پاکستان کے دسویں چیف جسٹس …… محمد حلیم …… ان تین ججوں میں شامل تھے جنہوں نے بھٹو کو بے گناہ قرار دیا تھا لیکن انہوں نے جنر ل ضیاع کے عبوری آئین کے تحت حلف اٹھا کر چیف جسٹس بننے میں کوئی عار محسوس نہیں کی تھی۔ اس بدنام زمانہ آئین کے تحت مارشل لاء کے کسی حکم کو کسی بھی عدالت میں چیلنج نہیں کیا جاسکتا تھا اور سپریم کورٹ ایک عضو معطل ہو کر رہ گیا تھا ، اس لئے سکون ہی سکون تھا اور یہی وجہ تھی کہ وہ اب تک سب سے طویل عرصہ (ساڑھے آٹھ سال) تک اس عہدے پر فائز رہے تھے۔ دلچسپ بات یہ ہے کہ ان کے اس طویل دور میں پہلا ، بڑا اور واحدقومی اہمیت کا سیاسی مقدمہ جنرل ضیاع کی ہلاکت کے بعد آیا تھا جب 29 مئی 1988ء کو برطرف کی گئی جونیجو حکومت کی بحالی کے لئے 27 ستمبر 1988ء کو سپریم کورٹ نے آمر مردود کے فیصلے کو غیر آئینی اور بلا جواز قرار دیا تھا لیکن اوپر کے دباؤ اورانتخابات کے انعقاد کی وجہ سے سابقہ اسمبلی کو بحال نہیں کیا تھا ……!
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
