PAK Magazine
Saturday, 17 April 2021, Week: 15

Pakistan History

سالانہ | ماہانہ | ہفتہ وارانہ | روزانہ | حروفانہ | اہم ترین | تحریک پاکستان | ذاتی ڈائریاں

Pakistan History

1966

شیخ مجیب الرحمان کے 6 نکات

ہفتہ 5 فروری 1966

Sheikh Mujeeb's 6 points
مشرقی پاکستان کی عوامی لیگ کے سربراہ شیخ مجیب الرحمان نے 5 فروری 1966ء کو لاہور میں اپنے چھ نکات کا اعلان کیا تھا جو حسب ذیل تھے:

  1. 1940ء کی قرار داد لاہور ……کی روشنی میں ……ایک وفاق پاکستان…… میں ایک ایسے…… پارلیمارنی نظام …………کی ضمانت دی جائے کہ جس میں ……بالغ رائے دہی کی بنیاد پر براہ راست منتخب شدہ قانون ساز اسمبلی کو بالا دستی ……حاصل ہو۔
  2. مرکزی حکومت کے پاس صرف دو محکمے ہوں ……دفاع اور خارجی امور……
  3. دونوں صوبوں کے لئے ……الگ الگ لیکن قابل تبادلہ کرنسی کا نظام ……ہو لیکن اگر یہ ممکن نہ ہو تو آئین میں ضمانت دی جائے کہ ……مشرقی پاکستان سے مغربی پاکستان میں سرمایہ کافرار……روکا جا سکے۔ نیزمشرقی پاکستان کے لئے……الگ الگ مالیاتی اور اقتصادی نظام ……وضع کئے جائیں۔ان کے علاوہ ……مشرقی پاکستان کا اپنا بینکنگ ریزرو سسٹم (یا محفوظ سرمایہ کا نظام)……بھی ہو۔
  4. ٹیکس لگانے اور تمام تر مالیاتی وصولیوں کا اختیارمرکز کی بجائے صرف صوبوں کے پاس ہوں جو ایک ……مساوی اورمخصوص شرح ……سے مرکز کے اخراجات ادا کریں۔
  5. ہر صوبہ…… بیرونی تجارتی معاہدے کرنے میں آزاد…… ہو اور اپنے…… حساب و کتاب کا واحد حقدار…… ہو جبکہ دونوں حصوں کے درمیان ملکی مصنوعات کی نقل و حمل پر کسی قسم کا ٹیکس نہ ہو۔
  6. مشرقی پاکستان کو الگ ……فوج یا نیم فوجی دستے …… رکھنے کا حق ہو تاکہ ملکی سلامتی اور …… آئین کا تحفظ …… یقینی بنایا جا سکے۔

شیخ مجیب الرحمن کے چھ نکات

بنگلہ دیش کے بانی اور عوامی لیگ کے سربراہ شیخ مجیب الرحمن نے بنگالیوں کو باور کرادیا تھا کہ مغربی پاکستان ان کے …… سونار بنگلہ …… کا استحصال کر رہا ہے اورپاکستان کی معاشی ترقی صرف اور صرف مشرقی پاکستان کے وسائل یا استحصال ہی سے ہو رہی ہے۔ اس کے لئے پٹ سن کی درآمدات کی مثال دی جارہی تھی ……سونار بنگلہ …… کا محاورہ بھی پٹ سن کے سنہرے ریشوں سے نکلا تھا جن کی پچاس کے عشرے کے آغاز ہی سے بڑی مانگ تھی۔ مغربی پاکستان کے سرمایہ کاروں نے 1950-51 ء میں ڈھاکہ کے نواح میں دنیا کی سب سے بڑی آدم جی جوٹ مل قائم کی تھی جس میں انیس ہزار سے زائد مزدور کام کرتے تھے لیکن چونکہ سرمایہ دار بنگالی نہیں تھے اور مالک اور مزدور کاازلی اور ابدی امتیاز بھی تھا جسے تعصب ، لسانیت اور قوم پرستی کی بھینٹ چڑھا دیا گیا تھا ، اسی طوفان بدتمیزی میں 1954ء میں سات سو سے زائد غیر بنگالیوں کا قتل عام بھی کیا گیا تھا۔

Adamjee Jute Mills

عام طور پر ایوبی دور حکومت کو پاکستان میں خوشحالی کا سنہر ی دور کہا جاتا ہے جو اس حد تک تو درست تھا کہ ملک میں پیسے کی ریل پیل تھی ، بہت سے ترقیاتی کام ہورہے تھے، بیرونی قرضے اور سرمایہ کاری ہو رہی تھی اور ملکی معیشت کا گراف انتہائی قابل رشک تھا لیکن زمینی حقیقت یہ تھی ترقی کے تمام ثمرات امیروں کے حصے میں آرہے تھے۔ کرپشن، اقربا پروری اور سیاہ دھن کی وجہ سے ملک کی ساٹھ سے اسی فیصد دولت پر صرف 22 خاندانوں کا قبضہ ہو گیا تھا جن میں اگر کوئی بنگالی نژاد تھا بھی تو کیا فرق پڑتا تھا کہ …… خاناں دے خان پروہنے …… امیر و غریب ہمیشہ ندی کے دو کنارے رہے ہیں ، چاہے ان کا تعلق کسی بھی قوم یا معاشرے سے کیوں نہ ہو۔ اس کے علاوہ کرپشن ایک ایسا مرض رہا ہے کہ جس سے ہمارے ترقی پذیر ممالک کبھی بھی پاک نہیں رہے۔ صرف ایوبی دور حکومت کے بارے میں بتایا جاتا تھا اس دور میں کرپشن کے 33 ارب روپے بیرونی بینکوں میں منتقل کئے گئے تھے کہ جب بات صرف لاکھوں کروڑوں تک ہوتی تھی۔ ظاہر ہے کہ ایسے استحصالی ماحول میں نفرت کا لاوا خوب پکتا ہے اور پیٹ کی آگ جہنم کی ان دیکھی آگ سے کہیں زیادہ خطرناک ہو جاتی ہے جس میں ہر قسم کا نظریہ بھسم ہو جاتا ہے اور ایسی منفی تحریکوں کو پھلنے پھولنے کا خوب موقع ملتا ہے۔

بنگلہ دیش کے ناجائز وجود کو جائز ثابت کرنے کی مہم میں علیحدگی کی وجوہات بیان کرتے ہوئے معاشی عدم توازن کی ایک مثال انٹر نیٹ پر بھی پیش کی گئی ہے جس میں یہ تو بتا دیا گیا ہے کہ دونوں صوبو ں کی آبادی کے تناسب سے کس طرح وسائل کی عدم تقسیم کی گئی تھی لیکن یہ بد دیانتی بھی کی گئی ہے کہ آمدن اور پیداوارکے اعداد و شمارنہیں بتائے گئے کہ کس صوبے کی کیا کارکردگی تھی۔ ساتھ ہی مغربی پاکستان کی آبادی بھی صرف36 فیصد بتائی گئی ہے جو درست نہیں ہے ، یہ تناسب 55 اور 45 کا ہوتا تھا۔ معاشی عدم استحکام کا یہ پروپیگنڈہ بھی انتہائی گمراہ کن تھا۔

East and West Pakistan
میرے پاس اس وقت کے اقتصادی اعداد و شمار تو نہیں ہیں لیکن اگر ہم علیحدگی کے چار عشروں کے بعد کے حقائق پر ہی نظر ڈالیں تو بنگالی لیڈروں کی بد دیانتی صاف ظاہر ہو جاتی ہے حالانکہ اس دوران نام نہاد ……سوناربنگلہ دیش …… ایک آزاد اور خود مختار مملکت کے طور پر موجود ہے اوراب مغربی پاکستان اس کا استحصال بھی نہیں کر رہا۔ 2011ء کی …… انٹرنیشنل مانیٹری فنڈ …… وولڈ بینک …… اور …… سی آئی اے کی رپورٹس …… جو …… وکی پیڈیا …… پر ملاحظہ کی جا سکتی ہے ، پاکستان، اقتصادی ترقی میں بنگلہ دیش سے کہیں آگے ہے۔ ان رپورٹوں کے مطابق عالمی رینکنگ میں پاکستان بالتریب …… 27 …… 26 …… 27 …… پر جبکہ بنگلہ دیش …… 44 …… 48 …… 42 …… پوزیشن پر ہے۔ علاوہ ازیں پاکستان کی فی کس آمدن ……2.787 ڈالر …… ہے لیکن بنگلہ دیش کی فی کس آمدن …… 1.790 ڈالر …… ہے۔ فی کس آمدن کی تمام بین الاقوامی فہرستوں میں بھی پاکستان، بنگلہ دیش سے بہتر ہے۔ یاد رہے کہ ان چار عشروں میں پاکستان دنیا کی 7ویں بڑی ایٹمی طاقت اور فوجی طاقت بھی بنا اورعدم سیاسی استحکام ، کرپشن ، افغان جنگ کے مضمرات اور دہشت گردی کے خلاف فرنٹ سٹیٹ بھی بنا رہا اور اس میں کتنے وسائل ضائع ہوئے …… اگر ان کا شمار کیا جائے تو پاکستان، بنگلہ دیش سے بدرجہا بہتر معاشی حالات میں ہو سکتا تھا کہ جسے زیادہ فوجی اخراجات کی ضرورت بھی نہیں ہے جو اسکی بڑی خوش قسمتی ہے۔ گزشتہ ایک عشرے سے امن و امان کی مخدوش صورتحال ، بیرونی سرمایہ کاری کے ناموافق حالات اورشدید توانائی بحران کے باوجود 2011 ء میں بھی پاکستان کی برآمدات، بنگلہ دیش کی برآمدات کے مقابلے میں تقریباً سات ارب ڈالر زائد رہیں۔ گویا …… زبان کے مسئلے …… اور …… سیاسی محرومیوں …… کے بعد …… معاشی عدم توازن …… کے بیہودہ الزامات بھی بنگالی لیڈروں کی گمراہی اور بد دیانتی ثابت کرتے تھے جو صرف اور صرف جا ہ طلبی اور مفاد پرستی کے سوا اورکچھ نہ تھا۔

اسی نام نہاد معاشی عدم توازن کے مفروضوں کو بنیاد بنا کر 5 فروری 1966ء کو لاہور میں …… عوامی لیگ کے سربراہ شیخ مجیب الرحمن …… نے ……متحدہ پاکستان …… کے نئے آئین کی تشکیل کے لئے مندرجہ ذیل …… چھ نکات …… یا مطالبات پیش کئے تھے جو1970ء کے انتخابات میں …… عوامی لیگ …… کی مشرقی پاکستان میں ریکارڈ کامیابی کی وجہ بن گئے تھے:

  1. 1940ء کی قرار داد لاہور …… کی روشنی میں …… ایک وفاق پاکستان …… میں ایک ایسے …… پارلیمارنی نظام ………… کی ضمانت دی جائے کہ جس میں …… بالغ رائے دہی کی بنیاد پر براہ راست منتخب شدہ قانون ساز اسمبلی کو بالا دستی …… حاصل ہو۔
  2. مرکزی حکومت کے پاس صرف دو محکمے ہوں …… دفاع اور خارجی امور …… ہوں۔
  3. دونوں صوبوں کے لئے …… الگ الگ لیکن قابل تبادلہ کرنسی کا نظام …… ہو لیکن اگر یہ ممکن نہ ہو تو آئین میں ضمانت دی جائے کہ …… مشرقی پاکستان سے مغربی پاکستان میں سرمایہ کافرار …… روکا جا سکے۔ نیزمشرقی پاکستان کے لئے …… الگ الگ مالیاتی اور اقتصادی نظام …… وضع کئے جائیں۔ان کے علاوہ …… مشرقی پاکستان کا اپنا بینکنگ ریزرو سسٹم (یا محفوظ سرمایہ کا نظام) …… بھی ہو۔
  4. ٹیکس لگانے اور تمام تر مالیاتی وصولیوں کا اختیارمرکز کی بجائے صرف صوبوں کے پاس ہوں جو ایک …… مساوی اورمخصوص شرح …… سے مرکز کے اخراجات ادا کریں۔
  5. ہر صوبہ …… بیرونی تجارتی معاہدے کرنے میں آزاد …… ہو اور اپنے …… حساب و کتاب کا واحد حقدار …… ہو جبکہ دونوں حصوں کے درمیان ملکی مصنوعات کی نقل و حمل پر کسی قسم کا ٹیکس نہیں ہو۔
  6. مشرقی پاکستان کو الگ …… فوج یا نیم فوجی دستے …… رکھنے کا حق ہو تاکہ ملکی سلامتی اور …… آئین کا تحفظ …… یقینی بنایا جا سکے۔

ان چھ نکات کو بادی النظر میں دیکھیں تو ان میں پہلے دو نکتے چھوڑ کر باقی سبھی نکات علیحدگی کے مطالبات تھے جن میں مشرقی پاکستان کی مبینہ معاشی محرومیوں کے سدباب کا مطالبہ کیا گیا تھا …… الگ کرنسی …… الگ تجارت …… الگ مالیاتی نظام …… الگ فوج یا نیم فوجی ملیشیا …… اور سب سے بڑھ کر مرکزی فوج جو اپنے اخراجات کے لئے صوبوں کی نظر کرم کی محتاج ہو …… جسے تسلیم کرنا کم از کم پاکستان کی ہمیشہ سے اصل حاکم اور سیا ہ و سفید کی مالک …… فوج …… کے لئے کسی طور بھی قابل قبول نہ تھاجبکہ مبینہ طور پرمغربی پاکستان کے منتخب نمایندے …… جناب ذوالفقار علی بھٹو …… نے انتہائی لچک کا مظاہرہ کرتے ہوئے ایک پر امن حل اور ملکی بقا ء کے لئے مشرقی پاکستان کے منتخب نمایندے …… شیخ مجیب الرحمن …… کی ہٹ دھرمی کے باعث …… ساڑھے پانچ نکات …… مان بھی لئے تھے لیکن فوج کو مالی طور پر سیاستدانوں کا محتاج بنانے کے مطالبہ کو ماننے کی جراَت انہیں بھی نہیں ہوئی ہوگی کہ …… دریا میں رہ کر مگر مچھ سے بیر …… تو نہیں رکھا جا سکتا تھا……!

چھ نکات …… کے پہلے نکتہ کے بارے میں تو کسی با شعور شخص کو اختلاف نہیں ہو سکتاتھا کہ ایک جمہوری نظام کے تحت ہر بالغ شخص کو یہ حق ہونا چاہئے کہ وہ اپنے وؤٹ کی طاقت سے اپنے حکمران منتخب کرے۔ تاریخ انسانی نے نظام حکومت کے لئے جمہوریت سے بہتر کوئی نظام وضع نہیں کیا جہاں عوام کی مشاورت سے عوام کی حکومت قائم کی جاتی ہے جو عوام کے لئے قوانین بناتی ہے اور ایک مخصوص عرصہ کے بعد اپنی کارکردگی کی بنیاد پر عوام سے ہی حق حکمرانی حاصل کرتی ہے۔ مغربی ممالک کے بیشتر ممالک میں یہ نظام گزشتہ دو صدیوں سے کامیابی سے چل رہا ہے لیکن بد قسمتی سے ہم مسلمانوں کامزاج ہی جمہوری نہیں ہے اور نہ ہمارے مسلمان حکمران، عوام الناس کے سامنے خود کو جوابدہ سمجھتے ہیں۔ یہی وجہ ہے کہ اچھے خاصے با شعورمسلمان بھی آمرانہ طرز حکومت کے حامی ہوتے ہیں اور اس پر انہیں ذرابرابر ندامت نہیں ہوتی۔ اسلام نے تو کوئی سیاسی نظام دیا ہی نہیں لیکن اگر یہ دعویٰ مان بھی لیا جائے کہ خلافت راشدہ ہی اسلامی طرز حکومت ہے تو یہ بھی ماننا پڑے گا کہ وہ ایک ناکام ترین نظام حکومت تھا جس کی عملی زندگی ڈیڑھ ہزار سال کی طویل تاریخ میں صرف تیس سال کی مدت تھی اور اس میں بھی کشت و خون کا بازار گرم رہا اور چار میں سے تین خلفائے راشدینؓ غیر طبعی موت سے ہمکنار ہوئے تھے اور صحابہ کرامؓ کی باہمی جنگوں میں ہزاروں افراد لقمہ اجل بنے تھے ، ظاہر ہے کہ ایسا نظام حکومت کسی طور بھی قابل تقلید نہیں ہے …… جمہوری نظام حکومت میں …… جیو اور جینے دو …… کے علاوہ قوت برداشت ، صبر و تحمل اور بردباری کا مظاہرہ کیا جاتا ہے اورفرد واحد کی بجائے طاقت کا اصل سر چشمہ خلق خدا ہوتے ہیں۔

چھ نکات کے اس پہلے نکتہ سے یہ واضح تھا کہ حکومت اسی کی ہونی چاہئے جو اکثریت کی نمایندگی کرتا ہو لیکن پاکستان کے مقتدر حلقوں کو یہ کسی طور بھی گوارا نہ تھا کہ ان پڑھ ، مفلوک الحال اور کالے کلوٹے پسماندہ بنگالیوں کی اکثریت ملک پر حکومت کرنے والی اشرافیہ کا فیصلہ کرے۔ ظاہر ہے متحدہ پاکستان میں وہ اکثریت میں تھے اور حکومت کا حق انہی کا تھا جس سے وہ قیام پاکستان کے وقت سے ہی محروم رہے اوران کی عددی برتری کے خوف سے ایک بھی قومی الیکشن نہیں کروایا گیا تھاجو مرکز بیزاری کی سب سے بڑی وجہ تھا۔ یہ ایک تاریخی المیہ ہے کہ …… ہم پاکستانی …… ہندوستان میں جمہوریت سے اس لئے خوفزدہ تھے کہ وہاں ہندووَں کی اکثریت تھی اور قیام پاکستان کے بعد اس خوف میں رہے کہ بنگالی اکثریت میں ہیں ……!

ان ……چھ نکات…… کا واحد خوش آئندپہلو صرف یہی تھا کہ …… ایک وفاق پاکستان …… کی بات کی گئی تھی جو اصل میں ایک …… کنفیڈریشن …… کی بات تھی جو …… بھاگتے چور کی لنگوٹی …… کے مترادف ہو گیا تھا کہ اب واپسی کی کوئی گنجائش نہیں تھی جو بچا تھا بچا لو۔ ان چھ نکات کا مدعا یہی تھا کہ اب …… ایک کی بجائے دو ملک …… ہوں گے یا بھٹو مخالف لابی کے پسندیدہ جملے …… اُدھر تم، اِدھر ہم …… کے عین مطابق ……! یاد رہے کہ …… اگر تلہ سازش کیس …… اس واقعہ کے دو سال بعد سامنے آیا تھا لیکن شیخ مجیب الرحمن اور اس کے مکتی باہنی کے ساتھیوں کے بھارت سے خفیہ رابطوں کا انکشاف 1963 ء سے ہوتا ہے اور وہ اسی پشت پناہی سے شیر ہو گیا تھا۔

ویسے بھی ان چھ نکات کو مان لینے سے دو پاکستان بن جاتے تو کوئی قیامت نہ آ جاتی۔ مشرقی پاکستان ایک آزاد ملک بن جاتا تو کم از کم بنگلہ دیش جیسا منحوس اور مکروہ نام تو سننے میں نہ آتا لیکن بد قسمتی سے ہمارے عاقبت نا اندیش حکمرانوں کے لئے نوشتہ دیوار پڑھناممکن نہ تھا اورمعاملہ فہمی سے محروم متقدر حلقوں کی ہٹ دھرمی اور کج فہمی کی وجہ سے پاکستان کو تاریخ کی ایک بد ترین فوجی شکست کا سامنا کرنا پڑا تھا جو کسی بھی محب وطن پاکستانی کے لئے ہمیشہ سوہان روح رہے گا۔ چھ نکات …… کے دوسرے نکتے میں انتہائی تضادبیانی اور خود غرضی کا مظاہر ہ کیا گیا تھا …… ایک طرف تو مرکز کو صرف …… دفاع اور خارجہ امور …… تک محدود کیا جارہا تھا لیکن دوسری طرف …… نکتہ چھ …… میں مشرقی پاکستان کے لئے الگ فوج یا نیم فوجی دستوں کا مطالبہ بھی کیاجارہا تھا ، گویا …… آئین کے تحفظ …… کے لئے جب کبھی مرکزی فوج یاحقیقت میں …… مغربی پاکستان کی فوج …… حسب معمول امریکہ بہادر کے مفادات کی تکمیل اور تحفظ کے لئے …… عزیز ہموطنو …… کہنے کی کوشش کرے تو ……مشرقی پاکستان کے نیم فوجی دستے …… مزاحمت کر سکیں لیکن اگر مشرقی پاکستان پر کہیں سے حملہ ہو جائے تو مغربی پاکستان کی فوج اپنا فرض پورا کرتے ہوئے …… سونار بنگلہ …… کا دفاع بھی کرے …… آم کے آم، گٹھلیوں کے دام……!

مرکز کو صرف …… خارجہ امور …… کی ذمہ داری دینے کے باوجود …… بیرونی تجارت اور اس کا حساب و کتاب ……مشرقی پاکستان خود رکھنا چاہتا تھا حالانکہ کسی بھی ملک کی خارجہ پالیسی میں اس کے مالی مفادات کاتحفظ ہی اولین ترجیح ہوتا ہے اور انہی مالی مفادات کے لئے دیگر ممالک سے تعلقات استوار کئے جاتے ہیں اورتاریخ کی ہر لڑائی اور مہم جوئی کے پیچھے بھی سب سے مقدم مالی مفادات ہی رہے ہیں۔ اگر ہر صوبہ اپنے طور پر یہ کام کرنا شروع کر دے تو ایک ملک کی ضرورت ہی کیا باقی رہ جاتی ہے؟ اگر مرکز کے پاس وسائل نہ ہونگے تو پورے ملک میں یکساں ترقی کیسے ممکن ہو گی؟

چھ نکات …… کے …… نکتہ تین …… میں صرف اس دعوے کو دھرایا گیا تھا کہ مغربی پاکستان، مشرقی پاکستان کا استحصال کر رہا ہے۔ یہاں تک کہاجاتا تھا کہ نئے دارالحکومت …… اسلام آباد …… کی سڑکوں سے پٹ سن کی کمائی کی خوشبو آ رہی ہے۔ان …… چھ نکات …… کے اگر …… نکتہ چار کو …… نکتہ تین …… ہی کے تسلسل میں پڑھا جائے تو اصل مدعا یہی تھا کہ …… سونار بنگلہ …… کا سرمایہ مغربی پاکستان تک نہ پہنچے جسے اگر …… نکتہ چھ ……کے ساتھ بھی ملا کر پڑھیں تواصل مدعا سامنے آ جاتا تھا کہ مرکزی یا مغربی پاکستان کی فوج ، مشرقی پاکستان کے سرمائے پر عیش نہ کر سکے۔ ظاہر ہے کہ یہ چھ نکات مفادپرست فوجی جرنیلوں اور حکمرانوں کے لئے کسی طور بھی قابل قبول نہ تھے۔ اور نہ ہی وہ برداشت کر سکتے تھے کہ ان کی روزی پر لات ماردی جائے اور وہ مالی امور میں ان …… کرپٹ اور نااہل سیاستدانوں …… کے محتاج بن کر رہ جائیں۔

بتایا جاتا ہے کہ ان چھ نکات کو ڈھاکہ یونیورسٹی کے مالیاتی امور کے ماہرین اور دانشوروں کے علاوہ …… ڈاکٹر کمال حسین …… نے تخلیق کیا تھا جو بنگلہ دیش کے آئین کے خالق بھی تھے۔ 1970ء کے انتخابات میں ……چھ نکات …… نے عوامی لیگ کی کامیابی میں کلیدی کردار ادا کیا تھا اور بقول پاکستان کے سب سے پہلے ماہانہ رسالے …… اردو ڈائجسٹ کے مدیر جناب الطاف حسین قریشی …… کے ذاتی مشاہدے کے …… بنگالیوں کے لئے ان چھ نکات کی اہمیت …… صحاہ ستہ …… کے بعد سب سے زیادہ ہو گئی تھی۔




Mujibs's 6 Points

Saturday, 5 February 1966

The founder of Bangladesh, Sheikh Mujeebur Rahman demanded greater autonomy for East Pakistan from military ruler of West Pakistan on February 5, 1966 at Lahore..



Progressbd



World history
Pakistan Media

BBC Urdu Global websiteDW Urdu Global websiteVOA Urdu Global website Dawn, Karachi NewspaperDunya, Lahore NewspaperJang, Karachi NewspaperKhabrain, Lahore NewspaperPakistan, Lahore NewspaperUmmat, Karachi Newspaper ARY News TVDunya News TVExpress News TVGeo News TVGNN News TVNeo News TVPtv News TV
تاریخ پاکستان
شیخ مجیب الرحمان
شیخ مجیب الرحمان
بلیک میلرز۔۔!!!
بلیک میلرز۔۔!!!
جنرل ضیاع نے بھٹو کا تختہ الٹا
جنرل ضیاع نے بھٹو کا تختہ الٹا
بے نظیر بھٹوکا قتل
بے نظیر بھٹوکا قتل
پاکستان ، اقوام متحدہ کا رکن بنا
پاکستان ، اقوام متحدہ کا رکن بنا

مستقل سلسلے
اخبارات
اخبارات
جغرافیائی تاریخ
جغرافیائی تاریخ
سقوط ڈھاکہ
سقوط ڈھاکہ
قائد اعظمؒ
قائد اعظمؒ
بھٹو شہیدؒ
بھٹو شہیدؒ
آمر مردود
آمر مردود
صدر
صدر
وزیر اعظم
وزیر اعظم
آرمی چیف
آرمی چیف
چیف جسٹس
چیف جسٹس
مغلیہ سلطنت
مغلیہ سلطنت
ڈنمارک
ڈنمارک
اٹلی کا سفر
اٹلی کا سفر
حج بیت اللہ
حج بیت اللہ
سیف الملوک
سیف الملوک
شعر و شاعری
شعر و شاعری
ہیلتھ میگزین
ہیلتھ میگزین
فلم میگزین
فلم میگزین


Some useful history sites

World links

Some useful links

Cricket links

IT links

Urdu poetry links

Pakistan
Pakistan

وکی پیڈیا پر پاکستان کی تاریخ


پاکستان کی عالمی درجہ بندی

پاکستان کی معیشت ، سیاست و ریاست اور دیگر اہم موضوعات میں عالمی درجہ بندیوں کی معلومات کو اپ ڈیٹ کیا جا رہا ہے۔ روایتی حریف بھارت اور جڑواں بھائی بنگلہ دیش کی درجہ بندیوں کے علاوہ دنیا کی ایک مثالی جمہوریت ڈنمارک کو بھی موازنے کے طور پر شامل کیا گیا ہے۔ درجہ بندیوں میں چھوٹے اعداد بہترین اور بڑے بدترین ہیں جبکہ تمام رقوم امریکی ڈالروں میں ہیں۔
آبادی (لاکھوں میں)225213726170058
آبادی کی درجہ بندی528113
رقبہ33792130
فی کس آمدن12851877188858439
فی کس آمدن کی درجہ بندی1541391427
ڈالر ریٹ16071846
معیشت کا حجم2233051
زرمبادلہ کے ذخائر (اربوں میں)135844378
زرمبادلہ کے ذخائر کی درجہ بندی7154631
خوشحالی123591073
انسانی ترقی15413313110
تعلیم1281121552
صحت عامہ123591073
فوجی طاقت1044554
دہشت گردی سے متاثر783385
امن و امان کی صورتحال1531411015
مذہبی وابستگی50543145
ایمانداری124861461
جمہوری روایات10553767
پاسپورٹ کی عزت107851015


Pakistan Rupee Exchange Rate