Pakistan's President Field Martial General Mohammad Ayub Khan won the presidential election on January 2, 1965. He beat Fatima Jinnah by a big margin..
2 جنوری 1965ء کو پاکستان میں پہلے صدارتی انتخابات ہوئے تھے جن میں صدر جنرل ایوب خان نے قائد اعظمؒ کی ہمشیرہ محترمہ فاطمہ جناح کو بھاری اکثریت سے شکست دے دی تھی۔۔!
صدر جنرل ایوب خان کی "سیاسی پارٹی" کنوینشن مسلم لیگ تھی جس کا انتخابی نشان گلاب کا پھول تھا۔ محترمہ فاطمہ جناح ، کونسل مسلم لیگ کی امیدوار تھیں اور ان کا انتخابی نشان لالٹین تھا۔
اس صدارتی انتخاب میں کل چار امیدوار تھے اور وؤٹ دینے کا حق صرف بلدیاتی اداروں کے ممبران کو حاصل تھا جن کی کل تعداد 80 ہزار تھی۔ ان میں سے آدھے آدھے ممبران ملک کے دونوں حصوں یعنی مشرقی اور مغربی پاکستان سے تھے۔
سرکاری ذرائع کے مطابق اس صدارتی انتخاب میں وؤٹنگ کی شرح 97.5 فیصد تھی۔ جنرل ایوب خان کو کل 49.647 وؤٹ اور محترمہ فاطمہ جناح کو کل 28.343 وؤٹ ملے تھے۔ ڈالے گئے کل وؤٹوں کا 64 فیصد جنرل ایوب کو ملا تھا۔ مغربی پاکستان میں ان کی مقبولیت مسلمہ تھی جہاں انہیں 74 فیصد وؤٹ ملے تھے لیکن کراچی میں وہ 837 کے مقابلے میں 1.049 وؤٹوں سے ہار گئے تھے۔
مشرقی پاکستان میں بھی مقابلہ بڑا سخت تھا جہاں محترمہ فاطمہ جناح نے 20.720 وؤٹوں کے مقابلے میں 18.280 وؤٹ حاصل کئے تھے۔ اگر وہ انتخاب ایک آدمی ، ایک وؤٹ کی بنیاد پر ہوتا تو محترمہ فاطمہ جناح کی کامیابی یقینی تھی جو صدارتی نظام کی بجائے پارلیمانی نظام حکومت کی حامی تھیں۔
Presidential Election 1965 (video)
Credit: British Movietone
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔ یہ سلسلہ ایک انفرادی کاوش اور فارغ اوقات کا بہترین مشغلہ ہے جو اپنی تکمیل تک جاری و ساری رہے گا ، ان شاء اللہ۔۔!
پاکستانی فلموں ، فنکاروں اور فلمی گیتوں پر ایک منفرد اور معلوماتی سلسلہ
