حکومت پاکستان نے گیارہ ارب ڈالرز کے بھاری جرمانے کا تنازعہ طے کرتے ہوئے 20 مارچ 2022ء کو کینیڈا کی کان کنی کی ایک کمپنی Barrick Gold Corporation سے بلوچستان میں Reko Diq کے مقام پر سونے اور تانبے کے وسیع ذخائر کے معاہدے پر دستخط کر دیے ہیں جس کے مطابق ، بیرک گولڈ کارپوریشن ، آدھے منافع کی حقدار ہوگی اور مزید دس ارب ڈالرز کی سرمایہ کاری بھی کرے گی۔ حکومت بلوچستان کو 25 فیصد حصہ ملے گا جبکہ دیگر پچیس فیصد حصہ ، حکومت پاکستان اور دیگر سرکاری اداروں کے لیے مختص کیا گیا ہے۔ آٹھ ہزار سے زائد آسامیاں بھی پیدا ہوں گی۔
حکومت بلوچستان نے 1998ء میں Tethyan Copper Company Pakistan (Pvt.) Limited کو کان کنی کے اس منصوبے پر کام کرنے کا لائسنس جاری کیا تھا۔ کینیڈا اور چلی کی کمپنیوں Barrick-Antofagasta کے اس مشترکہ منصوبے نے 22 کروڑ ڈالرز کی سرمایہ کاری سے اگست 2010ء میں ایران اور افغانستان کی سرحدوں کے قریب پاکستان کے صوبہ بلوچستان کے ضلع چاغی میں ریکوڈک کے مقام پر ایک معدوم آتش فشاں کے دامن میں سونے اور تانبے کے وسیع معدنی ذخائر کی تصدیق کی تھی۔ اس کان سے نصف صدی سے زائد عرصے تک سالانہ دو لاکھ ٹن تانبا اور اڑھائی لاکھ اونس سونا پیدا ہوسکتا ہے۔
2011ء میں سپریم کورٹ کے چیف جسٹس افتخار محمد چوہدری کے حکم پر یہ معاہدہ منسوخ کردیا گیا تھا جس پر ایک طویل قانونی جنگ ہوئی جس میں پاکستان کو گیارہ ارب ڈالرز کا جرمانہ ہوا جو اس معاہدے کی تجدید سے ختم ہونے کا عندیہ دیا گیا ہے۔
Reko Diq project in Balochistan, Pakistan, is a undeveloped copper and gold deposits, which can produce 200,000 tons of copper and 250,000 ounces of gold a year for more than half a century..
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔
پاکستانی فلموں کے 75 سال …… فلمی ٹائم لائن …… اداکاروں کی ٹائم لائن …… گیتوں کی ٹائم لائن …… پاکستان کی پہلی فلم تیری یاد …… پاکستان کی پہلی پنجابی فلم پھیرے …… پاکستان کی فلمی زبانیں …… تاریخی فلمیں …… لوک فلمیں …… عید کی فلمیں …… جوبلی فلمیں …… پاکستان کے فلم سٹوڈیوز …… سینما گھر …… فلمی ایوارڈز …… بھٹو اور پاکستانی فلمیں …… لاہور کی فلمی تاریخ …… پنجابی فلموں کی تاریخ …… برصغیر کی پہلی پنجابی فلم …… فنکاروں کی تقسیم ……
