پاکستان کے فلمی سنگ میل

پاکستان فلم میگزین کے مطابق ، پاکستان میں اب تک دس مختلف زبانوں میں فلمیں بنائی جا چکی ہیں۔ سب سے زیادہ فلمیں اردو میں بنی ہیں۔ زیر نظر فہرست میں تمام زبانوں میں بننے والی پہلی پہلی فلم کا ذکر ہے:

• پہلی اردو فلم …… تیری یاد …… تھی جو7 اگست 1948ء کو عیدالفطر کے دن ریلیز ہوئی تھی۔
• پہلی پنجابی فلم …… پھیرے …… تھی جو 3 اگست 1949ء کوعید الفطر ہی کے دن لاہور میں ریلیز ہوئی تھی۔
• پہلی سندھی فلم …… عمر ماروی …… 12 مارچ 1956ء کو کراچی میں ریلیز ہوئی تھی۔
• پہلی بنگالی فلم …… مکھ و مکھش …… 3 اگست 1956ء کو ڈھاکہ میں ریلیز ہوئی تھی۔
• پہلی پشتو فلم …… یوسف خان شیر بانو …… یکم دسمبر 1970ء کو عید الفطر کے دن کراچی اور پشاور میں ریلیز ہوئی تھی۔
• پہلی گجراتی فلم …… ماں تے ماں …… بھی یکم دسمبر 1970ء کو عید الفطر کے دن کراچی میں ریلیز ہوئی تھی۔
• پہلی سرائیکی فلم …… دھیاں نمانیاں …… 7 دسمبر 1973ء کو ریلیز ہوئی تھی۔
• پہلی انگریزی فلم (مع اردو ورژن) …… بیانڈ دی لاسٹ مونٹین …… (مسافر) 17 دسمبر 1976ء کو ریلیز ہوئی تھی۔
• واحد ہندکو فلم …… قصہ خوانی…… 20 اکتوبر 1980ء کو ریلیز ہوئی تھی۔
• واحد بلوچی فلم …… ہما لو گنج 1976ء …… میں بنائی گئی تھی لیکن کبھی ریلیز نہ ہو سکی۔

پاکستان میں بننے والی تقریباً چار ہزار فلموں نے مختلف تیکنیکی سنگ میل کب اور کس طر ح عبور کئے ، زیر نظر فہرست میں ان کا تذکرہ کیا گیا ہے:

• پہلی بار اردو فلم …… گل بکاؤلی …… (1961ء) میں رنگین گیت فلمائے گئے تھے۔
• پہلی جزوی رنگین اردو فلم …… عذرا …… (1962ء) تھی جس کا پہلا ہاف رنگین تھا۔
• پہلی مکمل رنگین فلم ڈھاکہ میں بنائی گئی اردو فلم …… سنگم …… (1964ء) تھی۔
• پہلی مکمل رنگین اردوفلم (جو موجودہ پاکستان میں بنی)……ایک دل دو دیوانے…… (1964ء) تھی۔
• پہلی رنگین پنجابی فلم …… پنج دریا …… (1968ء) تھی۔
• پہلی رنگین پشتو فلم …… علاقہ غیر …… (1972ء) تھی۔
• پہلی سینما سکوپ فلم بھی ڈھاکہ میں …… بہانہ …… (1965ء) بنائی گئی۔
• پہلی سینما سکوپ رنگین فلم بھی ڈھاکہ میں …… مالا …… (1965ء) بنائی گئی تھی۔
• پہلی پنجابی سینما سکوپ فلم …… لکھا …… (1979ء) میں بنائی گئی تھی۔
• پہلی پشتو سینما سکوپ فلم …… دا کرائے گوریلے …… (1984ء) تھی۔
• پہلی اردو فلم…… کارواں …… (1964ء) تھی جس کی شوٹنگ بیرون ملک (نیپال میں) کی گئی تھی۔
• پہلی اردو فلم …… رشتہ ہے پیار کا …… (1967ء) تھی جو یورپ میں بنائی گئی تھی۔
• پہلی پنجابی فلم …… پہلوان جی ان لندن …… (1971ء) تھی جو برطانیہ میں شوٹ ہوئی تھی۔
• پہلی کو پروڈکشن فلم …… سازش…… (1976ء) تھی جو پاکستان اور سری لنکا کے تعاون سے بنی۔
• پہلی ڈبل ورژن فلم …… پتر دا پیار…… (1973۱ء) جو پنجابی اور پشتو میں الگ الگ ریلیز ہوئی تھی۔
• پہلی ڈبل ورژن اردو پشتو فلم …… دلہن ایک رات کی…… (1975ء) تھی۔
• پہلی پنجابی/اردو ڈبل ورژن فلم …… میڈم باوری …… (1989ء)تھی جودونوں زبانوں میں الگ الگ ریلیز ہوئی تھی۔
• پہلی پاکستانی اردو فلم …… باغی …… (1956ء) تھی جسے چین میں ریلیز کیا گیا تھا۔
• پہلی پاکستانی اردو فلم …… بدنام …… (1966ء) تھی جسے روس کی سترہ زبانوں میں ڈب کر کے ریلیز کیا گیا تھا۔
• پہلی پاکستانی فلم …… جاگو ہوا سویرا …… (1959ء) تھی جسے ماسکو کی فلمی میلے میں گولڈ میڈل ملا تھا۔

پاکستان میں بننے والی تقریباً چار ہزار فلموں نے کامیابیوں کے سنگ میل کب اور کس طر ح عبور کئے ، زیر نظر فہرست میں ان فلموں کا مختصراً تذکرہ کیا گیا ہے:

• پہلی سلور جوبلی پنجابی فلم …… پھیرے …… (1949ء) تھی۔
• پہلی سلور جوبلی اردو فلم …… دو آنسو …… (1950ء) تھی۔
• پہلی گولڈ ن جوبلی اردو فلم ……سسی …… (1954ء) تھی۔
• پہلی گولڈن جوبلی پنجابی فلم …… یکے والی …… (1957ء) تھی۔
• پہلی پلاٹینم جوبلی پنجابی فلم …… جی دار …… (1965ء) تھی۔
• پہلی پلاٹینم جوبلی اردو فلم …… ارمان …… (1966ء) تھی۔
• پہلی ڈائمنڈ جوبلی اردوفلم …… زرقا …… (1969ء) تھی۔
• پہلی ڈائمنڈ جوبلی پنجابی فلم …… ظلم دا بدلہ …… (1972ء) تھی۔
• پہلی اردو فلم …… آئینہ …… (1977ء) تھی جو کراچی میں 401 ہفتے چلی تھی۔
• پہلی پنجابی فلم …… مولا جٹ …… (1979ء) تھی جس نے اپنے مین تھیٹر پر سولو ڈائمنڈ جوبلی کی۔
• کراچی میں پہلی پلاٹینم جوبلی پنجابی فلم …… ماں پتر …… (1970ء) تھی۔
• کراچی میں پہلی ڈائمنڈ جوبلی پنجابی فلم …… خطرناک …… (1974ء) تھی۔
• لاہور میں پہلی پلاٹینم جوبلی اردو فلم …… بندش …… (1980ء) تھی۔
• لاہور میں پہلی ڈائمنڈ جوبلی اردو فلم …… منڈا بگڑا جائے …… (1995ء) تھی۔
• پشاور میں سب سے زیادہ چلنے والی گولڈن جوبلی پشتو فلم …… اوربل …… (1973ء) تھی۔