویرنیا ،میں گئی تھی کہاں۔۔

لکھنے کا ناقابل شکست اعزاز بھی طفیل صاحب کو حاصل ہوا تھا ، منورسلطانہ اور علی بخش ظہور کی آوازیں اور موسیقار عنایت علی ناتھ کی دھن تھی۔

کیا پاکستان کی پہلی فلم تیری یاد ناکام فلم تھی؟

فلم تیری یاد (1948) کے بارے میں یہ غلط بیانی کی جاتی ہے کہ یہ ایک "بری طرح فلاپ" یا "ڈیڈ فلاپ" فلم تھی۔ یہ درست نہیں ہے۔ ایک "بری طرح فلاپ" فلم وہ ہوتی تھی جو لاہور یا کراچی کے سینماؤں میں ایک ہفتہ بھی نہیں چلتی تھی لیکن یہ فلم ان دونوں شہروں میں پانچ پانچ ہفتےتک چلتی رہی تھی۔ ایسے میں اس فلم کو ایک "فلاپ" فلم تو کہا جاسکتا ہے ، "بری طرح فلاپ" نہیں۔ یہ ایک اوسط درجہ کی فلم بھی کہی جاسکتی ہے کیونکہ اس دور میں فلم بینی کا رحجان زیادہ نہیں ہوتا تھا اور سینما گھر عام طور پر صرف چند بڑے شہروں تک محدود ہوتے تھے۔ ایک فلم ، ایک ہی سینما پر چلتی تھی اور بھارتی فلموں کی نمائش بلا روک ٹوک ہوتی تھی۔

فلم تیری یاد (1948) کو بڑی کامیابی نہ ملنے کی جو سب سے بڑی وجہ تھی ، اس پر آج تک کسی نے بات نہیں کی اور شاید دانستہ بات کرنا پسند بھی نہیں کیا۔ ان شاء اللہ ، اس فلم کے ہدایتکار داؤد چاند پر جب مضمون لکھا جائے گا تو تفصیلی بحث ہوگی۔

طفیل ہوشیارپوری کا پس منظر

طفیل ہوشیارپوری ، بنیادی طور پر ایک شاعر اور صحافی تھے۔ 1993ء میں اپنے انتقال تک لاہور سے شائع ہونے والے دو ادبی جریدوں کے مدیر رہے۔ شاعری کے متعدد مجموعہ کلام شائع ہوئے۔

وہ ، بھارتی پنجاب کے ضلع ہوشیارپور میں 1914ء میں پیدا ہوئے تھے۔ تعلیم مکمل کرنے کے بعد سکول ٹیچر بنے لیکن ملازمت سے ہاتھ دھونا پڑے کیونکہ تحریک پاکستان کے ایک سرگرم کارکن تھے۔

تقسیم سے قبل لاہور میں بننے والی آدھ درجن فلموں میں گیت نگاری کی تھی۔ پہلی فلم کیسے کہوں (1945) تھی۔ ان کی ایک فلم ڈائریکٹر (1947) ، تقسیم سے قبل ریلیز ہوگئی تھی لیکن اس کے فلمساز نے اسی فلم کو دوبارہ 4 مئی 1951ء کو نئی پاکستانی فلم کے طور پر ریلیز کیا تھا۔ ایسی ہی ہیرا پھیری ، فلم خانہ بدوش اور بت تراش (1947) کے سلسلے میں بھی کی گئی تھی۔

نی سوہے چوڑے والیے

طفیل ہوشیارپوری ، پچاس کی دھائی میں بے حد مقبول و مصروف نغمہ نگار تھے۔ انھوں نے ستر کے قریب فلموں میں اڑھائی سو کے قریب گیت لکھے تھے۔ ان کے چند مشہور گیتوں میں سے فلم بے قرار (1950) میں منورسلطانہ اور علی بخش ظہور کا گایا ہوا یہ گیت بڑا مقبول ہوا تھا:

  • دل کو لگا کے کہیں ٹھوکر نہ کھانا ، ظالم زمانہ ہے یہ ظالم زمانہ۔۔

موسیقار ماسٹرغلام حیدر تھے جو چالیس کے عشرہ کے ایک ممتاز موسیقار تھے۔

اسی سال طفیل صاحب نے اپنی پہلی پنجابی فلم شمی (1950) میں یہ پہلا سپرہٹ گیت لکھا تھا:

  • نی سوہے چوڑے والیے ، ذرا اک واری آجا ، سانوں مکھڑا وکھا جا۔۔

موسیقار ماسٹرعنایت حسین کی دھن میں گلوکار عنایت حسین بھٹی کی آواز تھی۔ بتایا جاتا ہے کہ اصل میں یہ بھٹی صاحب کا گایا ہوا پہلا فلمی گیت تھا لیکن ان کی دیگر فلمیں پہلے ریلیز ہوچکی تھیں۔ فلم قاتل (1955) میں کوثرپروین کا یہ مقبول عام گیت بھی طفیل صاحب کا لکھا ہوا تھا "او مینا ، جانے کیا ہوگیا ، کہاں دل کھو گیا۔۔"

واسطہ ای رب دا تو جائیں وے کبوترا

طفیل ہوشیارپوری کے فلمی کیریر کا سب سے سپرہٹ گیت ، پاکستان کی پہلی بلاک باسٹر فلم دلابھٹی (1956) میں تھا:

  • واسطہ ای رب دا توں جائیں وے کبوترا ، چٹھی میرے ڈھول نوں پہنچائیں وے کبوترا۔۔

ایک بار پھر ، منورسلطانہ کی دلکش آواز میں اس سدابہار گیت کی دھن پچاس کی دھائی کے سب سے مقبول ، مصروف اور کامیاب ترین موسیقار بابا جی اے چشتی نے بنائی تھی۔

خطہ پنجاب کی اس مشہور لوک داستان پر بنائی جانے والی ریکارڈ توڑ فلم میں صبیحہ ، سدھیر اور علاؤالدین مرکزی کرداروں میں تھے اور ہدایتکار ایم ایس ڈار تھے جو اس فلم کے کیمرہ مین اسلم ڈار کے والد تھے۔ انور کمال پاشا جیسے عظیم ہدایتکار سپروائزر یا نگران تھے اور ایک اور بڑا نام ، ایم اکرم ، فلم ایڈیٹر تھے۔

فلمساز آغا جی اے گل نے اس عظیم فلم کی کمائی سے پاکستان کے جدید فلم سٹوڈیو ، ایورنیو کی بنیاد رکھی تھی۔ بزنس کے لحاظ سے پچاس کی دھائی کی فلمیں ، پاکستان کی فلمی تاریخ کی کامیاب ترین فلمیں ہوتی تھیں جو نہ صرف پاکستان بلکہ بھارت میں بھی ریلیز ہوتی تھیں ۔ ان کی کمائی سے جو بڑی بڑی سرمایہ کاری ہوتی تھی ، وہ اس کے بعد کبھی دیکھنے اور سننے میں نہیں آئی۔

مہدی حسن کی پہلی فلم

اسی سال ، شہنشاہ غزل مہدی حسن کی پہلی فلم کنواری بیوہ (1956) بھی ریلیز ہوئی تھی جس میں ان کے تینوں گیت ، کوثرپروین کے ساتھ گائے ہوئے دوگانے تھے۔ یہ تینوں گیت بھی طفیل ہوشیارپوری نے لکھے تھے۔ موسیقار فتح علی خان نے ان گیتوں کی دھنیں بنائی تھیں لیکن کوئی ایک بھی گیت مقبول نہ ہوسکا تھا۔ مہدی حسن کوفلمی گلوکار بننے کے لیے خاصی جدوجہد کرنا پڑی تھی اور ساٹھ کی دھائی کے آخر میں اردو فلموں کے مقبول اور مصروف ترین گلوکار بن گئے تھے۔

طفیل ہوشیار پوری کے دیگر مقبول عام گیت

مقبول عام گیتوں کے لحاظ سے فلم سرفروش (1956) بھی طفیل ہوشیارپوری کے فلمی کیرئر کی ایک یادگار فلم تھی۔ اس فلم میں ان کے لکھے ہوئے دو گیت رشیدعطرے کی موسیقی میں زبیدہ خانم کی آواز میں سپرہٹ ہوئے تھے:

  • تیری الفت میں صنم ، دل نے بہت درد سہے اور ہم چپ ہی رہے۔۔ اور
  • اے چاند ، ان سے جاکر ، میرا سلام کہنا۔۔

اسی سال کی نغماتی فلم گڈی گڈا (1956) میں منورسلطانہ کی آواز میں بابا چشتی کا یہ گیت بھی بڑا پسند کیا گیا تھا:

  • اکھاں کھول کے پہچان ، وے میں ہوگئی جوان ، ہن مینوں ہتھ لاویں ذرا سوچ کے۔۔

فلم چن ماہی (1956) میں بھی طفیل صاحب کے بیشتر گیت بڑے مقبول ہوئے تھے جن میں

  • نی چٹھیے سجناں دیئے ، تینوں چم چم دل نال لاواں ، صدقڑے جاواں۔۔
  • ساڈے انگ انگ وچ پیار نیں پینگاں پائیاں نیں ، اساں دنیا توں چوری چوری اکھیاں لائیاں نیں۔۔
  • ماہی موت دا سنیڑا دتا گھل وے ، ایس دنیا توں دور دلا چل وے۔۔ اور
  • پھیر لیاں چن ماہی اکھیاں ، ڈب گئے آس دے تارے۔۔

وغیرہ قابل ذکر ہیں۔ فلم وعدہ (1957) کا یہ کلاسک گیت بھی طفیل صاحب کا لکھا ہوا تھا:

  • نین سے نین ملائے رکھنے کو جی۔۔

ساٹھ کی دھائی میں انھوں نے فلمی گیت لکھنے بند کردیے تھے جس کی ایک وجہ یہ بتائی جاتی ہے کہ ان کے جواں سال بیٹے کی ایک حادثے میں موت واقع ہوگئی تھی جس سے وہ انتہائی دل شکستہ تھے۔ ان کی آخری آخری فلموں میں ایک پنجابی فلم لارالپا (1970) بھی تھی جس میں ان کا اکلوتا گیت مسعودرانا کے لیے لکھا گیا تھا:

  • اج گیت خوشی دے گاواں ، نی میں نچ نچ پیلاں پاواں ، صدقڑے جاواں۔۔

اس دوگانے میں ساتھی گلوکارہ مالا تھی۔

اے مرد مجاہد ، جاگ ذرا ، اب وقت شہادت ہے آیا

طفیل ہوشیارپوری کے فلمی کیرئر کا ذکر اس یادگار رزمیہ ترانے کے بغیر ناممکن ہے

  • اے مرد مجاہد ، جاگ ذرا ، اب وقت شہادت ہے آیا ، اللہ اکبر۔۔!

عظیم موسیقار رشیدعطرے کی موسیقی میں اس تاریخی گیت کو عنایت حسین بھٹی اور ساتھیوں کی آوازوں میں فلم چنگیزخان (1958) کے لیے ریکارڈ کیا گیا تھا۔

بتایا جاتا ہے کہ جب 6 ستمبر 1965ء کی صبح بھارت نے "اعلان جنگ کیے بغیر اچانک پاکستان پر حملہ کردیا تھا" تو ریڈیو پاکستان کے پاس ایسا کوئی ترانہ نہیں تھا جو اس موقع پر بجایا جاتا۔ اس وقت اسی ترانے کو پہلی بار جنگ کے دوران ریڈیو پاکستان لاہور پر بجنے کا اعزاز حاصل ہے۔ اس ترانے کو پاک فوج نے اپنے سرکاری بینڈ میں بھی شامل کر لیا تھا۔

فلم چنگیز خان (1958)

فلم ساز چوہدری حسن الدین نے فلم چنگیزخان (1958) کا ٹائٹل رول بھی کیا تھا۔ پاکستان کی پہلی فلم تیری یاد (1948) کی ہیروئن آشا پوسلے کی سولو ہیروئن کے طور پر یہ آخری فلم تھی۔ یہ فلم معروف ناول نگار نسیم حجازی کے ناول 'آخری چٹان' سے ماخوذ تھی لیکن ناکام رہی تھی۔

ہمارے ہاں عام طور پر تاریخ موضوعات پر بنائی جانے والی فلمیں اس لیے بھی ناکام ہوجاتی تھیں کہ ایک عام شخص بھی صاف محسوس کرتا تھا کہ ان میں بہت زیادہ مبالغہ آرائی اور دوروغ گوئی کی جارہی ہے۔ حقائق کے بجائے جذبات سے کھیلا جاتا ہے۔

بدقسمتی سے ہمارے بیشتر تاریخ دان ، شاعر ، ادیب اور اہل قلم ، اپنی ہی دنیا میں مست رہتے ہیں اور ان کا عوام الناس کی اکثریت کے حالات و واقعات سے کوئی تعلق نہیں ہوتا۔ وہ آج تک ایک ایسی مصنوعی قومیت پیدا کرنے کی کوشش کرتے رہے ہیں کہ جس کا کہیں کوئی وجود نہیں ، البتہ کتابوں کے صفحات ضرور سیاہ کیے گئے ہیں جن میں ایک الگ ہی دنیا بسائی گئی ہے جو الہ دین کی کہانیوں سے مختلف نہیں ہے۔

نسیم حجازی کا سحر

میں خود بھی نسیم حجازی جیسے انتہاپسند ، متعصب اور ڈرامہ باز ناول نگاروں کے متاثرین میں سے ایک رہا ہوں ، شاید ہی ان کا کوئی ناول ہوگا ، جو نہ پڑھا ہو۔ لڑکپن میں جب ڈنمارک میں رہتا تھا تو پاکستان سے بےشمار اردو کتابیں اور ناول وغیرہ یہاں لائبریری میں پڑھنے کو مل جاتے تھے۔ سکول کے بعد میرے فارغ اوقات انھی کتابوں پر وقت ضائع کرنے میں گزرتے تھے جنھوں نے مجھے ایک جنونی پاکستانی اورایک متعصب مسلمان بنا دیا تھا۔

ڈنمارک میں جو مادی سہولیات دستیاب تھیں ، پاکستان میں ان کا تصور بھی نہیں کرسکتا تھا لیکن اپنے "نظریات" کی وجہ سے ایک غیرمسلم ملک کی ان "نعمتوں" سے بے نیاز تھا۔ اسوقت یہاں جو مفت سہولتیں میسر تھیں ان میں تعلیم کے علاوہ کتابیں ، کاپیاں اور لکھنے پڑھنے کے دیگر لوازمات بھی سکول کی طرف سے ملتے تھے۔ یہاں سکول یونیفارم کا تکلف نہیں ہوتا۔ روزانہ ، صبح کا دودھ ، پھل ، وٹامن کی گولیاں اور دوپہر کا کھانا بھی ملتا تھا جبکہ ٹرانسپورٹ کا پورے سال کا فری کارڈ بھی ملتا تھا۔

سکول میں ہم چند ایک مسلمان بچے تھے اور ہمارے لیے حلال کھانا دستیاب ہوتا تھا۔ ہمارے مذہبی تہواروں پر چھٹی بھی مل جاتی تھی اور ہفتے میں ایک بار مادری زبان کی تعلیم بھی دی جاتی تھی۔ باقاعدگی سے طبی معائنہ اور دانتوں کے ڈاکٹر کے پاس جانا بھی لازمی ہوتا تھا۔ ہر ہفتے مختلف موضوعات پر دستاویزی فلموں کے علاوہ مختلف اداروں کے دورے بھی کرائے جاتے تھے جہاں ہم کتابوں کے علاوہ عملی طور پر کاروباری زندگی کا مشاہدہ بھی کرتے تھے۔ ہفتے میں ایک بار فٹ بال یا جمناسٹک اور مہینے میں ایک بار سوئمنگ کی سہولت بھی ہوتی تھی۔

والدین کو اٹھارہ سال سے کم عمر بچوں کے جیب خرچ کے لیے ماہانہ ایک مخصوص رقم بھی ملتی تھی۔ یہ اور بات ہے کہ بڑے ہوکر انکم کا کم از کم چالیس فیصد ٹیکس اور پچیس فیصد سیلز ٹیکس کی صورت میں ادا کرنا پڑتا ہے۔۔! ​ ​

مسلم تشخص کا نشہ

​سکول میں ہم ہر ہفتے ایک مضمون لکھ کر اپنے ٹیچر کو دیتے تھے جو ہر جمعہ کے دن ان پر اپنے ریمارکس دیتا اور اگر کوئی خاص مضمون ہوتا تو پوری کلاس کو پڑھ کر سنایا کرتا تھا۔

میں چونکہ اپنی عمر سے بڑا اور سیانا تھا جس کی وجہ میڈیا وغیرہ سے گہری دلچسپی تھی اور مطالعہ بڑا وسیع ہوتا تھا ، اس لیے میرا طرز تحریر اور نکتہ نظر دیگر ہم جماعتوں کی نسبت منفرد ہوتا تھا ۔

ہمارا جہاندیدہ اور بزرگ استاد ، میرا بڑا قدردان تھا اور اکثر و بیشتر ، کلاس کی بارہ لڑکیوں اور مجھ سمیت چھ لڑکوں کو میرے مضامین کی مثالیں دیا کرتا تھا۔ لیکن ایک دن وہ بجھا بجھا سا تھا۔ اس کے چہرے کی اداسی اور آنکھوں کی سرخی بتا رہی تھی کہ وہ شدید کرب میں مبتلا ہے۔ اس نے سب بچوں کو باری باری پکار کر ان کی کاپیاں واپس کیں اور آخر میں میری کاپی کے اوراق دیکھ کر بڑے رنجیدہ لہجے میں مجھ سے مخاطب ہوکر بولا:

"اگر تمہیں ہماری تہذیب و تمدن سے اتنی ہی نفرت ہے تو اس ملک میں کیا کررہے ہو۔۔؟"

میں اتنے شفیق استاد کا جملہ آج تک نہیں بھلا سکا اور محسوس کررہا تھا کہ مجھ سے بہت بڑی غلطی ہوگئی ہے۔

وہ ، میرا بچپن تھا ، میڈیا سے متاثر ہوجاتا تھا۔ دماغ پر مسلم تشخص کا نشہ اور آنکھوں پر تعصب کی پٹی بندھی ہوئی تھی۔ غیرمسلم ، کافر اور گمراہ ہیں اور دوزخ کا ایندھن ہیں۔ صرف ہم مسلمان ہی راہ حق پر ہیں اور دنیا میں بادشاہت اور جنت کے حقدار بھی صرف ہم ہی ہیں۔

میرے اس مضمون کا خلاصہ کچھ ایسا ہی تھا جس کا جو ردعمل سامنے آیا وہ میرے لیے سبق آموز تھا۔ وہ باتیں جو جملہ کتابیں نہ سمجھا سکیں ، وہ مجھے استاد کے اس ایک جملے نے سمجھا دی تھی کہ جیو اور جینے دو کا اصول یہی ہے کہ اپنا عقیدہ چھوڑو نہیں اور دوسروں کا چھیڑو نہیں ۔ یہ حق ہر کسی کو حاصل ہے کہ وہ خود کو حق پر سمجھے لیکن یہ حق کسی کو بھی حاصل نہیں کہ وہ اپنے طور پر یہ فیصلہ کرے کہ کون حق پر ہے اور کون حق پر نہیں ہے۔۔!

کفران نعمت کی سزا

اس واقعہ نے میرے ذہن پر بڑا گہرا اثرڈالا تھا اور والدصاحب مرحوم و مغفور کو مجبور کیا کہ مجھے جلد از جلد پاکستان بھیج دیں۔

میری یہ خواہش پوری ہوگئی اور ایک بار پھر اسلامی جمہوریہ پاکستان میں واپسی ہوئی جہاں 1977ء سے 1982ء تک کا قیام میری زندگی کا انتہائی تلخ دور تھا۔

وہ ایک طرح سے کفران نعمت کی سزا بھی تھی۔ مسلم تشخص اور پاکستانی قومیت کا نشہ ہرن ہوگیا تھا اور زمینی حقائق منہ چڑا رہے تھے۔

ڈنمارک جیسے مثالی ملک میں ہر کام اصول و ضوابط کے مطابق ہوتا ہے اور کوئی بھی قانون سے بالاتر نہیں ہے۔ ہر شہری کو بلا تعصب بنیادی انسانی ، مذہبی اور جمہوری حقوق حاصل ہیں۔ پونے دو سو سال سے جمہوری نظام اتنی کامیابی سے چل رہا ہے کہ کبھی سیاسی غنڈہ گردی یا لاقانونیت نہیں ہوئی۔ مذہب بیزار اس معاشرے میں ایمانداری اور انصاف کا معیار انتہائی قابل رشک ہے۔

اس کے برعکس پاکستان میں ہر وہ کام ہوتا ہے جس کا ہمارا مذہب بھی اجازت نہیں دیتا لیکن ہم اپنے مقاصد کے حصول میں دین کو بھی بدنام کرنے سے باز نہیں آتے۔ اس کی بدترین مثال جنرل ضیاع مردود کا آمرانہ دور تھا جب آئین و قانون کی دھجیاں بکھیریں گئیں اور خلق خدا کو باور کرایا گیا کہ ان کی حیثیت بھیڑ بکریوں کے ریوڑ سے زیادہ نہیں ہے اور یہ کہ اس ملک میں جنگل کا قانون ہی چلے گا۔

اس آمرمردود سے شدید نفرت کے باوجود یہ اعتراف کرتا ہوں کہ اس کا مجھ پر یہ بہت بڑا احسان تھا کہ اس نے مجھے حقیقت پسند بنا دیا تھا اور میری تمام تر خوش فہمیاں اور جنون ختم کر دیے تھے۔

گزشتہ چالیس برسوں سے "ضیاع کی باقیات" یا "ضیاع کی بدروح " نے پاکستان کی جو درگت بنائی ہے ، وہ اس تکلیف دہ احساس کو مزید تقویت پہنچاتی ہے کہ ہم ، تاریخ کے بدترین دور سے گزر رہے ہیں اور ابھی نجانے یہ حالت کب تک رہے گی۔۔؟

مسعودرانا اور طفیل ہوشیارپوری کا 1 فلمی گیت

1

اج گیت خوشی دے گاواں ، نی میں نچ نچ پیلاں پاواں ، صدقڑے جاواں..

فلم ... لارالپا ... پنجابی ... (1970) ... گلوکار: مالا ، مسعود رانا ... موسیقی: ماسٹر رفیق علی ... شاعر: طفیل ہوشیارپوری ... اداکار: ناصرہ ، مظہر شاہ


Masood Rana & Tufail Hoshiarpuri: Latest Online film

Masood Rana & Tufail Hoshiarpuri: Film posters
AzadNaela
Masood Rana & Tufail Hoshiarpuri:

0 joint Online films

(0 Urdu and 0 Punjabi films)
Masood Rana & Tufail Hoshiarpuri:

Total 3 joint film

(2 Urdu, 1 Punjabi films)
1.1964: Azad
(Urdu)
2.1965: Naela
(Urdu)
3.1970: Laralappa
(Punjabi)


Masood Rana & Tufail Hoshiarpuri: 1 song

(0 Urdu and 1 Punjabi songs)

1.
Punjabi film
Laralappa
from Friday, 10 April 1970
Singer(s): Mala, Masood Rana, Music: Master Rafiq Ali, Poet: , Actor(s): Nasira, Mazhar Shah

Khandan
Khandan
(1964)
Majhu
Majhu
(1992)
Jatti
Jatti
(1958)
Yaaden
Yaaden
(1971)
Sindbad
Sindbad
(1975)

Rattan
Rattan
(1944)
Pagli
Pagli
(1943)
Kismat
Kismat
(1943)
Aurat
Aurat
(1940)

Humayun
Humayun
(1945)
Shukriya
Shukriya
(1944)
Bhai
Bhai
(1944)
Gulbadan
Gulbadan
(1937)



پاکستان فلم میگزین ۔۔۔ سنہری فلمی یادوں کا امین

پاکستان فلم میگزین ، پاکستانی فلموں ، فنکاروں ، گیتوں اور اہم فلمی معلومات پر مبنی انٹرنیٹ پر اپنی نوعیت کی اولین ، منفرد اور تاریخ ساز ویب سائٹ ہے جو 3 مئی 2000ء سے مسلسل اپ ڈیٹ ہورہی ہے۔ یہ ایک انفرادی کاوش ہے جو فارغ اوقات کا بہترین مشغلہ اور پاکستان کی فلمی تاریخ کو مرتب کرنے کا ایک انوکھا مشن بھی ہے۔

A website of Masood Rana

یہ بے مثل ویب سائٹ کبھی نہ بن پاتی اگر پاکستانی فلموں میں میرے آل ٹائم فیورٹ پلے بیک سنگر جناب مسعودرانا صاحب کے گیت نہ ہوتے۔ انھی کے گیتوں کی تلاش میں یہ عظیم الشان ویب سائٹ وجود میں آئی۔ 2020ء سے اس عظیم فنکار کی 25ویں برسی پر ایک ایسا شاندار خراج تحسین پیش کیا جارہا ہے کہ جو آج تک کبھی کسی دوسرے فنکار کو پیش نہیں کیا جا سکا۔ مسعودرانا کے ایک ہزار سے زائد فلمی گیتوں کے اردو/پنجابی ڈیٹابیس کے علاوہ ان کے ساتھی فنکاروں پر بھی بڑے تفصیلی معلوماتی مضامین لکھے جارہے ہیں۔ یہ سلسلہ اپنی تکمیل تک جاری رہے گا ، ان شاء اللہ۔۔!

شاہد
شاہد
ناصرہ
ناصرہ
حسن لطیف
حسن لطیف
ظہورناظم
ظہورناظم
قدیرغوری
قدیرغوری
ساقی
ساقی
لیلیٰ
لیلیٰ
سلونی
سلونی
سلیم رضا
سلیم رضا
اعجاز
اعجاز
تانی
تانی
فیاض ہاشمی
فیاض ہاشمی
وزیر افضل
وزیر افضل
اسلم ایرانی
اسلم ایرانی
طفیل ہوشیارپوری
طفیل ہوشیارپوری
حسنہ
حسنہ
علی اعجاز
علی اعجاز
اے حمید
اے حمید
ریاض احمد راجو
ریاض احمد راجو
ریاض احمد
ریاض احمد
وجاہت عطرے
وجاہت عطرے
رشید عطرے
رشید عطرے
ریاض الرحمان ساغر
ریاض الرحمان ساغر
افتخارخان
افتخارخان
ایم اسماعیل
ایم اسماعیل
صہبااختر
صہبااختر
جمیل اختر
جمیل اختر
عزیز میرٹھی
عزیز میرٹھی
سائیں اختر
سائیں اختر
الحامد
الحامد
حسن عسکری
حسن عسکری
سلمیٰ ممتاز
سلمیٰ ممتاز
اخترحسین اکھیاں
اخترحسین اکھیاں
نغمہ
نغمہ
قتیل شفائی
قتیل شفائی
لال محمد اقبال
لال محمد اقبال
رحمان ورما
رحمان ورما
اعظم چشتی
اعظم چشتی
ماسٹر رفیق علی
ماسٹر رفیق علی
منورظریف
منورظریف
اے شاہ
اے شاہ
حیدر
حیدر
ندیم
ندیم
حبیب جالب
حبیب جالب
خواجہ خورشید انور
خواجہ خورشید انور
اقبال شہزاد
اقبال شہزاد
طالش
طالش
طافو
طافو
خلیفہ نذیر
خلیفہ نذیر
خلیل احمد
خلیل احمد
سلطان راہی
سلطان راہی
غلام حسین شبیر
غلام حسین شبیر
ایس سلیمان
ایس سلیمان
نثار بزمی
نثار بزمی
راجہ حفیظ
راجہ حفیظ
حیدر چوہدری
حیدر چوہدری
فردوس
فردوس
ایس ایم یوسف
ایس ایم یوسف
آسیہ
آسیہ
اسماعیل متوالا
اسماعیل متوالا
مسرت نذیر
مسرت نذیر
طلعت صدیقی
طلعت صدیقی
مالا
مالا
عمرشریف
عمرشریف
ماسٹر عبد اللہ
ماسٹر عبد اللہ
کمال احمد
کمال احمد
اختریوسف
اختریوسف
روبینہ بدر
روبینہ بدر
تصورخانم
تصورخانم
اقبال حسن
اقبال حسن
علاؤالدین
علاؤالدین
اطہر شاہ خان
اطہر شاہ خان
اکبرعلی اکو
اکبرعلی اکو
احمد رشدی
احمد رشدی
خلیل قیصر
خلیل قیصر
احمد راہی
احمد راہی
مسعود رانا
مسعود رانا
جعفر بخاری
جعفر بخاری
سنتوش کمار
سنتوش کمار
نبیلہ
نبیلہ
عنایت حسین بھٹی
عنایت حسین بھٹی
مشیر کاظمی
مشیر کاظمی
آئٹم گرلز
آئٹم گرلز
خواجہ پرویز
خواجہ پرویز
صفدرحسین
صفدرحسین
لقمان
لقمان
امجدبوبی
امجدبوبی
ننھا
ننھا
ظہیرریحان
ظہیرریحان
اسلم ڈار
اسلم ڈار
رانی
رانی
منیر حسین
منیر حسین
آصف جاوید
آصف جاوید
دیبو بھٹا چاریہ
دیبو بھٹا چاریہ
ابو شاہ
ابو شاہ
نذرالاسلام
نذرالاسلام
اسد بخاری
اسد بخاری
سید کمال
سید کمال
شباب کیرانوی
شباب کیرانوی
محمد علی
محمد علی
مسرور انور
مسرور انور
نذیرعلی
نذیرعلی
ایم اشرف
ایم اشرف
ظہیر کاشمیری
ظہیر کاشمیری
خواجہ سرفراز
خواجہ سرفراز
منوررشید
منوررشید
رونا لیلیٰ
رونا لیلیٰ
نذیر بیگم
نذیر بیگم
رضیہ
رضیہ
سرور بارہ بنکوی
سرور بارہ بنکوی
دیبا
دیبا
مصلح الدین
مصلح الدین
الیاس کاشمیری
الیاس کاشمیری
حنیف
حنیف
لہری
لہری
اعظم بیگ
اعظم بیگ
محمد رفیع
محمد رفیع
سلطان محمود آشفتہ
سلطان محمود آشفتہ
انورکمال پاشا
انورکمال پاشا
شمیم آرا
شمیم آرا
تنویر نقوی
تنویر نقوی
ایم سلیم
ایم سلیم
رخسانہ
رخسانہ
سلیم اقبال
سلیم اقبال
ساون
ساون
حمایت علی شاعر
حمایت علی شاعر
نسیم بیگم
نسیم بیگم
آئرن پروین
آئرن پروین
دلجیت مرزا
دلجیت مرزا
البیلا
البیلا
مسعودپرویز
مسعودپرویز
غزالہ
غزالہ
بابا عالم سیاہ پوش
بابا عالم سیاہ پوش
کے خورشید
کے خورشید
رفیق رضوی
رفیق رضوی
حسن طارق
حسن طارق
سدھیر
سدھیر
مظہر شاہ
مظہر شاہ
ایم اے رشید
ایم اے رشید
نذر
نذر
کمار
کمار
یاسمین
یاسمین
زینت
زینت
حامدعلی بیلا
حامدعلی بیلا
قوی
قوی
ناہید
ناہید
آغا جی اے گل
آغا جی اے گل
حزیں قادری
حزیں قادری
ایس اے بخاری
ایس اے بخاری
کلیم عثمانی
کلیم عثمانی
شوکت حسین رضوی
شوکت حسین رضوی
طارق عزیز
طارق عزیز
احتشام ، مستفیض
احتشام ، مستفیض
ایم اکرم
ایم اکرم
ماسٹر تصدق حسین
ماسٹر تصدق حسین
نیلو
نیلو
سیما
سیما
حمیدچوہدری
حمیدچوہدری
ماسٹر عاشق حسین
ماسٹر عاشق حسین
کیفی
کیفی
منظورجھلا
منظورجھلا
رضا میر
رضا میر
موج لکھنوی
موج لکھنوی
بھائیا اے حمید
بھائیا اے حمید
مشتاق علی
مشتاق علی
امداد حسین
امداد حسین
نسیمہ شاہین
نسیمہ شاہین
مظفروارثی
مظفروارثی
اکمل
اکمل
ماسٹر عنایت حسین
ماسٹر عنایت حسین
ایم صادق
ایم صادق
ایم جے رانا
ایم جے رانا
رشیداختر
رشیداختر
ملکہ ترنم نور جہاں
ملکہ ترنم نور جہاں
نورمحمدچارلی
نورمحمدچارلی
ساحل فارانی
ساحل فارانی
آصف جاہ
آصف جاہ
وحیدمراد
وحیدمراد
افضل خان
افضل خان
فضل حسین
فضل حسین
رنگیلا
رنگیلا
روزینہ
روزینہ
شبانہ
شبانہ
ناشاد
ناشاد
یوسف خان
یوسف خان
نرالا
نرالا
کریم شہاب الدین
کریم شہاب الدین
عالیہ
عالیہ
سلیم کاشر
سلیم کاشر
نذیرجعفری
نذیرجعفری
نذیر
نذیر
نگہت سیما
نگہت سیما
شیریں
شیریں
ریاض شاہد
ریاض شاہد
شوکت علی
شوکت علی
منیر نیازی
منیر نیازی
پرویز ملک
پرویز ملک
زیبا
زیبا
بخشی وزیر
بخشی وزیر
ایم ایس ڈار
ایم ایس ڈار
شبنم
شبنم
زلفی
زلفی
فیروز نظامی
فیروز نظامی
سہیل رعنا
سہیل رعنا
صبیحہ خانم
صبیحہ خانم
ارشدکاظمی
ارشدکاظمی
وارث لدھیانوی
وارث لدھیانوی
امین ملک
امین ملک
سیف الدین سیف
سیف الدین سیف
آغا حسینی
آغا حسینی
شیون رضوی
شیون رضوی
خان عطا الرحمان
خان عطا الرحمان
سیف چغتائی
سیف چغتائی
وحیدڈار
وحیدڈار
ماسٹر مراد
ماسٹر مراد
الطاف حسین
الطاف حسین
سعیدگیلانی
سعیدگیلانی
روبن گھوش
روبن گھوش
غلام نبی ، عبداللطیف
غلام نبی ، عبداللطیف
حبیب
حبیب
مہدی حسن
مہدی حسن
نسیمہ خان
نسیمہ خان
طفیل فاروقی
طفیل فاروقی
جی اے چشتی
جی اے چشتی
علی حسین
علی حسین
درپن
درپن
تسلیم فاضلی
تسلیم فاضلی
شریف نیر
شریف نیر
سنگیتا
سنگیتا
اقبال کاشمیری
اقبال کاشمیری



PAK Magazine is an individual effort to compile and preserve the Pakistan's political, film and media history.
All external links on this site are only for the informational and educational purposes, and therefor, I am not responsible for the content of any external site.