President of Pakistan, General Mohammad Ayub Khan (with his Minister for Natural Resources Mr. Bhutto) inaugurated Warsak Dam on Kabul river on 27 January 1961. This dam was financed by the Canadian government and was completed in 4 years (since 1956).
وارسک ڈیم کا افتتاح 1960ء میں ہوا تھا۔۔!
حکومت کینیڈا کی مالی اور فنی امداد سے پشاور سے 20 میل دور دریائے کابل پر تعمیر کیے گئے وارسک ڈیم کا سنگ بنیاد 1956ء میں رکھا گیا تھا۔ 26 میل طویل اور ایک ہزار فٹ گہری جھیل ہے جو افغان بارڈر تک پھیلی ہوئی ہے۔ زراعت کے علاوہ اڑھائی سو میگاواٹ بجلی کی روزانہ پیداوار ہے۔
اس وقت کے 35 کروڑ روپے سے تعمیر ہونے والے اس ڈیم کا افتتاح 27 جنوری 1960ء کو صدر جنرل محمد ایوب خان نے کیا تھا۔ افتتاحی تقریب میں وزیر قدرتی وسائل ، پانی و بجلی جناب ذوالفقار علی بھٹوؒ کے علاوہ کینیڈا کے وزیر گورڈن چرچل بھی ان کے ساتھ تھے۔
وارسک ڈیم ، کولمبو پلان کے تحت بنایا گیا تھا۔ 28 نومبر 1950ء کو وجود میں آنے والی یہ تنظیم ، ترقی پذیر ممالک کے لیے ترقیاتی منصوبوں کا ایک معاہدہ تھا جس میں 28 ممالک شریک تھے۔ امریکہ ، برطانیہ ، آسٹریلیا ، نیوزی لینڈ اور کینیڈا جیسے امیر ممالک کے سرمائے سے غریب ممالک میں عوامی فلاح و بہبود کے منصوبے شروع کیے گئے تھے جن میں سے ایک وارسک ڈیم بھی تھا۔
Warsak Dam completed (video)
Credit: British Pathé
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
