PAK Magazine | An Urdu website on the Pakistan history
Wednesday, 29 May 2024, Day: 150, Week: 22

PAK Magazine |  پاک میگزین پر تاریخِ پاکستان ، ایک منفرد انداز میں


پاک میگزین پر تاریخِ پاکستان

Annual
Monthly
Weekly
Daily
Alphabetically

جمعرات 24 جنوری 1963

وزیرخارجہ ذوالفقار علی بھٹو

وزیرخارجہ پاکستان ، ذوالفقار علی بھٹو
ذوالفقار علی بھٹوؒ
نے تین حکومتوں میں
وزیرِ خارجہ کے طور پر کام کیا

ذوالفقار علی بھٹوؒ کے بطور وزیر خارجہ کارہائے نمایاں تاریخ کا ایک سنہری باب ہیں۔۔!

وزارت خارجہ کا عہدہ سنبھالنے سے پہلے

24 جنوری 1963ء کو رسمی طور پر ایوب حکومت میں اس عہدہ پر فائز ہونے قبل ہی بھٹو صاحب متعدد بڑے بڑے خارجی امور سر انجام دے چکے تھے جن میں 1960ء میں روس کے ساتھ امریکی جاسوسی طیارے کے مار گرائے جانے کے بعد کی کشیدہ صورتحال سے پاکستان کو نکالنا ہو یا 1962ء میں روایتی حریف بھارت کے ساتھ مسئلہ کشمیر پر اعلیٰ سطحی مذاکرات کی قیادت ہو ، پاکستان کو امریکی اثرورسوخ سے آزاد کرانا ہو یا روس اور چین سے قربت بڑھانی ہو ، بھٹو صاحب جیسا دور اندیش رہنما ایوب حکومت کی خارجہ پالیسی میں ریڑھ کی ہڈی کی حیثیت رکھتا تھا۔

وزارت خارجہ کا عہدہ سنبھالنے کے بعد

وزارت خارجہ کا قلمدان سنبھالتے ہی بھٹو صاحب نے جہاں چین ، ایران اور برما کے ساتھ دیرینہ سرحدی تنازعات کو پر امن طریقے سے حل کیا وہاں پڑوسی ملک افغانستان کے ساتھ دو سال سے منقطع تعلقات کو بھی بحال کیا تھا۔ 1965ء کی پاک بھارت جنگ کے دوران سلامتی کونسل میں کشمیر پر جو بے مثل تقریر کی ، اس نے انھیں "قومی ہیرو" بنا دیا تھا۔

یہ بھی بھٹو صاحب ہی تھے کہ جنھوں نے پاکستان ، ایران اور ترکی کی مشترکہ تعاون کی تنظیم RCD بنائی اور دیگر اسلامی اور عرب ممالک کے ساتھ قریبی تعلقات کا آغاز کیا تھا۔ اسلامی ممالک کی کانفرنس ہو یا ترقی پذیر ممالک کے اتحاد ، ہر جگہ بھٹو صاحب نے اپنی خداداد صلاحیتوں کے انمٹ نقوش چھوڑے تھے۔

ایوب حکومت کے دیگر وزرائے خارجہ

بھٹو صاحب ، ایوب حکومت میں صرف ساڑھے تین سال تک یعنی (66-1963) میں باقاعدہ وزیرخارجہ رہے اور پاکستان کی تاریخ کے سب سے کامیاب وزیرخارجہ تھے۔ ان سے پہلے صدر ایوب کی حکومت میں منظور قادر (62-1958) ، محمدعلی بوگرا (63-1962) اور سیدشریف الدین پیرزادہ (68-1966) بھی اس منصب پر فائز رہے لیکن بھٹو صاحب کے مقابلے میں انتہائی گمنام اور غیر اہم رہے۔

بھٹو تین حکومتوں کے وزیرخارجہ

جنرل ایوب کے بعد 7 دسمبر 1971ء کو جنرل یحییٰ خان کو بھی بھٹو صاحب کی ضرورت پڑی تھی۔ ان نازک حالات میں جب بھارتی فوج ڈھاکہ کے دروازے پر کھڑی تھی ، جابر و غاصب حکمرانوں کے پاس کوئی ایک بھی ایسا وزیرخارجہ نہیں تھا جو سلامتی کونسل میں پاکستان کا کمزور موقف بیان کرسکتا۔ بھٹو صاحب نے 15 دسمبر 1971ء کو سلامتی کونسل میں جو تقریر کی ، وہ بھی ایک تاریخ بن چکی ہے اور دنیا بھر کے میڈیا اور تاریخی کتب میں ایک اہم ترین واقعہ کے طور پر محفوظ ہے۔

صدر ، وزیراعظم اور وزیرخارجہ

ذوالفقار علی بھٹوؒ کی اصل صلاحیتیں اس وقت سامنے آئیں جب دسمبر 1971ء میں پہلے صدر اور پھر وزیراعظم بنے۔ پانچ سال سے زائد عرصہ تک وہ ایک مکمل خودمختار وزیرخارجہ تھے جو سربراہ مملکت بھی تھے۔

اس عرصہ میں جہاں بھٹو نے شملہ معاہدہ میں "بھارت فتح" کیا وہاں جنگ میں ہارے ہوئے آٹھ نو ہزار مربع کلو میٹر مقبوضہ علاقے واپس لیے۔ 90 ہزار جنگی قیدیوں کی باعزت رہائی کے علاوہ اپنی بہترین حکمت عملی سے 195 فوجی افسران کے خلاف جنگی جرائم کے تحت مقدمہ بھی نہیں چلنے دیا۔

بھٹو نے سفارتی کامیابی کی بہترین مثال قائم کی جب چین نے پہلی بار اپنے ویٹو کا حق پاکستان کے لیے استعمال کیا اور بنگلہ دیش کو اقوام متحدہ کا ممبر نہیں بننے دیا تھا۔ چین ہی کے تعاون سے دفاعی سازوسامان میں خودمختاری بھی حاصل کی۔

بھٹو ہی نے عالم اسلام کو ایک پلیٹ فارم تلے متحد کرکے اپنے ایٹمی پروگرام کے لیے ڈالروں کا بندوبست کیا۔ دفاع کو بے حد مضبوط کیا اور امریکہ سے پابندیوں کے باوجود اسلحہ کی ترسیل ممکن بنائی۔ امریکہ ہی کے دباؤ کے باوجود فرانس کے ساتھ چار ہزار میگا واٹ کے ایٹمی بجلی گھر کا معاہدہ بھی کیا جو ان کے جاتے ہی منسوخ ہوگیا تھا۔

یہ ذوالفقار علی بھٹوؒ ہی تھے کہ جنھوں نے عالم عرب میں اپنے اثرورسوخ سے افرادی قوت مہیا کی جس نے بہت سے پاکستانیوں کی زندگیاں بدل دی تھیں۔ عالم اسلام کے لیڈر ہونے کے علاوہ تیسری دنیا کے ممالک کو قیادت فراہم کی اور خارجہ امور میں اپنی ذہانت و فطانت سے پاکستان کو ایک اہم ترین ملک بنا دیا تھا۔






Bhutto as Foreign Minister

Thursday, 24 January 1963

Zulfikar Ali Bhutto became Foreign Minister of Pakistan on 24 January 1963..


Bhutto as Foreign Minister (video)

Credit: Emanuele Giordana



پاکستان کی تاریخ پر ایک منفرد ویب سائٹ

پاک میگزین ، پاکستان کی سیاسی تاریخ پر ایک منفرد ویب سائٹ ہے جس پر سال بسال اہم ترین تاریخی واقعات کے علاوہ اہم شخصیات پر تاریخی اور مستند معلومات پر مبنی مخصوص صفحات بھی ترتیب دیے گئے ہیں جہاں تحریروتصویر ، گرافک ، نقشہ جات ، ویڈیو ، اعدادوشمار اور دیگر متعلقہ مواد کی صورت میں حقائق کو محفوظ کرنے کی کوشش کی جارہی ہے۔

2017ء میں شروع ہونے والا یہ عظیم الشان سلسلہ، اپنی تکمیل تک جاری و ساری رہے گا، ان شاءاللہ



پاکستان کے اہم تاریخی موضوعات



تاریخِ پاکستان کی اہم ترین شخصیات



تاریخِ پاکستان کے اہم ترین سنگِ میل



پاکستان کی اہم معلومات

Pakistan

چند مفید بیرونی لنکس



پاکستان فلم میگزین

پاک میگزین" کے سب ڈومین کے طور پر "پاکستان فلم میگزین"، پاکستانی فلمی تاریخ، فلموں، فنکاروں اور فلمی گیتوں پر انٹرنیٹ کی تاریخ کی پہلی اور سب سے بڑی ویب سائٹ ہے جو 3 مئی 2000ء سے مسلسل اپ ڈیٹ ہورہی ہے۔


پاکستانی فلموں کے 75 سال …… فلمی ٹائم لائن …… اداکاروں کی ٹائم لائن …… گیتوں کی ٹائم لائن …… پاکستان کی پہلی فلم تیری یاد …… پاکستان کی پہلی پنجابی فلم پھیرے …… پاکستان کی فلمی زبانیں …… تاریخی فلمیں …… لوک فلمیں …… عید کی فلمیں …… جوبلی فلمیں …… پاکستان کے فلم سٹوڈیوز …… سینما گھر …… فلمی ایوارڈز …… بھٹو اور پاکستانی فلمیں …… لاہور کی فلمی تاریخ …… پنجابی فلموں کی تاریخ …… برصغیر کی پہلی پنجابی فلم …… فنکاروں کی تقسیم ……

پاک میگزین کی پرانی ویب سائٹس

"پاک میگزین" پر گزشتہ پچیس برسوں میں مختلف موضوعات پر مستقل اہمیت کی حامل متعدد معلوماتی ویب سائٹس بنائی گئیں جو موبائل سکرین پر پڑھنا مشکل ہے لیکن انھیں موبائل ورژن پر منتقل کرنا بھی آسان نہیں، اس لیے انھیں ڈیسک ٹاپ ورژن کی صورت ہی میں محفوظ کیا گیا ہے۔

پاک میگزین کا تعارف

"پاک میگزین" کا آغاز 1999ء میں ہوا جس کا بنیادی مقصد پاکستان کے بارے میں اہم معلومات اور تاریخی حقائق کو آن لائن محفوظ کرنا ہے۔

Old site mazhar.dk

یہ تاریخ ساز ویب سائٹ، ایک انفرادی کاوش ہے جو 2002ء سے mazhar.dk کی صورت میں مختلف موضوعات پر معلومات کا ایک گلدستہ ثابت ہوئی تھی۔

اس دوران، 2011ء میں میڈیا کے لیے akhbarat.com اور 2016ء میں فلم کے لیے pakfilms.net کی الگ الگ ویب سائٹس بھی بنائی گئیں لیکن 23 مارچ 2017ء کو انھیں موجودہ اور مستقل ڈومین pakmag.net میں ضم کیا گیا جس نے "پاک میگزین" کی شکل اختیار کر لی تھی۔

سالِ رواں یعنی 2024ء کا سال، "پاک میگزین" کی مسلسل آن لائن اشاعت کا 25واں سلور جوبلی سال ہے۔




PAK Magazine is an individual effort to compile and preserve the Pakistan history online.
All external links on this site are only for the informational and educational purposes and therefor, I am not responsible for the content of any external site.