25 اکتوبر 2020ء کو بین الاقوامی میعار کے لاہور میٹرو منصوبے کا افتتاح ہوا۔۔!
بجلی سے چلنے والی اس جدید ٹرین کے لئے شہر کے شمال مشرقی حصہ ڈیرہ گجراں سے جنوب مغربی حصہ علی ٹاؤن تک 27 کلومیٹر ٹریک پر 26 سٹیشن بنائے گئے ہیں۔ 45 منٹ کے اس سفر کا کرایہ 40 روپے یکطرفہ ہے۔ اس سفر میں شہر کے گنجان آباد وسطی علاقے ریلوے سٹیشن ، انار کلی بازار ، لکشمی چوک وغیرہ بھی شامل ہیں۔ انارکلی بازار سمیت دو میٹرو سٹیشن زمین دوز ہیں۔
26 اکتوبر 2020ء سے اورنج لائن ٹرین صبح ساڑھے 7 بجے سے رات ساڑھے 8 بجے تک چلائی جائے گی۔ مستقبل قریب میں ٹرین کا آپریشن ٹائم 16 گھنٹے تک بڑھانے کا منصوبہ ہے۔ ٹرین کے تمام راستوں ، سٹیشنوں اور ٹرین کے اندر جدید کیمرے نصب ہیں۔
لاہور میٹرو منصوبے کا معاہدہ پاکستان اور چین کے درمیان مئی 2014ء میں ہوا تھا۔ ڈیڑھ ارب ڈالر کی لاگت سے تیار ہونے والا یہ پروجیکٹ 27 ماہ میں مکمل ہونا تھا لیکن پانچ سال میں ہوا جس کی ایک وجہ تو سیاسی تھی اور دوسری وجہ اورنج ٹرین کے 11 تاریخی مقامات پر 16 ماہ تک تعمیراتی کام بند رہا تھا۔ چینی ماہرین نے پاکستانی ڈرائیورز کو ٹرین چلانے کی تربیت دی ہے۔ ٹرین کی صفائی کا کام لاہور ویسٹ مینجمنٹ کمپنی کو سونپا گیا ہے۔ بجلی سے چلنے والی اس ٹرین کو 8 گرڈ اسٹیشن بجلی مہیا کریں گے۔
پنجاب کے سابق وزیر اعلیٰ شہباز شریف کے اس عظیم منصوبہ پر موجودہ حکمرانوں کی طرف سے کرپشن کے الزامات بھی تھے۔ حتیٰ کہ افتتاح کے بعد بھی وزیرِ اعظم عمران خان کے معاون خصوصی شہباز گل نے اورنج لائن منصوبے پر تنقید کرتے ہوئے کہا ہے کہ پنجاب حکومت کو آج "یوم سوگ" منانا چاہیے کیونکہ یہ ایک ناکام منصوبہ ہے۔ انہوں نے بتایا کہ اورنج ٹرین چلانے کا خرچہ 274 روپے فی ٹکٹ ہے جبکہ کرایہ صرف 40 روپے فی ٹکٹ ہے جس پر سبسڈی 234 روپے فی ٹکٹ بنتی ہے۔ گویا اس ٹرین کو چلانے کے لیے حکومت پنجاب کو 12 ارب روپے سالانہ کی سبسڈی دینا ہوگی۔
Lahore Metro was inaugurated on October 25, 2020..
Lahore Metro (video)
Credit: BBC News Urdu
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
تاریخی فلمیں …… لوک فلمیں …… گیتوں کی ٹائم لائن …… اداکاروں کی ٹائم لائن …… فلمی ٹائم لائن …… سینما گھر …… جوبلی فلمیں …… پنجابی فلموں کی تاریخ …… عید کی فلمیں …… برصغیر کی پہلی پنجابی فلم …… بھٹو اور پاکستانی فلمیں …… لاہور کی فلمی تاریخ …… پاکستان کی فلمی زبانیں …… فنکاروں کی تقسیم …… پاکستان کے فلم سٹوڈیوز …… پاکستانی فلموں کے 75 سال …… پاکستان کی پہلی پنجابی فلم پھیرے …… پاکستان کی پہلی فلم تیری یاد ……
