پاکستان کو سب سے زیادہ فوجی اور اقتصادی امداد فوجی ادوار حکومت میں ملی تھی جبکہ جمہوری حکومتوں سے امریکہ بہادر کو خدا واسطے کا بیر رہا ہے۔ جنرل ایوب خان کو پچاس اور ساٹھ کے عشروں میں "سرد جنگ" کے دور میں کمیونسٹ بلاک کے خلاف امریکی مفادات کا تحفظ کرنے اور پاکستان کی سر زمین پر روس کے خلاف فوجی اڈے دینے کے عوض بھاری فوجی اور اقتصادی امداد ملی تھی جو ایوبی دور کی تعمیر و ترقی کی بنیادی وجہ بھی تھی۔ جنرل ایوب خان نے آرمی چیف کے طور پر ستمبر 1953ء میں امریکہ سے فوجی معاہدہ کیا تھا اور یہ امداد 1955ء سے لے کر 1965ء کی جنگ تک ملتی رہی تھی۔ اس کے بعد ذوالفقار علی بھٹو کی حکومت کے خاتمے تک کوئی امریکی فوجی امداد نہیں دی گئی تھی۔ اسی کے عشرہ میں جنرل ضیاع مردود کے دور میں نام نہاد "افغان جہاد" کے لئے امریکہ نے فوجی و اقتصادی امداد بحال کر دی تھی جسے آمر مردود "مونگ پھلی" کہا کرتا تھا۔ نوے کے عشرہ میں بے نظیر بھٹو اور نواز شریف کی حکومتوں کے ادوار میں امریکہ نے پاکستان سے کسی "ناراض ساس" کا سا سلوک کیا تھا اور کسی قسم کی کوئی فوجی مدد نہیں دی تھی جبکہ اقتصادی امداد بھی نہ ہونے کے برابر تھی۔ جنرل مشرف کے دور میں "دہشت گردی کے خلاف جنگ" میں ایک بار پھر ریکارڈ فوجی اور اقتصادی امداد ملی تھی جو نہ صرف امریکہ کی طرف سے تھی بلکہ دیگر یورپی ممالک نے بھی دی تھی۔
A graphic about the USA-aid to Pakistan until 2010..
Pakistan Rupee Exchange Rate