The Civil and Military Gazette was a daily English newspaper from Lahore, which was founded in 1872 and closed in 1963..
1872ء میں لاہور اور شملہ سے شائع ہونے والا قدیم اور تاریخی انگلش اخبار سول اینڈ ملٹری گزٹ (Civil and Military Gazette) ، 3 ستمبر 1963ء کو ہمیشہ کے لئے بند ہوگیا تھا۔
1949ء میں کشمیر کے حوالے سے ایک خبر کی اشاعت کی وجہ سے اس اخبار کو تین ماہ کی جبری بندش کا سامنا کرنا پڑا تھا۔ دوبارہ اجراء پر یہ معتبر اخبار اپنی پہلی جیسی مقبولیت برقرار نہ رکھ سکا تھا۔
1956ء میں اس اخبار کے اکثریتی شیئرز ایک پاکستانی صنعت کار نصیر اے شیخ نے خرید لیے اور اخبار کو سنبھالا دینے کی بڑی کوشش کی لیکن ناکام رہے کیونکہ قارئین کی اکثریت ، پاکستان ٹائمز کے پاس چلی گئی تھی۔ 2 ستمبر 1963ء کو جب ایوب حکومت نے ویسٹ پاکستان پریس اینڈ پبلی کیشنز آرڈیننس جاری کیا تھا تو اگلے ہی روز یہ تاریخی اخبار ہمیشہ کے لیے بند کر دیا گیا تھا۔ سول اینڈ ملٹری گزٹ ، 3 فروری 1949ء سے 31 مارچ 1953ء تک کراچی سے بھی شائع ہوتا رہا ہے۔
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
