Tarbela Dam was designed to utilize water from the Indus River for irrigation, flood control and the generation of hydroelectric power..
تربیلا ڈیم ، دنیا بھر میں مٹی سے بننے والا سب سے بڑا ڈیم ہے۔۔!
تربیلا ڈیم ، صوبہ خیبر پختونخواہ کے ضلع ہری پور میں اسلام آباد کے شمال میں 118 کلومیٹر کے فاصلہ پر دریائے سندھ پر بنایا گیا تھا۔ عالمی بینک کے علاوہ فرانس، اٹلی، برطانیہ اور کینیڈا کے مالی تعاون سے 62 کروڑ امریکی ڈالرز کے زرخطیر سے بننے والے اس ڈیم کا مقصد پانی کے ذخیرہ ، سیلاب کی روک تھام ، آب پاشی اور بجلی کی پیداوار تھا۔ تین اطالوی اور تین فرانسیسی کمپنیوں پر مشتمل ایک کنسورشیم، تربیلا جوائنٹ وینچر کو ڈیم کی تعمیر کا ٹھیکا ملا تھا۔ 1969ء میں اس کنسورشیم میں جرمنی اور سوئٹزرلینڈ کی سات کمپنیوں کا ایک گروپ بھی شامل ہو گیا۔
تربیلا ڈیم کی گہرائی 134میٹر اور لمبائی 97 کلومیٹر ہے۔ اس کے بائیں کنارے پر 45 فٹ قطر کی چار سرنگیں ہیں۔ پہلی تین سرنگیں بجلی پیدا کرنے والے یونٹوں سے منسلک ہیں جبکہ چوتھی سرنگ آبپاشی کےلیے وقف ہے۔ اس ڈیم کے لیے 82,000 ایکڑ زمین استعمال ہوئی تھی اور 135 دیہاتوں کو خالی کرنا پڑا تھا جس سے اندازاً 96,000 بے گھر ہوئے تھے۔ حکومت پاکستان نے 46 کروڑ روپے نقصانات کی مد میں ادا کیے تھے۔
سندھ طاس معاہدے کے تحت بننے والے اس عظیم ڈیم کا سنگ بنیاد 4 نومبر 1968ء کو صدر جنرل محمد ایوب خان نے رکھا تھا اور اس کی تکمیل بھٹو صاحب کے دورحکومت میں 1976ء میں ہوئی تھی۔ جنرل ایوب کی حکومت کا یہ آخری بڑا پروجیکٹ تھا جس کا انھوں نے افتتاح کیا تھا کیونکہ اسی ہفتے ان کے خلاف ایک ملک گیر تحریک شروع ہوگئی تھی اور صرف پانچ ماہ بعد 25 مارچ 1969ء کو مستعفی بھی ہونا پڑا تھا۔
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
