Jogendra Nath Mandal was the first Law and Labour Minister in Pakistan..
جوگندر ناتھ منڈل ، بانی پاکستان قائد اعظمؒ کا بطور وزیر قانون اور وزیر محنت پہلا انتخاب تھے۔۔!
جوگندر ناتھ منڈل ، 29 جنوری 1904 کو باقر گنج ، باریسال ، بنگال ، مشرقی پاکستان میں ایک دلت ہندو برادری کے نامہ شودرا گروہ میں پیدا ہوئے تھے۔ تحریک پاکستان کے سرگرم رکن اور قیام پاکستان کے بعد پہلی آئین اسمبلی کے قائمقام سپیکر بھی منتخب ہوئے تھے۔ اس حیثیت میں انہوں نے اپنے اولین خطاب میں کہا تھا کہ
"میں نے پاکستان کا انتخاب اسی لیے کیا تھا کیونکہ جس مسلم کمیونٹی نے انڈیا میں اقلیت ہوتے ہوئے اپنے حقوق حاصل کرنے کی جدوجہد کی ، وہ اپنے ملک میں اقلیتوں کے ساتھ نہ صرف انصاف کرے گی بلکہ اُن کے لیے وسیع القلبی کا مظاہرہ بھی کرے گی۔۔"
جوگندر ناتھ منڈل کو 15 اکتوبر 1946ء کو قائم ہونے والی کانگریس اور مسلم لیگ کی مخلوط حکومت میں آل انڈیا مسلم لیگ کی طرف سے اپنی پانچ وزارتوں میں سے ایک وزارت ، وزیر قانون کا عہدہ بھی تفویض کیا گیا تھا۔ قیام پاکستان کے بعد بانی پاکستان اور گورنر جنرل حضرت قائد اعظمؒ محمد علی جناح نے اپنی کابینہ میں انھیں اسی عہدے یعنی وزیر قانون کے علاوہ وزیر محنت کے عہدے پر فائز کیا تھا۔ وہ پاکستان کے پہلے ہندو تھے جو ان اعلیٰ عہدوں تک پہنچے تھے۔
12 مارچ 1949ء کو اپنے ہی وزیر قانون جوگندر ناتھ منڈل کو نظر انداز کرتے ہوئے جب قانون ساز اسمبلی نے قرارداد مقاصد کی منظوری دی تو مذہبی تعصب کی وجہ سے 8 اکتوبر 1950ء کو بطور احتجاج استعفیٰ دے کر پاکستان چھوڑ کر بھارت چلے گئے تھے جہاں بڑی کسمپرسی کی زندگی گزاری اور 5 اکتوبر 1968 کو وفات ہوئی تھی۔
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
