10 ستمبر 2020ء کو وزیر اعظم عمران خان نے بیرون ملک پاکستانیوں کی سہولت کے لیے "روشن ڈیجیٹل اکاؤنٹ" سسٹم کا افتتاح کیا جس کے ذریعے اب بیرون ملک مقیم پاکستان ، کسی پاکستانی بینک ، برانچ ، سفارتخانے یا قونصلیٹ جائے بغیر آن لائن اکاؤنٹ کھول سکیں گے۔ یہ عمل صرف 48 گھنٹوں میں مکمل ہو گا۔ صارفین اپنے بینک اکاؤنٹ کے لیے بیرونی کرنسی ، پاکستانی روپوں یا دونوں کا انتخاب کر سکتے ہیں۔ ان بینک اکاؤنٹس میں جمع شدہ رقوم مناسب شرح سود پر منافع کے علاوہ مکمل طور پر واپس منتقل ہو سکیں گی اور اس کے لیے سٹیٹ بینک سے کسی پیشگی منظوری کی ضرورت نہیں ہو گی۔ بیرون ملک مقیم 90 لاکھ پاکستانیوں کو جو سالانہ تقریباً 23 ارب ڈالر کا زرمبادلہ وطن عزیز بھیجتے ہیں ، انہیں ترسیلات زر ، بلوں کی ادائیگی اور پاکستان میں سرمایہ کاری سے متعلق سرگرمیوں کے حوالے سے جدید بینکنگ سہولیات فراہم کی جائیں گی۔ اس سے جہاں ملکی زرمبادلہ کے ذخائر میں اضافہ بھی ہوگا وہاں بیرونی قرضوں میں کمی بھی ہو سکے گی۔

سٹیٹ بینک آف پاکستان نے مندرجہ ذیل آٹھ پاکستانی کمرشل بینکوں سے مل کر بیرون ملک پاکستانیوں کی سہولت کے لیے ڈیجیٹل اکاؤنٹ کا نظام متعارف کرایا ہے ، جہاں آپ گھر بیٹھے آن لائن اکاؤنٹ کھلوا سکتے ہیں:

• حبیب بینک
• مسلم کمرشل بینک
• یونائیٹڈ بینک
• بینک الفلاح
• فیصل بینک
• میزان بینک
• سامبا بینک
• سٹینڈرڈ چارٹرڈ

آن لائن بینک اکاؤنٹ کھلوانے کا طریقہ حسب ذیل ہے:

• سٹیٹ بینک کی ویب سائٹ پر ان آٹھ بینکوں میں سے کسی ایک کا انتخاب کریں۔
• مطلوبہ بینک کی ویب سائٹ پر جا کر اکاؤنٹ کھلوانے سے متعلق ڈیجیٹل فارم کو پُر کریں۔
• اس کے بعد اپنے بینک اکاؤنٹ کی قسم کا انتخاب کریں کہ وہ پاکستانی کرنسی میں ہو یا کسی دوسرے ملک کی کرنسی میں۔
• بینک ، آپ کے پاسپورٹ ، شناختی کارڈ ، بیرون ملک رہنے کا ثبوت اور ذریعہ آمدن یعنی کاروبار یا ملازمت کے بارے میں دریافت کرے گا۔ اس کے لیے ان دستاویزات کی ایک کاپی اپ لوڈ کرنا ہو گی۔
• اس موقع پر ایک ڈیجیٹل تصویر بھی بنے کی جو اکاؤنٹ کے لئے اپ لوڈ ہوگی۔
• اگر آپ ملازمت پیشہ ہیں تو پھرتنخواہ کی رسید یا ملازمت سرٹیفکیٹ کی کاپی اپ لوڈ کرنا ہو گی۔ اگر تاجر ہیں تو پھر ٹیکس ریٹرن ، مکان کا کرایہ نامہ یا ذریعہ آمدن کا کوئی اور ثبوت پیش کرنا ہو گا۔
• اس کے بعد 48 گھنٹوں کے اندر اکاؤنٹ کھل جانے سے متعلق تصدیقی پیغام کا انتظار کریں۔
• بینک اکاؤنٹ کھل جانے کے بعد آپ جس ملک میں ہیں ، وہاں سے بینک کے ذریعے اپنے اکاؤنٹ میں رقوم منتقل کر سکتے ہیں۔

405

Newspapers

339

TV/Radio

204

Web/Mag