ماسٹر جی نے بابا چشتی سے کہا
کہ چند دھنیں ادھار دے دیں
آمد ہوئی تو واپس کردوں گا

پاکستان کی فلمی تاریخ کے پہلے عشرہ میں موسیقی کی دنیا میں بابا جی اے چشتی اور رشید عطرے کے بعد تیسرا بڑا نام ماسٹر عنایت حسین کا تھا۔

تقسیم سے قبل لاہور میں بنی ہوئی ان کی پہلی فلم کملی (1946) تھی۔ قیام پاکستان کے بعد ان کی پہلی فلم ہچکولے (1949) تھی لیکن ان کا پہلا ہٹ گیت فلم شمی (1950) میں تھا

• نی سوہے چوڑے والئے۔۔

بتایا جاتا ہے کہ یہ عنایت حسین بھٹی کا گایا ہوا پہلا گیت تھا لیکن ریلیز کے حساب سے ان کی پہلی فلم سچائی (1949) ثابت ہوئی تھی۔

پائل میں گیت ہیں چھم چھم کے

ماسٹر عنایت حسین کو بریک تھرو فلم گمنام (1954) کے اس گیت سے ملا تھا

• پائل میں گیت ہیں چھم چھم کے ، تو لاکھ چلے ری گوری تھم تھم کے۔۔

گلوکارہ اقبال بانو کے لیے بھی یہ ایک سنگ میل تھا جنھوں نے فلم قاتل (1955) میں بھی ماسٹر جی کی ایک اور سپرہٹ دھن گائی تھی

• الفت کی نئی منزل کو چلا ، یوں ڈال کے بانھیں بانھوں میں۔۔

دو عظیم موسیقار بھائی ، ماسٹر عنایت حسین اور ماسٹر عبداللہ

ماسٹر صاحب نے بڑی تعداد میں سپرہٹ گیت تخلیق کیے تھے جن کی ایک فہرست نیچے دی گئی ہے۔ انھوں نے اپنے چار عشروں کے فلمی کیرئر میں صرف ساٹھ کے قریب فلموں کی موسیقی ترتیب دی تھی جن میں دو تہائی اردو فلمیں تھیں۔

ماسٹر صاحب ، ایک موڈی موسیقار

ان کے بارے میں مشہور تھا کہ وہ بڑے موڈی ، کاہل یا سست رفتار موسیقار تھے اور بڑی مشکل سے انھیں آمد ہوتی تھی۔ بیشتر فلمساز انتظار کی آگ میں جلتے رہتے تھے کہ کب ماسٹر صاحب دھنیں بنائیں اور ان کی فلم مکمل ہو۔

ان کے بارے میں ایک لطیفہ مشہور تھا کہ ایک بار ماسٹر جی نے بابا چشتی سے کہا کہ چند دھنیں ادھار دے دیں ، آمد ہوئی تو واپس کردوں گا۔ بابا چشتی کے بارے میں مشہور تھا کہ وہ بڑے زرخیز ذہن کے مالک تھے اور بیٹھے بٹھائے اخباری شہ سرخیوں پر دھنیں بنا ڈالتے تھے۔

ماسٹر عنایت حسین ، موسیقار ماسٹر عبداللہ کے بھائی اور موسیقار ایم اشرف کے ماموں تھے۔

ماسٹر عنایت حسین اور مسعودرانا کا ساتھ

ماسٹر عنایت حسین کی مسعودرانا کے ساتھ پہلی فلم نائیلہ (1965) تھی جس کے مندرجہ ذیل گیت بڑے مقبول ہوئے تھے:

• دور ویرانے میں اک شمع ہے روشن کب سے۔۔ (گلوکار مالا ، مسعودرانا ، شاعر حمایت علی شاعر)
• دل کے ویرانے میں ایک شمع تھی روشن کب سے۔۔ (گلوکارہ مالا ، شاعر قتیل شفائی)
• غم دل کو ان آنکھوں سے چھلک جانا بھی آتا ہے۔۔ (گلوکارہ مالا ، شاعر قتیل شفائی)
• مجھے آرزو تھی جس کی وہ پیام آ گیا ہے۔۔ (گلوکارہ مالا ، شاعر قتیل شفائی)
• اب ٹھنڈی آہیں بھر پگلی ، جا اور محبت کر پگلی۔۔ (گلوکارہ مالا ، شاعر قتیل شفائی)
• کوئی پیار کا فسانہ گوری پیا کو سنا۔۔ (گلوکارہ مالا ، شاعر قتیل شفائی)

ماسٹر عنایت حسین کی عظیم نغماتی فلم نائیلہ (1965)

ماسٹر عنایت حسین کی عظیم نغماتی فلم نائیلہ (1965)

فلم نائیلہ (1965) ، گلوکارہ مالا کے فلمی کیرئر کی سب سے بڑی فلم تھی جبکہ مسعودرانا نے اس فلم میں اپنی کارکردگی سے خود کو پاکستان کی فلمی تاریخ کا سب سے بہترین ورسٹائل گلوکار منوا لیا تھا جو ہر پچ میں گا سکتا تھا۔ جتنی ورائٹی ان کے گیتوں میں تھی ، اتنی ہی ورائٹی ان کی آواز میں بھی تھی جو فلمی گیتوں کے لیے سب سے موزوں ترین آواز تھی۔

اس فلم کے ہدایتکار شریف نیر تھے جن کے کریڈٹ پر کل گیارہ فلمیں تھیں۔ بھیگی پلکیں (1952) ان کی پہلی فلم تھی جبکہ پہلی کامیاب فلم عشق پر زور نہیں 1963) تھی۔ نائیلہ (1965) کے بعد ان کی یادگار فلموں میں لاڈو (1966) ، ناز (1969) کے علاوہ فلم دوستی (1971) بھی تھی جو ایک ڈائمنڈ جوبلی فلم تھی۔ شریف نیر کی آخری فلم جھومر چور (1986) تھی جس میں ان کے داماد اداکار اعجاز نے آخری بار اداکاری کی تھی۔

جھوم اے دل وہ میرا جان بہار آئے گا

ماسٹر عنایت حسین نے مسعودرانا کے لیے فلم دل میرا دھڑکن تیری (1968) میں یہ سپرہٹ گیت بھی تخلیق کیا تھا

• جھوم اے دل وہ میرا جان بہار آئے گا۔۔

فلم پاکدامن (1969) میں

• ہار دینا نہ ہمت کہیں ، ایک سا وقت رہتا نہیں۔۔

بھی ایک منفرد دھن میں ایک یادگار گیت تھا۔ فلم دل دیاں لگیاں (1970) میں ماسٹرجی نے مسعودرانا اور میڈم نورجہاں سے یہ سپرہٹ گیت گوایا تھا

• یا اپنا کسے نوں کر لے ، یا آپ کسے دا ہو بیلیا۔۔

فلم یاربادشاہ (1971) میں انھوں نے پنجابی فلمی گائیکی کے دو بڑے ناموں مسعودرانا اور عنایت حسین بھٹی سے پہلی بار ایک دوگانا گوایا تھا

• سن رب نے کیتا پیار ، پیار پیار بھئی پہلا پیار۔۔

اسی فلم میں انھوں نے مسعودرانا اور تصورخانم سے یہ لاجواب گیت بھی گوایا تھا

• ہو میں کہیا گل سن جا۔۔

فلم چترا تے شیرا (1976) میں ہائی پچ میں یہ گیت

• اساں مان وطن دا رکھنا اے ، سر لتھنا اے ، دھڑ نچنا اے۔۔

بھی بڑے کمال کا تھا۔ ان دونوں عظیم فنکاروں کا اشتراک 13 فلموں میں 15 گیتوں تک رہا تھا۔

ماسٹر عنایت حسین کے چند سپرہٹ گیت

• نی سوہے چوڑے والیے ، ذرا اک واری آجا۔۔ (گلوکار عنایت حسین بھٹی ، فلم شمی 1950)
• پائل میں گیت ہیں چھم چھم کے ، تو لاکھ چلے ری گوری۔۔ (گلوکارہ اقبال بانو ، فلم گمنام 1954)
• الفت کی نئی منزل کو چلا ، یوں ڈال کے بانھیں ، بانھوں میں۔۔ (گلوکارہ اقبال بانو ، فلم قاتل 1955)
• او مینا ، نجانے کیا ہوگیا ، کہاں دل کھو گیا۔۔ (گلوکارہ کوثرپروین ، فلم قاتل 1955)
• او بے وفا ، ہم نہ بھولے تجھے ، ساری دنیا نے ہم سے کہا۔۔ (گلوکارہ نورجہاں ، فلم انارکلی 1958)
• بنا کے میرا نشیمن ، جلا دیا تو نے۔۔ (گلوکار سلیم رضا ، فلم دوراستے 1961)
• کچھ بھی نہ کہا اور کہہ بھی گئے ، کچھ کہتے کہتے رہ بھی گئے۔۔ (گلوکارہ نورجہاں ، فلم عذرا 1962)
• جان بہاراں ، رشک چمن ، غنچہ دہن ، سیمیں بدن۔۔ (گلوکار سلیم رضا ، فلم عذرا 1962)
• اے دل کسی کی یاد میں ہوتا ہے بے قرار کیوں۔۔ (گلوکار سلیم رضا/ نسیم بیگم ، فلم اک تیرا سہارا 1963)
• گھنگھور گھٹا لہرائی ہے ، میرے نیناں برسیں چھم چھم چھم۔۔ (گلوکار نسیم بیگم ، فلم اک تیرا سہارا 1963)
• بادلوں میں چھپ رہا ہے چاند کیوں۔۔ (گلوکار سلیم رضا/نسیم بیگم ، فلم اک تیرا سہارا 1963)
• دل دیتا ہے رو رو دہائی ، کسی سے کوئی پیار نہ کرے۔۔ (گلوکارہ مالا ، فلم عشق پر زور نہیں 1963)
• شام غم پھر آگئی ، پھر اداسی چھا گئی۔۔ (گلوکار سلیم رضا ، فلم سیما 1963)
• بھول جاؤ گے تم ، کرکے وعدہ صنم۔۔ (گلوکار سلیم رضا ، فلم سیما 1963)
• چنی کیسری تے گوٹے دیاں دھاریاں۔۔ (گلوکار مالا ، ناہیدنیازی ، نجمہ نیازی ، آئرن پروین ، فلم لائی لگ 1964)
• دور ویرانے میں اک شمع ہے روشن کب سے۔۔ (گلوکار مالا ، مسعودرانا ، فلم نائیلہ 1965)
• تھری چیئرز فور بھابھی ، ہپ ہپ ہرے۔۔ (گلوکار احمدرشدی ، فلم دیوربھابھی 1967)
• یہ کاغذی پھول جیسے چہرے ، مذاق اڑاتے ہیں آدمی کا۔۔ (گلوکار مہدی حسن ، فلم دیوربھابھی 1967)
• یہ میرا گھر ، میری جنت ، میرا آشیاں۔۔ (گلوکارہ نورجہاں ، فلم دیوربھابھی 1967)
• نشان کوئی نہ چھوڑا ، کہ دل کو سمجھائیں۔۔ (گلوکار مہدی حسن ، فلم عالیہ 1967)
• جھوم اے دل وہ میرا جان بہار آئے گا۔۔ (گلوکار مسعودرانا ، فلم دل میرا دھڑکن تیری 1968)
• کیا جو ہے پیار تو پڑے گا نبھانا۔۔ (گلوکار مالا ، احمدرشدی ، فلم دل میرا دھڑکن تیری 1968)
• تم نے وعدہ کیا تھا آنے کا اپنا ، اپنا وعدہ نبھانے آجاؤ۔۔ (گلوکار مجیب عالم ، فلم ماں بیٹا 1969)
• ہار دینا نہ ہمت کہیں ، ایک سا وقت رہتا نہیں۔۔ (گلوکار مالا ، مسعودرانا ، فلم پاک دامن 1969)
• کیا خبر تھی ، تیری محفل سے نکلنا ہوگا۔۔ (گلوکارہ نورجہاں ، فلم پاک دامن 1969)
• ہم سے بدل گیا وہ نگاہیں تو کیا ہوا ، زندہ ہیں کتنے لوگ۔۔ (گلوکار مہدی حسن ، نورجہاں ، فلم دل بےتاب 1969)
• یا اپنا کسے نوں کر لے ، یا آپ کسے دا ہو بیلیا۔۔ (گلوکار مسعودرانا ، نورجہاں ، فلم دل دیاں لگیاں 1970)
• چلے ٹھنڈی ہوا تھم تھم ، لے مجھ سے سیاں۔۔ (گلوکار مالا ، احمدرشدی ، فلم نجمہ 1970)
• بھول کر عہدوفا ، مجھ کو بھلانے والے۔۔ (گلوکار نورجہاں ، فلم نجمہ 1970)
• ہو میں کہیا ، گل سن جا ، گل اے وے کے۔۔ (گلوکار مسعودرانا ، تصورخانم ، فلم یاربادشاہ 1971)
• سن رب نے کیتا پیار ، پیار پیار بھئ سچا پیار۔۔ (گلوکار مسعودرانا ، عنایت حسین بھٹی ، فلم یاربادشاہ 1971)
• گم سم رہن لئی ، سب کجھ کہن لئی۔۔ (گلوکار عنایت حسین بھٹی ، فلم چیلنج 1974)
• جادو گرا ، تیری بین دا ہو گیا جادو ، ہویا دل میرا بے قابو۔۔ (گلوکارہ نورجہاں ، فلم جادو 1974)
• اے جان تمنا ، تیرا چرچا نہ کریں گے۔۔ (گلوکار مہدی حسن ، فلم پہلی نظر 1977)
• دنیا کب چپ رہتی ہے ، کہنے دے جو کہتی ہے۔۔ (گلوکارہ نورجہاں ، فلم پہلی نظر 1977)
• سجناں رے ، کیوں بھیگے تورے نین۔۔ (گلوکارہ نورجہاں ، فلم پہلی نظر 1977)
• اڈ جانئے ہوائے ، میری چنی نہ اڈا ، مینوں سنگ پئی آوے۔۔ (گلوکارہ نورجہاں ، فلم جبرو 1977)
• نشے دیے بوتلے ، نہ اینی ات چک نی۔۔ (گلوکار عنایت حسین بھٹی ، فلم مولاجٹ 1979)

Masood Rana & Ashiq Hussain:

3 joint Online films

Masood Rana & Ashiq Hussain:

Total 13 joint films