Pakistan Standard Time (PST) is UTC+05:00, which is five hours ahead of Coordinated Universal Time (CUT).
یکم اکتوبر 1951ء کو پاکستان کے معیاری وقت کا اطلاق ہوا تھا۔۔!
15 ستمبر 1951ء کو حکومت پاکستان نے اعلان کیا تھا کہ پاکستان کا معیاری وقت جو 1907ء سے عالمی گرینویچ ٹائم سے ساڑھے پانچ گھنٹے آگے ہوتا تھا ، یکم اکتوبر 1951ء سے مغربی پاکستان میں آدھ گھنٹہ پیچھے اور مشرقی پاکستان میں آدھ گھنٹہ آگے کیا جارہا ہے۔ اس کا مطلب یہ تھا کہ موجودہ پاکستان کا معیاری وقت ، پڑوسی ملک بھارت سے آدھ گھنٹہ پیچھے کردیا گیا تھا۔ جب بھارت میں بارہ بجتے تھے تو پاکستان میں معیاری وقت ساڑھے گیارہ بجے کا مقرر کیا گیا تھا۔
پاکستان کا معیاری وقت ضلع سیالکوٹ میں شکرگڑھ کے علاقے چونڈہ کے مقام سے لیا گیا ہے جو طول البلد 75 درجے مشرق اور عرض البلد 20 درجے شمال کی طرف ہے۔ اس کا تعین ممتاز ریاضی دان پروفیسر محمود انور نے کیا تھا۔
جنرل مشرف کے دور میں یورپ کی تقلید میں گرمیوں میں گھڑیاں ایک گھنٹہ آگے کرنے کا فیصلہ کیا گیا تھا جو تھوڑا عرصہ ہی رہا اور "مشرف ٹائم" کہلاتا تھا۔
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
