پاکستان کی تاریخ تضادات کا مجموعہ ہے اور بدقسمتی سے آغاز ہی سے انتہائی نااہل لوگ اس ملک پر مسلط رہے ہیں۔ اس صفحہ پر دو ڈاک ٹکٹوں کو ملاحظہ فرمائیں ، ان میں سے ایک اڑھائی آنے کا ڈاک ٹکٹ ہے جو 9 جولائی 1948ء کو سرکاری طور پر جاری ہونے والا پہلا پاکستانی ڈاک ٹکٹ تھا۔ اس پر اڑھائی کیسے لکھا ہوا ہے۔۔؟ مانا کہ اردو ، دائیں سے بائیں لکھی جاتی ہے لیکن گنتی تو بائیں سے دائیں ہی لکھی جاتی تھی ، کم از کم ہم نے تو سکولوں میں ایسے ہی پڑھا تھا۔۔!

اب ڈیڑھ آنے والا دوسرا ڈاک ٹکٹ دیکھیں تو اس پر ڈیڑھ آنہ صحیح لکھا ہوا ہے ، پھر پہلے ڈاک ٹکٹ پر اڑھائی کو غلط لکھنے والوں کو کیا کہیں گے۔۔؟

دوسری دلچسپ بات یہ ہے کہ پاکستان کا یوم آزادی تو 14 اگست کو منایا جاتا ہے لیکن ایک ہوائی جہاز کے پس منظر میں اس وقت کے کراچی ائیرپورٹ کی تصویر والے اڑھائی آنے والے اس پہلے ڈاک ٹکٹ پر کس کی یاد میں "پاکستان زندہ باد ، 15 اگست 1947ء" لکھا ہوا ہے۔۔؟