PAK Magazine
Sunday, 27 November 2022, Week: 47

Pakistan Chronological History
Annual
Annual
Monthly
Monthly
Weekly
Weekly
Daily
Daily
Alphabetically
Alphabetically


1948
کراچی میں ہندوکش فسادات
کراچی میں ہندوکش فسادات
2020
پاکستان کی فضائی قوت
پاکستان کی فضائی قوت
1932
سکھر بیراج
سکھر بیراج
2022
ریکوڈک منصوبہ
ریکوڈک منصوبہ
1973
شناختی کارڈ سکیم
شناختی کارڈ سکیم


1989

No-Confidence-Motion against Benazir Bhutto

Wednesday, 1 November 1989

A No-Confidence-Bid against Prime Minister Benazir Bhutto failed on November 1, 1989..

بے نظیر بھٹو کے خلاف تحریک عدم اعتماد

بدھ یکم نومبر 1989
بے نظیر بھٹو کے خلاف تحریک عدم اعتماد

یکم نومبر 1989ء کے دن وزیراعظم محترمہ بے نظیر بھٹو کے خلاف ایک تحریک عدم اعتماد پیش کی گئی جو صرف 12 وؤٹوں کے فرق سے ناکام ہو گئی تھی۔۔!

عدم سیاسی استحکام پیدا کرنے کی سازش

صرف گیارہ ماہ قبل یعنی 2 دسمبر 1988ء کو عوامی وؤٹوں سے منتخب ہونے والی عالم اسلام کی پہلی خاتون وزیراعظم محترمہ بے نظیر بھٹو کی کمزور حکومت کو ایک بھرپور دھکا لگایا گیا اور یہ ثابت کرنے کی کوشش کی گئی تھی کہ پاکستان جیسے ملک میں طاقت کا سرچشمہ عوام کبھی نہیں ہوسکتے۔

23 اکتوبر 1989ء کو پاکستان کے خفیہ اداروں کے قائم کیے گئے سیاسی اتحاد "اسلامی جمہوری اتحاد" اور متحدہ اپوزیشن کے 86 اراکین نے وزیراعظم بے نظیر بھٹو کے خلاف عدم اعتماد کی تحریک جمع کروا دی تھی۔ "لوٹوں کے شہنشاہ" چوہدری شجاعت حسین کے ساتھ حکومت کی اتحادی جماعت ایم کیو ایم بھی تھی جسے تاریخ میں دہشت گردی کے علاوہ "تھالی کے بینگن" کے طور پر یاد رکھا جائے گا۔

ہارس ٹریڈنگ یا کھوتوں اور ٹٹوؤں کی خریدوفروخت

یکم نومبر 1989ء کے دن عدم اعتماد کی تحریک سے قبل پاکستان کی سیاسی تاریخ کا "میلہ مویشیاں" لگایا گیا تھا جس میں جانوروں کی بجائے سیاستدانوں یا ارکان اسمبلی کی بے مثل خریدوفروخت ہوئی تھی۔ فریقین یعنی حکومت اور مخالفین نے قیمتی پجیرو گاڑیاں ، صنعتی اور کاروباری پرمٹ ، پلاٹ ، الاٹ منٹس ، نقد رقوم سے بھرے بریف کیس ، بینکوں سے آسان شرائط پر قرضے اور عزیزواقارب کے لیے سہولیات وغیرہ سے ارکان اسمبلی کی بولیاں لگائیں۔ پاکستان کے میڈیا میں "ہارس ٹریڈنگ" ایک عام فہم لفظ بن گیا تھا جسے عوامی زبان میں "گدھوں یا کھوتوں اور گھوڑوں یا ٹٹوؤں کی خریدوفروخت" کہا جاتا تھا۔

اراکین اسمبلی کی "حفاظت"

حکومت اور اپوزیشن نے اپنے اپنے ممبرانِ اسمبلی کی "حفاظت" کے لیے انھیں "محفوظ اور مخصوص مقامات" پر منتقل کر دیا تھا۔ حزب اختلاف کے ارکان کو یا تو نواب اکبربگتی کی نگرانی میں بلوچستان ہاؤس اسلام آباد یا پھر مری لے جایا گیا جو صوبہ پنجاب کا حصہ تھا جہاں بے نظیر بھٹو کے سیاسی حریف نواز شریف کی جماعت مسلم لیگ کی حکومت تھی۔ پیپلز پارٹی نے اپنے اراکین اسمبلی کو سوات کے مقام پر مینگورہ میں منتقل کر دیا تھا جو صوبہ سرحد یا خیبرپختونخواہ میں تھا ، جہاں پیپلز پارٹی کی صوبائی حکومت تھی۔

تحریک عدم اعتماد کا نتیجہ

یکم نومبر 1989ء کے دن عدم اعتماد کی تحریک میں وؤٹنگ سے قبل غلام مصطفیٰ جتوئی ، مولانا فضل الرحمان ، ڈاکٹر عمران طاہر اور عابدہ حسین نے تحریک کے حق میں تقاریر کی تھیں۔ جوابی تقریر صرف وزیراعظم بے نظیر بھٹو نے کی تھی۔

اسوقت پاکستان کی قومی اسمبلی میں 237 اراکین تھے۔ عدم اعتماد کی تحریک کی کامیابی کے لیے 119 وؤٹ درکار تھے لیکن صرف 107 وؤٹ ہی مل سکے اور اس طرح سے بے نظیر بھٹو کی کمزور حکومت صرف 12 وؤٹوں کے فرق سے بچ گئی تھی۔ البتہ اس بیچاری کو سکون کا سانس نہیں لینے دیا گیا تھا اور صرف نو ماہ بعد ہی یعنی 6 اگست 1990ء کو کرپشن کے گھسے پٹے ، بے سروپا اور بھونڈے الزامات لگا کر برطرف کردیا گیا تھا۔

خفیہ ایجنسیوں کا کردار

بظاہر اس تحریک عدم اعتماد کے پیچھے اس وقت کی مخلوط اپوزیشن یا کمبائنڈ اپوزیشن پارٹی (CPO) تھی لیکن کچھ دنوں بعد یہ حقیقت سامنے آئی تھی کہ خفیہ ادارہ ISI اس تحریک کے پیچھے تھا جس کے دو افسران ، بریگیڈیر امتیاز اور میجر عامر کو فوج سے نکال دیا تھا۔ آرمی چیف مرزا اسلم بیگ نے اس واقعہ سے لاتعلقی کا اظہار کیا تھا۔ اس وقت کے وزیراعلیٰ پنجاب اور بے نظیربھٹو کے سب سے بڑے سیاسی حریف ، میاں محمد نواز شریف نے وزیراعظم بنتے ہی انعام میں بریگیڈیر امتیاز کو خفیہ ادارے IB کا سربراہ بنا دیا تھا۔

آپریشن مِڈ نائٹ جیکل

1989ء کی اس عدم اعتماد کی تحریک کا محرک "آپریشن مڈنائٹ جیکل" (Operation Midnight Jackal) نامی خفیہ آپریشن تھا جس کے تحت حکومت کے ارکان کو خریدنے کی کوشش کی گئی۔ حکومت کے ایک ایم این اے محمد عارف اعوان نے حزب اختلاف اور ISI کے افراد کے ساتھ اپنی کئی ملاقاتوں کے دوران ہونے والی بات چیت کو ٹیپ کیا تھا۔ ان ٹیپوں پر ان کو اور ان کے دو ساتھیوں کو حکومت کے خلاف وؤٹ دینے کے لیے اس وقت کی خطیر رقم پچاس لاکھ روپے کی پیشکش کی گئی تھی۔ پیپلز پارٹی کے ایک رکن اور سابق وزیر داخلہ جنرل نصیر اللہ خان بابر نے بتایا کہ اس موقع پر ثبوت کے طور پر آڈیو اور ویڈیو ٹیپیں بنائی گئیں اور فوج سے شکایت کی گئی جنھوں نے الزام ثابت ہونے پر "آدھی رات کے ان دونوں گیدڑوں" یعنی مڈنائٹ جیکلز کو جبری ریٹائر کر دیا تھا۔

اصغرخان کیس

تحریک استقلال کے سربراہ ائیر مارشل اصغر خان نے بھی سپریم کورٹ میں ایک مشہور زمانہ "اصغرخان کیس" میں آئی ایس آئی کی سیاسی سرگرمیوں کے بارے میں تشویش کا اظہار کیا تھا جس کے مطابق اس خفیہ ایجنسی نے 1990ء کے انتخابات میں نہ صرف "اسلامی جمہوری اتحاد" (IJI) قائم کی بلکہ اس کو رقم بھی فراہم کرتی رہی اور انتخابی مہم میں پیپلز پارٹی کے خلاف اس کی منصوبہ بندی میں بھی سر گرم رہی۔ اس کیس پر آج تک کسی کو کاروائی کرنے کی جرات نہیں ہوئی۔

جنرل ضیاع مردود کی بدروح

اس واقعہ سے یہ صاف ظاہر ہوگیا تھا کہ حکمران جماعت پیپلز پارٹی اور فوج یا اسٹبلشمنٹ ایک پیج پر نہیں تھے۔ صدر غلام اسحاق خان سے بھی بے نظیر بھٹو کے تعلقات کشیدہ تھے۔ بنیادی وجہ یہ تھی بے نظیر کی ناتجربہ کار اور کمزور حکومت ، آئین میں 8ویں ترمیم کو ختم کرنا چاہتی تھی جس سے صدر کو یہ ناجائز اختیار حاصل تھا کہ وہ جب چاہے ، اپنی صوابدید پر عوام کی منتخب حکومت کو گھر بھیج سکتا ہے۔ یہ بدنام زمانہ آٹھویں ترمیم ، جنرل ضیاع مردود کی وہ بدروح تھی جو نہ صرف پاکستانی عوام کی توہین تھی بلکہ ملک میں عدم سیاسی استحکام کی وجہ بھی تھی۔






No-Confidence-Motion against Benazir Bhutto (video)

Credit: AP Archive


2008
سید یوسف رضا گیلانی
سید یوسف رضا گیلانی
1998
مشرف ، آرمی چیف بنا
مشرف ، آرمی چیف بنا
1957
ایک سال میں تین وزرائے اعظم
ایک سال میں تین وزرائے اعظم
1958
جنرل ایوب خان ، صدر بن گئے
جنرل ایوب خان ، صدر بن گئے
1958
ملک فیروز خان نون برطرف
ملک فیروز خان نون برطرف

تاریخ پاکستان

پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!



تاریخ پاکستان ، اہم موضوعات
تحریک پاکستان
تحریک پاکستان
جغرافیائی تاریخ
جغرافیائی تاریخ
سقوط ڈھاکہ
سقوط ڈھاکہ
شہ سرخیاں
شہ سرخیاں
سیاسی ڈائری
سیاسی ڈائری
قائد اعظمؒ
قائد اعظمؒ
ذوالفقار علی بھٹوؒ
ذوالفقار علی بھٹوؒ
بے نظیر بھٹو
بے نظیر بھٹو
نواز شریف
نواز شریف
عمران خان
عمران خان
سکندرمرزا
سکندرمرزا
جنرل ایوب
جنرل ایوب
جنرل یحییٰ
جنرل یحییٰ
جنرل ضیاع
جنرل ضیاع
جنرل مشرف
جنرل مشرف
صدر
صدر
وزیر اعظم
وزیر اعظم
آرمی چیف
آرمی چیف
چیف جسٹس
چیف جسٹس
انتخابات
انتخابات
امریکی امداد
امریکی امداد
مغلیہ سلطنت
مغلیہ سلطنت
ڈنمارک
ڈنمارک
اٹلی کا سفر
اٹلی کا سفر
حج بیت اللہ
حج بیت اللہ
سیف الملوک
سیف الملوک
شعر و شاعری
شعر و شاعری
ہیلتھ میگزین
ہیلتھ میگزین
فلم میگزین
فلم میگزین
میڈیا لنکس
میڈیا لنکس

پاکستان کے بارے میں اہم معلومات

Pakistan

چند اہم بیرونی لنکس


پاکستان کی فلمی تاریخ

پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ

اقبال حسن
اقبال حسن
ایم اے رشید
ایم اے رشید
سیف الدین سیف
سیف الدین سیف
شاہد
شاہد
احمد راہی
احمد راہی


PAK Magazine is an individual effort to compile and preserve the Pakistan's political, film and media history.
All external links on this site are only for the informational and educational purposes, and therefor, I am not responsible for the content of any external site.