A Tribute To The Legendary Playback Singer Masood Rana

Masood Rana - مسعودرانا Masood Rana sang 1035 songs in 647 films

مسعودرانا کا پہلا ہٹ فلمی گیت

1963ء کی فلم شرارت میں مسعودرانا نے اپنا پہلا ہٹ اردو گیت گایا تھا:

اس گیت کی دھن دیبو بھٹاچاریہ نے بنائی تھی اور اسے مسرورانور نے لکھا تھا۔ یہ گیت جو اصل میں ایک شوخ غزل تھی ، عظیم اداکار محمد علی پر فلمایا گیا تھا جن کی بطور ہیرو یہ پہلی فلم تھی اور ان پر فلمایا ہوا یہ پہلا پہلا گیت تھا ۔ اس فلم کے ہدایتکار رفیق رضوی تھے جن کی مسعودرانا کے ساتھ یہ پہلی فلم تھی۔ انہوں نے اپنی اگلی تینوں فلموں آرزو (1965) ، پھر صبح ہو گی (1967) اور پھر چاند نکلے گا (1970) میں بھی مسعودرانا سے گیت گوائے تھے۔ اس فلم کے فلمساز اقبال شہزاد تھے جبکہ کہانی مقبول جلیس نے لکھی اور مکالمے علی سفیان آفاقی نے لکھے تھے۔ اس ناکام فلم میں محمد علی کی دو ہیروئنیں تھیں ، لیلیٰ اور بہار جبکہ ولن کا کردار سکندر نے کیا تھا۔


مسعودرانا کے فلم بنجارن میں کل 4 گیت

1اے دل ، تجھے اب ان سے ، یہ کیسی شکایت ہے ، وہ سامنے بیٹھےہیں ، کافی یہ عنایت ہے ... (فلم ... شرارت ... 1963)
2تیرے شباب کا، اے جان جان، جواب کہاں ... (فلم ... شرارت ... 1963)
3برا مان کر کہاں چل دیئے ، یہ تو عشق والوں کا فرض ہے ، آداب عرض ہے ... (فلم ... شرارت ... 1963)
4گلی گلی میں دل بیچوں ، ہے نام میرا دلدار ، پیار ملے گا اتنا سستا کہاں میری سرکار ... (فلم ... شرارت ... 1963)

اسی سال محمد علی کی بطور ہیرو دوسری فلم مسٹر ایکس بھی ریلیز ہوئی تھی جس میں مسعودرانا کے تین گیت اور تھے جو تین مختلف شاعروں ، موج لکھنوی ، شور لکھنوی اور ایس اے غفار کے لکھے ہوئے تھی جن کی دھنیں موسیقار لال محمد اقبال کی جوڑی نے بنائی تھیں۔ اس فلم میں محمد علی کی ہیروئن ناصرہ تھی جس کی بطور ہیروئن پہلی فلم تھی جبکہ ولن ادیب تھے۔ یہ ایک جاسوسی فلم تھی جس کے ہدایتکار اور کہانی نویس ایس اے غفار تھے جن کی کل دو میں سے یہ پہلی اردو فلم تھی۔ اس فلم کے فلمساز عثمان کھیتانی تھے جن کی کل تین فلمیں تھیں۔


مسعودرانا کے فلم مسٹر ایکس میں کل 3 گیت

1ان مردوں سے اللہ بچائے ، اللہ بچائے ، میرا مولا بچائے ... (فلم ... مسٹر ایکس ... 1963)
2کس کے قدموں کی آہٹ ہے ، بھلا یہ کون آیا ہے ... (فلم ... مسٹر ایکس ... 1963)
3گوری جاؤ نہ دامن جھٹک کر ... (فلم ... مسٹر ایکس ... 1963)


Pakistan Film Magazine

The first and largest website on Pakistani films, music and artists.



پاکستان فلم میگزین ۔۔۔ سنہری فلمی یادوں کا امین

پاکستان فلم میگزین ، پاکستانی فلموں ، فلمی گیتوں اور فلمی فنکاروں پر اولین ، منفرد اور ایک بے مثل معلوماتی اور تفریحی ویب سائٹ ہے جو 3 مئی 2000ء سے مسلسل اپ ڈیٹ ہورہی ہے۔ یہ ایک انفرادی کاوش ہے جو فارغ اوقات کا ایک بہترین مشغلہ بھی ہے۔ یہ تاریخ ساز ویب سائٹ کبھی نہ بن پاتی ، اگر پاکستانی فلموں میں میرے آئیڈیل گلوکار جناب مسعودرانا صاحب کے گیت نہ ہوتے۔ اس عظیم گلوکار کو ایک منفرد خراج تحسین پیش کرنے کے لئے اس کے گائے ہوئے ایک ہزار سے زائد گیتوں کا پہلا اردو ڈیٹابیس بنایا گیا ہے جس میں ریکارڈ محفوظ رکھنے کے علاوہ دیگر ساتھی فنکاروں پر تفصیلی مضامین بھی شائع کئے جارہے ہیں۔