دیامر بھاشا ڈیم کا معاہدہ

دیامر بھاشا ڈیم کی تعمیر کے معاہدے پر13مئی 2020ء کو دستخط ہوگئے ہیں۔۔!

ڈیم کا 442 ارب (یعنی 4کھرب ، 42ارب روپے) کا ٹھیکہ چین کی سرکاری کمپنی پاور چائنا اور پاک فوج کے زیر انتظام چلنے والے ادارے فرنٹیئر ورکس آرگنائزیشن (ایف ڈبلیو او) کے جوائنٹ وینچر کو دیا گیا ہے۔ 1998ء سے متعدد بار افتتاح ہونے کے باوجود زیر التواء رہنے والے اس ڈیم سے 4500 میگا واٹ بجلی پیدا ہوگی۔ منصوبے کی مجموعی لاگت کا تخمینہ 14 کھرب ، 6 ارب ، 50 کروڑ روپے لگایا گیا ہے اور یہ ڈیم 2028ء میں مکمل ہوگا۔

یادرہے کہ اس ڈیم کے فنڈز میں صرف بارہ ارب روپیہ جمع ہوسکا تھا اور فی الوقت یہ معلوم نہیں کہ باقی رقم کہاں سے آئے گی؟ اس سے قبل ساٹھ کے عشرہ میں سندھ تاس معاہدے کے تحت منگلا اور تربیلا ڈیم بنائے گئے تھے جن کی تعمیر کے لئے وولڈبینک کے علاوہ امریکہ ، کینیڈا ، برطانیہ ، آسٹریلیا ، نیوزی لینڈ ، مغربی جرمنی کے علاوہ بھارت نے بھی فنڈنگ کی تھی۔