"شینا" (Shina)، پاکستان کے شمالی علاقہ جات کی سب سے بڑی زبان ہے۔۔!

"ہند آریائی" (Indo-Aryan) زبانوں کے "داردک گروپ" سے تعلق رکھنے والی "شینا زبان"، گلگت و بلتستان اور کوہستان، صوبہ خیبرپختونخواہ کے علاوہ بھارتی مقبوضہ کشمیر میں وادی گوریز اور لداخ کی وادی دراس میں بولی جاتی ہے۔ آبادی کے لحاظ سے یہ پاکستان کے شمالی علاقہ جات کی سب سے بڑی زبان ہے جو اردو کے علاوہ قریبی پنجابی/ہندکو سے بڑی متاثر ہے۔

2023ء کی مردم شماری کے مطابق، پاکستان میں مادری زبان کے طور پر "شینا زبان" بولنے والوں کی کل تعداد ایک لاکھ 16 ہزار تھی۔

2010 کی دہائی میں "شینا زبان" کی حروفِ تہجی کو معیاری بنایا گیا اور گرامر کے علاوہ توثیق شدہ لغت بھی شائع کی گئی ہے۔ 46 مفرد حروف کی اس پٹی میں اردو حروفِ تہجی کے علاوہ سات مخصوص شینا حروف کا اضافہ کیا گیا تھا۔

"پالولا" (Palula) زبان صوبہ خیبرپختونخواہ کے ضلع چترال کے جنوب میں دریائے کنڑ یا دریائے چترال کے کنارے کی وادیوں میں "چھوک مچھوک قبیلے" کے بیس ہزار کے قریب لوگ بولتے ہیں۔

"ہندآریائی" (Indo-Aryan)  زبانوں کے گروپ سے تعلق رکھنے والی "پالولا" کو "پھالولہ، ڈنگریکوار اور عشیریتی" بھی کہتے ہیں۔ یہ بھی ایک "داردک زبان" ہے جس کا قریبی تعلق "شینا" سے ہے۔

2004ء سے اس زبان کی ترویج و ترقی کی کوششیں جاری ہیں اور مقامی سطح پر مادری زبان کی تعلیم دی جارہی ہے۔

"اشوجو" (Ushojo)، ضلع سوات کی وادی چیل کے علاقہ بشگرام میں کلی خیل قبیلے کے دو ہزار افراد کی زبان ہے جو معدومی کے خطرے سے دوچار ہے۔

"ہندآریائی" (Indo-Aryan) زبانوں کے خاندان سے تعلق رکھنے والی یہ بولی " داردک کوہستانی شینا" سے ماخوذ ہے جس پر پشتو اور دیگر کوہستانی زبانوں کا اثر ہے۔

"بروقسکت" (Brokskat)، خطرے سے دوچار ایک چھوٹی سی زبان ہے۔

"ہندآریائی" (Indo-Aryan language) زبانوں کے گروپ میں "داردک" (Dardic language) اور بھارت کے مقبوضہ کشمیر میں لداخ کے علاقے میں دریائے سندھ کے آس پاس چند ہزار افراد پر مشتمل "بروکپا" قبیلے کی قدیم زبان کو "پروقسکت" یا "مینارو" کہتے ہیں جو "شینا" زبان کی بولیوں میں سے سب سے مختلف اور ناقابلِ فہم ہے۔ بلتی زبان میں "بروکپا" کے معنی "پہاڑ پر رہنے والا" ہے اور اس قبیلے کے چندسو افراد پاکستانی علاقے بلتستان میں بھی آباد ہیں۔

"کنڈل شاہی" (Kundal Shahi)، تیزی سے ختم ہونے والی زبان ہے۔

"ہند آریائی" (Indo-Aryan) زبانوں کے "گندھارا یا داردک گروپ" کی یہ چھوٹی سی زبان، "کنڈل شاہی یا راہواڑی"، آزاد کشمیر کی نیلم وادی میں جھاگرا نالے کے کنارے آباد کنڈل شاہی گاؤں کے چند سو عمررسیدہ افراد بولتے ہیں۔ صدیوں سے بولی جانے والی یہ زبان اپنے آخری دن گن رہی ہے۔ گلگت کی زبان "شینا" سے قریبی تعلق بنتا ہے۔

"ساوی" (Savi) زبان، ضلع چترال کے قریب افغانستان میں بولی جاتی تھی لیکن پاکستان ہجرت کے بعد اس کے بہت سے بولنے والے ضلع دیر میں رہتے ہیں۔

"ہندآریائی" (Indo-Aryan)  زبانوں کے "داردک گروپ" سے تعلق رکھنے والی یہ چھوٹی سی زبان اصل میں "شینا زبان" کی ایک بولی ہے جو "گواربلتی" اور "پالولا" سے بہت ملتی ہے۔

"کلکوٹی" (Kalkoti) زبان بھی پاکستان کی معدومی سے خطرے سے دوچار زبانوں میں سے ایک ہے۔

"ہندآریائی" (Indo-Aryan) زبانوں کے داردک گروپ کی اس بولی کا "شینا زبان" سے قریبی تعلق ہے۔ صوبہ خیبرپختونخواہ کی "کمراٹ والی" کے ضلع اپر دیر کی تحصیل کلکوٹ میں چند ہزار افراد کی زبان ہے۔