پاک میگزین پر تاریخِ پاکستان
ہفتہ 21 ستمبر 1974
دوسری آئینی ترمیم: قادیانی مسئلہ
دلچسپ بات یہ ہے کہ پاکستان کے پہلے متفقہ آئین میں دوسری ترمیم کا مسودہ حزبِ اختلاف کے سربراہ مولانا مفتی محمود (جمعیت العلمائے اسلام) نے 30 جون 1974ء کو پیش کیا تھا۔ 22 ارکان کے دستخطوں سے جاری اس مسودے میں قادیانیوں کو غیرمسلم قرار دینے کا مطالبہ کیا گیا تھا۔
دو ماہ کی طویل بحث و تمحیص کے بعد آئین کی دو شقوں 106 اور 260 میں ترامیم کی گئیں جنھیں قومی اسمبلی نے متفقہ طور پر منظور کرلیا اور قادیانی، غیرمسلم اقلیت قرار پائے۔ 17 ستمبر 1974ء کو صدر نے منظوری دی اور 21 ستمبر 1974ء کو دوسری آئینی ترمیم کا سرکاری گزٹ جاری ہوا۔
دوسری آئینی ترمیم کی عبارت
اسلامی جمہوریہ پاکستان کے آئین کے آرٹیکل 106 میں شق (3) میں "کمیونٹیز" کے الفاظ "قادیانی گروپ یا لاہوری گروپ" کو "احمدی" سے بدلا جائے گا۔ اس کے علاوہ آرٹیکل 260 میں شق (2) کے بعد درج ذیل نئی شق کا اضافہ کیا جائے گا:
- ایسا ہر شخص جو خاتم النبیین حضرت محمدﷺ کو بلا شک و شبہ اور صدقِ دل سے آخری نبی نہیں مانتا اور ایسے کسی بھی دعویدار کو نبی یا مذہبی مصلح مانتا ہے، آئین و قانون کے تحت مسلمان نہیں ہے۔
The 2nd Constitution Amendments
Saturday, 21 September 1974
The 2nd Constitution Amendments about the Qadiyanies was made on September 21, 1974..
پاکستان کی تاریخ پر ایک منفرد ویب سائٹ
پاک میگزین ، پاکستان کی سیاسی تاریخ پر ایک منفرد ویب سائٹ ہے جس پر سال بسال اہم ترین تاریخی واقعات کے علاوہ اہم شخصیات پر تاریخی اور مستند معلومات پر مبنی مخصوص صفحات بھی ترتیب دیے گئے ہیں جہاں تحریروتصویر ، گرافک ، نقشہ جات ، ویڈیو ، اعدادوشمار اور دیگر متعلقہ مواد کی صورت میں حقائق کو محفوظ کرنے کی کوشش کی جارہی ہے۔
2017ء میں شروع ہونے والا یہ عظیم الشان سلسلہ، اپنی تکمیل تک جاری و ساری رہے گا، ان شاءاللہ
-
07-06-2013: وزیر اعظم میاں محمد نواز شریف
01-07-1999: جسٹس سعید الزمان صدیقی
16-01-1979: بھٹو اور کرپشن