پاکستان کے ساتویں آرمی چیف …… جنر ل ٹکا خان …… پاکستان کے پہلے …… چیف آف آرمی سٹاف …… بنے کیونکہ …… کمانڈر انچیف …… کا عہدہ ختم کر دیا گیا تھا۔ یہ ان بہت سی قومی اصلاحات میں سے ایک تھا جو بھٹو دور حکومت میں مختلف شعبوں میں کی گئی تھیں۔ سقوط ڈھاکہ کے بعد سات نااہل جنرلوں کو جبری ریٹائر کر دیا گیا تھا اور سینارٹی کے باوجود …… لیفٹیننٹ جنرل ٹکا خان …… کی بجائے …… لیفٹیننٹ جنرل گل حسن خان …… کو فور سٹار جنرل کے عہدے پر ترقی دئے بغیر آرمی چیف بنادیا گیا تھا لیکن جب وہ قبل از وقت اپنے عہدے سے مستعفی ہوئے تو …… ٹکا خان …… کو فور سٹار جنرل کے عہدے پر ترقی دے کر آرمی چیف بنا دیا گیاتھا۔ بنگال اور بلوچستان کے قصاب …… کے طور پر بدنام کئے گئے بظاہر انتہائی سنگدل اور سفاک …… جنرل ٹکا خان …… حقیقت میں بڑے بے ضرر اور فرمانبردار قسم کے آرمی چیف ثابت ہوئے تھے اور انہوں نے حکومت وقت کے لئے کوئی مسئلہ پیدا نہیں کیا تھا۔ حتیٰ کہ بھٹو حکومت کے خاتمے کے بعد بھی پیپلز پارٹی سے وفا داری کی اور اس کے جنرل سیکرٹری رہے تھے۔ وہ بھٹو حکومت کے وزیر دفاع بھی رہے اور …… بے نظیر بھٹو …… کے پہلے دور حکومت میں گورنر پنجاب بھی رہے تھے۔ امریکی فوجی امداد کی بندش کے باوجوداس دور میں پاکستان کی فوج جتنی مضبوط ہوئی ، اس سے قبل کبھی اتنی نہ تھی۔ اسی دور میں پاکستان کے ایٹمی طاقت بننے کا آغاز ہوا اورٹیکسلا میں پہلی ہیوی ری بلڈ فیکٹری کی تعمیر بھی شروع ہوئی تھی جہاں بھاری اسلحہ ، ٹینک اور طیارے وغیرہ بھی بننا شروع ہوئے جو خود کفالت کی جانب ایک بہت بڑا قدم تھا۔ اسی دور میں پہلی بار پاک فوج نے عرب اسرائیل جنگ میں حصہ لے کر اپنی پیشہ وارانہ دھاک بٹھا دی تھی۔
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
