پاکستان اور بھارت کا معاشی موازنہ

ایک معلوماتی ویڈیو ملاحظہ فرمائیں جس میں پاکستان اور بھارت کی 1960ء سے لے کر 2024ء تک کی سالانہ فی کس آمدن اور جی ڈی پی گروتھ کا تقابلی جائزہ پیش کیا گیا ہے۔ ان حقائق کو سمجھنے کے لئے یہ جاننا ضروری ہے کہ بھارت ہمیشہ سے خود انحصاری کی پالیسی پر گامزن رہا ہے جبکہ پاکستان مالی معاملات میں امریکہ اور دیگر ممالک کا محتاج رہا ہے۔ جنرل ایوب ، جنرل ضیاع اور جنرل مشرف کے ادوار میں پاکستان کو بھاری امریکی فوجی اور اقتصادی امداد ملتی رہی ہے جو ایک مصنوعی تنفس کی طرح سے تھی۔ پاکستان میں عدم سیاسی استحکام ، مشرقی پاکستان کی خانہ جنگی ، افغان جنگ اور دہشت گردی کے خلاف جنگ نے بھی پاکستان کی معیشت پر بڑا منفی اثر ڈالا تھا۔ ان تمام مسائل کے باوجود مشرف دور تک پاکستان کی فی کس آمدن بھارت سے بہتر تھی لیکن 2007ء کے بعد سے پاکستانی معیشت مسلسل تنزلی کا شکار ہے جس کی سب سے بڑی وجہ تو بدیسی امداد کی کٹوتی ہے لیکن ایک بڑی وجہ تیل کی عالمی قیمتیں بھی رہی ہیں جن پر پاکستان کا بڑا انحصار رہا ہے۔