Mehmood Ali Qasoor was Law Minister in Bhutto cabinet on December 23, 1971. He played a key role in the formation of Pakistan's first constitution in 1973..
میاں محمود علی قصوری ، 1972ء کے عبوری آئین کے خالق تھے۔۔!
20 دسمبر 1971ء کو جب ذوالفقار علی بھٹوؒ کو حکومت ملی تو پاکستان میں کوئی آئین نہیں تھا۔ ملک پر مارشل لاء مسلط تھا۔ بھٹو صاحب کی ہدایت پر صرف پانچ ماہ میں میاں محمود علی قصوری کی سربراہی میں ایک عبوری آئین بنایا تھا جس سے مارشل لاء کی لعنت کو ختم کیا گیا تھا۔
میاں محمودعلی قصوری ، 31 اکتوبر 1910ء کو قصور میں پیدا ہوئے۔ پونا ، بمبئی ، لاہور اور لندن سے تعلیم حاصل کی۔ 1935ء میں لاء کالج میں درس و تدریس اور وکالت کے شعبے سے وابستہ ہوئے۔ اس دوران انہوں نے آل انڈیا مسلم لیگ سے اپنی سیاسی زندگی کا آغاز کیا۔ قیام پاکستان کے بعد انہوں نے مسلم لیگ کے باغی گروپ میاں افتخار الدین اور ان کے ساتھیوں کے ساتھ آزاد پاکستان پارٹی کے قیام میں فعال حصہ لیا۔ یہ پارٹی 1955ء میں ولی خان کی نیشنل عوامی پارٹی (نیپ) میں ضم ہو گئی تھی۔
1970ء میں پیپلز پارٹی میں شامل ہوئے اور لاہور سے بھٹو صاحب کی خالی کردہ نشست پر ضمنی انتخابات میں قومی اسمبلی کے رکن منتخب ہوئے۔ 23 دسمبر 1971ء کو بھٹو حکومت میں وزیر برائے قانون اور پارلیمانی امور کے منصب پر فائز ہوئے۔۔ اس عہدے پر کام کرتے ہوئے ان کا سب سے بڑا کارنامہ عبوری آئین کی تیاری اور نفاذ تھا۔ پاکستان کے مستقل آئین (1973) کی تیاری میں اختلافات کی بنا پر 4 اکتوبر 1972ء کو اپنے عہدے سے مستعفی ہوگئے تھے۔ 7 جون 1973ء کو ائرمارشل اصغر خان کی تحریک استقلال میں شمولیت اختیار کی اور پھر تاحیات اسی پارٹی کے ممبر رہے۔ 13 اپریل 1987ء کو قصور میں انتقال ہوا۔ وہ سابق وزیر خارجہ خورشید محمود قصوری کے والد گرامی تھے۔
Mehmood Ali Qasoori (video)
Credit: AP Archive
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
