PAK Magazine
Wednesday, 19 January 2022, Week: 03

Pakistan Chronological History

سالانہ | ماہانہ | ہفتہ وارانہ | روزانہ | حروفانہ | اہم ترین | تحریک پاکستان | ذاتی ڈائریاں

Pakistan Chronological History
1976

General Zia-ul-Haq

Monday, 1 March 1976


جنرل ضیاء الحق ، آرمی چیف بنا

پير یکم مارچ 1976
عہدہ: آرمی چیف (چیف آف آرمی سٹاف) ……
میعاد: یکم مارچ 1976ء …… تا …… 17 اگست 1988ء …… فوجی سروس: 1943ء …… تا …… 1988ء ……
حیات: 1924ء …… تا …… 1988ء …… تعلق: جالندھر …… زبان: پنجابی

پاکستان کا آٹھواں آرمی چیف …… جنرل ضیاع …… ملک کی تاریخ کا ایک انتہائی منفی اور قابل نفرت کردارتھا۔ وہ پہلا فوجی جنرل تھا جس نے اپنے اختیارات اور حلف کی خلاف ورزی کرتے ہوئے ملک کے متفقہ آئین کو پامال کیا ، غنڈہ گردی اور بدمعاشی سے منتخب حکومت کو برطرف کر کے اقتدار پر غاصبانہ قبضہ کیا اور بر بریت اور سفاکی کا مظاہرہ کرتے ہوئے عوام کے مقبول ترین لیڈر …… ذوالفقار علی بھٹو …… کا عدالتی قتل کیا۔ اس نے اسلام کے نام پر خلق خدا کو گمراہ کیا اور پاک فوج کو ایک سیاسی فریق بنا دیا تھا جو ایک بہت بڑا جرم تھا۔ ایک معتبر اور محترم ادارہ کسی طور بھی متنازعہ نہیں ہونا چاہئے تھا لیکن اقتدار کی ہوس میں وقت کے بدترین غاصب و جابر حکمران نے ہر ادارے کو تباہ کیا اور غیر ملکی آقاؤں کے مذموم عزائم کی تکمیل میں بقول اپنے …… کوئلوں کی دلالی میں اپنا منہ کالا کرواتا رہا …… جہاد کے نام پر دہشت گردی کے ٹریننگ کیمپ کھولے گئے ، مذہبی انتہاء پسندی اور عدم رواداری کو فروغ دیاگیا۔ وہ منافق،اسلام کی رٹ لگانے کے باوجود اللہ اور اس کے رسول ﷺ سے حالت جنگ میں تھا کیونکہ کلی مختار ہونے کے باوجود گیار ہ برسوں میں سود کا لعنتی نظام ختم نہیں کر سکا تھا جب کہ دعویٰ کیا جارہا ہے کہ یہ کام تین ماہ میں ممکن ہے۔ بطور چیف آف آرمی سٹاف بھی وہ ہر محاذ پر ناکام و نامراد رہا۔ سیاہ چین گلیشئر کے وسیع علاقے پر دشمن نے قبضہ کیا جو دنیا کا سب سے مہنگا ترین میدان جنگ بن گیاتھا۔ افغانستان اور وسطی ایشیاء کی ریاستوں کو فتح کرنے یا کشمیر اور خالصتان کی تسخیر کے تمام تر خیالی پلاؤ خواب ہی رہے اور آخرکار دنیا سے وہ حرف غلط کی طرح سے مٹ گیاتھا۔

جنرل ضیاع ……کو سات جرنیلوں پر فوقیت دے کر آرمی چیف بنایا گیا تھا۔دلچسپ بات یہ ہے کہ مارچ 1974ء کو ……بھٹو حکومت ……کا تختہ الٹنے کے الزام میں بری فوج کے پندرہ اور فضائیہ کے چار افسران پر ……اٹک سازش کیس…… میں اس وقت کے…… بریگیڈیر ضیا ء الحق ……نے مقدمہ کا فیصلہ سنایا تھا لیکن جب خود وہ اسی جرم کا مرتکب ہوا تھا تو اس بے ضمیر نے ان تمام مجرمان کی سزائیں معاف کر دی تھیں جنہیں خود اس نے آرمی ایکٹ کی خلاف ورزی کے جرم میں مروجہ سزائیں سنائی تھیں ……!










تاریخ پاکستان

پاک میگزین ، پاکستانی تاریخ پر اردو میں ایک منفرد ویب سائٹ ہے جس پر سال بہ سال اہم تاریخی واقعات چند کلکس کے نیچے ہیں۔ ہر واقعہ پر ایک صفحہ ترتیب دیا گیا ہے جہاں تمام تر معلومات کو تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!


World history

تاریخ پاکستان

تازہ ترین


پاکستان کے بارے میں اہم معلومات

Pakistan

پاک میگزین کے دیگر سلسلے

جغرافیائی تاریخ
جغرافیائی تاریخ
سقوط ڈھاکہ
سقوط ڈھاکہ
قائد اعظمؒ
قائد اعظمؒ
بھٹو شہیدؒ
بھٹو شہیدؒ
آمر مردود
آمر مردود
صدر
صدر
وزیر اعظم
وزیر اعظم
آرمی چیف
آرمی چیف
چیف جسٹس
چیف جسٹس
مغلیہ سلطنت
مغلیہ سلطنت
ڈنمارک
ڈنمارک
اٹلی کا سفر
اٹلی کا سفر
حج بیت اللہ
حج بیت اللہ
سیف الملوک
سیف الملوک
شعر و شاعری
شعر و شاعری
ہیلتھ میگزین
ہیلتھ میگزین
فلم میگزین
فلم میگزین
میڈیا لنکس
میڈیا لنکس

چند اہم بیرونی لنکس