پاک میگزین پر تاریخِ پاکستان
جمعتہ المبارک 15 اگست 1947
گورنر جنرل قائد اعظم محمد علی جناحؒ
قائد اعظمؒ نے 15 اگست 1947ء کو پاکستان کے پہلے گورنر جنرل کے عہدہ کا حلف اٹھایا تھا۔۔!
بانی پاکستان حضرت قائد اعظمؒ محمد علی جناح ، تاریخ عالم کی ایک منفرد ہستی تھے کہ جنہوں نے ایک گولی چلائے بغیر اور ایک قطرہ خون بہائے بغیر دنیا کی سب سے بڑی اسلامی مملکت اورایک نئی قوم تشکیل دی تھی۔ قیام پاکستان کے بعد وہ پاکستان کے پہلے گورنر جنرل منتخب کئے گئے تھے۔ یہ عہدہ اصل میں برطانوی پارلیمنٹ نے The Indian Independence Act 1947 کے تحت تشکیل دیا تھا اورجس کی رو سے برطانوی ہند کو پاکستان اور بھارت کو دو آزاد نوآبادیات کا درجہ دیا گیا تھا۔ گورنر جنرل تاجدار برطانیہ کا نمائند ہ ہوتا تھا جسے رسمی منظوری سے متعلقہ ممالک کی خود مختار دستور ساز اسمبلیاں منتخب کر تی تھیں۔
کیا قائداعظمؒ کو گورنرجنرل بننا چاہیے تھا؟
قائداعظمؒ ، گورنرجنرل کا عہدہ قبول نہ کرتے تو شاید زیادہ بہتر ہوتا کیونکہ ایک تو یہ منصب ان کے اس مقام کے شایان شان نہیں تھا جو تاریخ نے انہیں "بانی پاکستان" کے طور پر عطا کیا تھا۔ دوسرا گورنر جنرل ، تاجدار برطانیہ کا نمائندہ تھا جسے وہ تمام اختیارات تو حاصل تھے جو کسی مطلق العنان حکمران کو حاصل ہوتے ہیں لیکن اس کے لئے تاجدار برطانیہ کی رسمی منظوری بھی درکار ہوتی تھی۔
قائداعظمؒ کی ذاتی زندگی
قائد اعظمؒ ، 25 دسمبر 1876ء کو کراچی میں پیدا ہوئے جہاں سے انہوں نے ابتدائی تعلیم بھی حاصل کی تھی۔ 1896ء میں انگلینڈ سے بار ایٹ لاء کیا اور وطن واپسی پر وکالت کے پیشے سے منسلک ہوگئے تھے۔ 1909ء میں مجلس قانون ساز کے رکن منتخب ہوئے اور 1913ء سے 1937ء تک بیک وقت کانگریس اور مسلم لیگ کے رکن رہے تھے۔ وہ ، ہندو مسلم اتحاد کے بڑے سرگرم حامی تھے لیکن ہندو لیڈروں کے متعصبانہ رویے سے نالاں ہو کر 1937ء میں کانگریس کو ہمیشہ کے لئے خیرآباد کہہ کر آل انڈیا مسلم لیگ کے تاحیات صدر منتخب ہوگئے تھے۔ 1940ء میں ان کی قیادت میں لاہور میں قرارداد پاکستان منظور کی گئی تھی اور 14 اگست 1947ء کو وہ دنیا کی سب سے بڑی اسلامی ریاست کے بانی کے طور پر تاریخ میں امر ہو گئے تھے۔
Qaid-e-Azam as Governor General of Pakistan
Friday, 15 August 1947
The founder of Pakistan, Qaid-e-Azam Mohammad Ali Jinnah became the first Governor General of Pakistan on August 15, 1947..
پاکستان کی تاریخ پر ایک منفرد ویب سائٹ
پاک میگزین ، پاکستان کی سیاسی تاریخ پر ایک منفرد ویب سائٹ ہے جس پر سال بسال اہم ترین تاریخی واقعات کے علاوہ اہم شخصیات پر تاریخی اور مستند معلومات پر مبنی مخصوص صفحات بھی ترتیب دیے گئے ہیں جہاں تحریروتصویر ، گرافک ، نقشہ جات ، ویڈیو ، اعدادوشمار اور دیگر متعلقہ مواد کی صورت میں حقائق کو محفوظ کرنے کی کوشش کی جارہی ہے۔
2017ء میں شروع ہونے والا یہ عظیم الشان سلسلہ، اپنی تکمیل تک جاری و ساری رہے گا، ان شاءاللہ
-
01-01-2021: 2021 کا سال
13-12-1971: جنرل نیازی اور سرنڈر
25-11-1974: حمودالرحمان کمیشن رپورٹس ، ادھر تم ادھر ہم