پاک میگزین پر تاریخِ پاکستان
بدھوار ، 25 فروری 1948
اردو زبان
25 فروری 1948ء کو حکومت پاکستان نے اردو کو پاکستان کی اکلوتی قومی زبان قرار دیا تھا۔۔!
اردو زبان ، ہندی زبان کا "اسلامی ورژن" اور واحد "مسلم زبان" ہے جو مذہب کی بنیاد پر وجود میں آئی۔ ہندوستان کے شمال وسطی وسیع و عریض ہندی بولنے والے علاقوں اور خصوصاً راجدھانی دہلی کے اردگرد "کھڑی بولی" بولنے والے لوگ جب مسلمان ہونا شروع ہوئے تو ان کی مادری زبان ہندی میں اسلامی ، عربی اور فارسی الفاظ کی آمیزش ہونا شروع ہوئی جس سے ایک نئی زبان "ہندوستانی" وجود میں آئی جو بعد میں "اردو" کہلائی۔
1837ء میں انگریزوں نے شمالی ہندوستان میں فارسی کی جگہ اردو کو رائج کیا جو گزشتہ چھ سو سال سے سرکاری زبان تھی لیکن کبھی عوامی زبان نہ بن سکی تھی۔ قیام پاکستان کے بعد اردو کو پاکستان کی واحد قومی زبان کا درجہ ملا حالانکہ اسوقت تک اردو ، پاکستان کے کسی علاقے کی زبان نہیں تھی۔ آج بھی سب سے زیادہ اردو بولنے والے بھارت میں رہتے ہیں جہاں اس مسلم زبان کو 22 سرکاری زبانوں میں سے ایک زبان کا درجہ حاصل ہے۔
2022ء کے اعدادوشمار کے مطابق دنیا بھر میں اردو بولنے والوں کی تعداد سات کروڑ کے لگ بھگ ہے جن میں سے اڑھائی کروڑ کے قریب پاکستان میں ہیں جو کل آبادی کا 7 فیصد بنتے ہیں۔ کراچی اور حیدرآباد ، پاکستان کے وہ شہر یا علاقے ہیں جہاں اردو بولنے والوں کی اکثریت آباد ہے۔
Urdu language
Wednesday, 25 February 1948
Urdu was declared as solo national language of Pakistan on February 25, 1948..
پاکستان کی تاریخ پر ایک منفرد ویب سائٹ
پاک میگزین ، پاکستان کی سیاسی تاریخ پر ایک منفرد ویب سائٹ ہے جس پر سال بسال اہم ترین تاریخی واقعات کے علاوہ اہم شخصیات پر تاریخی اور مستند معلومات پر مبنی مخصوص صفحات بھی ترتیب دیے گئے ہیں جہاں تحریروتصویر ، گرافک ، نقشہ جات ، ویڈیو ، اعدادوشمار اور دیگر متعلقہ مواد کی صورت میں حقائق کو محفوظ کرنے کی کوشش کی جارہی ہے۔
2017ء میں شروع ہونے والا یہ عظیم الشان سلسلہ، اپنی تکمیل تک جاری و ساری رہے گا، ان شاءاللہ
-
27-12-1947: سر محمد ظفر اللہ خان
06-04-1979: بھٹو کی پھانسی کے خلاف مظاہرے
04-04-1979: بھٹو کو پھانسی دی گئی