میاں محمود علی قصوری ، 1972ء کے عبوری آئین کے خالق تھے۔۔!
20 دسمبر 1971ء کو جب ذوالفقار علی بھٹوؒ کو حکومت ملی تو پاکستان میں کوئی آئین نہیں تھا۔ ملک پر مارشل لاء مسلط تھا۔ بھٹو صاحب کی ہدایت پر صرف پانچ ماہ میں میاں محمود علی قصوری کی سربراہی میں ایک عبوری آئین بنا جس سے مارشل لاء کی لعنت کو ختم کیا گیا تھا۔
میاں محمودعلی قصوری ، 31 اکتوبر 1910ء کو قصور میں پیدا ہوئے۔ پونا ، بمبئی ، لاہور اور لندن سے تعلیم حاصل کی۔ 1935ء میں لاء کالج میں درس و تدریس اور وکالت کے شعبے سے وابستہ ہوئے۔ اس دوران انہوں نے آل انڈیا مسلم لیگ سے اپنی سیاسی زندگی کا آغاز کیا۔ قیام پاکستان کے بعد انھوں نے مسلم لیگ کے باغی گروپ میاں افتخار الدین اور ان کے ساتھیوں کے ساتھ "آزاد پاکستان پارٹی" کے قیام میں فعال حصہ لیا۔ یہ پارٹی 1955ء میں ولی خان کی نیشنل عوامی پارٹی (نیپ) میں ضم ہو گئی تھی۔
1970ء میں میاں محمود علی قصوری ، پاکستان پیپلز پارٹی میں شامل ہوئے اور لاہور سے بھٹو صاحب کی خالی کردہ نشست پر ضمنی انتخابات جیت کر قومی اسمبلی کے رکن منتخب ہوئے۔ 23 دسمبر 1971ء کو بھٹو حکومت میں وزیر برائے قانون اور پارلیمانی امور کے منصب پر فائز ہوئے۔ اس عہدے پر کام کرتے ہوئے ان کا سب سے بڑا کارنامہ عبوری آئین کی تیاری اور نفاذ تھا۔
پاکستان کے مستقل آئین (1973) کی تیاری میں اختلافات کی بنا پر 4 اکتوبر 1972ء کو اپنے عہدے سے مستعفی ہوگئے۔ 7 جون 1973ء کو ائرمارشل اصغر خان کی تحریک استقلال میں شمولیت اختیار کی اور پھر تاحیات اسی پارٹی کے ممبر رہے۔ اس طرح سے احمد رضا قصوری کی طرح محمود علی قصوری بھی جیتے تو پیپلز پارٹی کے ٹکٹ پر تھے لیکن شامل اصغر خان کی پارٹی میں ہوئے جو بھٹو کے بہت بڑے سیاسی رقیب تھے اور انھیں کوہالہ پل پر پھانسی دینے کے بیانات دیا کرتے تھے اور 1977ء میں مارشل لاء لگوانے کا مرکزی کردار بھی تھے۔
13 اپریل 1987ء کو میاں محمود علی قصوری کا قصور میں انتقال ہوا۔ وہ سابق وزیر خارجہ خورشید محمود قصوری کے والد گرامی تھے۔
Mehmood Ali Qasoor was Law Minister in Bhutto cabinet on December 23, 1971. He played a key role in the formation of Pakistan's first constitution in 1973..
Mehmood Ali Qasoori (video)
Credit: AP Archive
پاک میگزین ، پاکستانی تاریخ پر اردو میں ایک منفرد ویب سائٹ ہے جس پر اہم تاریخی واقعات کو بتاریخ سالانہ ، ماہانہ ، ہفتہ وارانہ ، روزانہ اور حروفانہ ترتیب سے چند کلکس کے نیچے پیش کیا گیا ہے۔ علاوہ ازیں اہم ترین واقعات اور شخصیات پر تاریخی اور مستند معلومات پر مخصوص صفحات ترتیب دیے گئے ہیں جہاں تصویر و تحریر ، ویڈیو اور دیگر متعلقہ مواد کی صورت میں محفوظ کیا گیا ہے۔
پاکستانی فلموں کے 75 سال …… فلمی ٹائم لائن …… اداکاروں کی ٹائم لائن …… گیتوں کی ٹائم لائن …… پاکستان کی پہلی فلم تیری یاد …… پاکستان کی پہلی پنجابی فلم پھیرے …… پاکستان کی فلمی زبانیں …… تاریخی فلمیں …… لوک فلمیں …… عید کی فلمیں …… جوبلی فلمیں …… پاکستان کے فلم سٹوڈیوز …… سینما گھر …… فلمی ایوارڈز …… بھٹو اور پاکستانی فلمیں …… لاہور کی فلمی تاریخ …… پنجابی فلموں کی تاریخ …… برصغیر کی پہلی پنجابی فلم …… فنکاروں کی تقسیم ……
