پاک میگزین پر تاریخِ پاکستان
ہفتہ 31 جولائی 1971
مشرقی پاکستان کا سیاسی حل
پاکستان کی تاریخ میں اس قدر جھوٹ بولا گیا ہے کہ اگر کوئی سچ ہے بھی تو وہ بھی انتہائی مشکوک سا لگتا ہے۔۔!
ناجائز اقتدار کی ہوس اور عارضی دنیاوی مفادات کے لیے سچ کو جھوٹ اور جھوٹ کو سچ ثابت کرنے کی بڑی بڑی حماقتیں اور بددیانتیاں کی گئی ہیں جن میں پاکستان کے پہلے منتخب عوامی لیڈر جناب ذوالفقارعلی بھٹوؒ کے خلاف یہ غلیظ اور معاندانہ پروپیگنڈہ بھی شامل رہا ہے کہ وہ سقوط ڈھاکہ کے ذمہ دار تھے کیونکہ انھوں نے انتخابات کے نتائج کو تسلیم نہیں کیا تھا اورمشرقی پاکستان میں فوج کشی کے حق میں تھے۔ جیسے جیسے تاریخ کے اوراق پلٹتے چلے جائیں ، بھٹو کی عظمت ، سچائی اور بے گناہی سامنے آنے لگتی ہے ، جس کا ایک ثبوت یکم اگست 1971ء کے اس ویڈیو انٹرویو سے بھی ملتا ہے۔
بھٹو صاحب ، مشرقی پاکستان کے مسئلے کو سیاسی طور پر حل کرنے کی ضرورت پر نہ صرف زور دیتے تھے بلکہ پر امید تھے کہ اگر معاملات عوامی نمائندوں کے ہاتھوں میں ہوتے تو حل بھی ہو جاتے۔ بھٹو نے مفاہمت کے لیے شیخ مجیب الرحمان کے بدنام زمانہ چھ نکات میں سے ساڑھے پانچ نکات مان بھی لیے تھے لیکن حاکم وقت ، آمر جنرل یحییٰ خان اور اس کا غاصب ٹولہ کسی طور بھی اقتدار پر اپنی ناجائز گرفت کو چھوڑنے کے لیے تیار نہیں تھا۔ وہ ، انتخابات کے بعد بھی اقتدار میں شرکت چاہتے تھے اور اگلے پانچ سال تک جنرل یحییٰ کو صدر کے طور پر تسلیم نہ کرنے پر معاملات کو طاقت کے بل بوتے پر حل کرنا چاہتے تھے جس کا نتیجہ ایک شرمناک فوجی شکست اور پاکستان کی دو لخت ہونے کی صورت میں نکلا تھا۔
Bhutto wanted peaceful settlement
Saturday, 31 July 1971
Bhutto wanted a political dialogue, but the military dictator used power to solve the East Pakistan conflict..
Bhutto wanted peaceful settlement (video)
Credit: AP Archive
پاکستان کی تاریخ پر ایک منفرد ویب سائٹ
پاک میگزین ، پاکستان کی سیاسی تاریخ پر ایک منفرد ویب سائٹ ہے جس پر سال بسال اہم ترین تاریخی واقعات کے علاوہ اہم شخصیات پر تاریخی اور مستند معلومات پر مبنی مخصوص صفحات بھی ترتیب دیے گئے ہیں جہاں تحریروتصویر ، گرافک ، نقشہ جات ، ویڈیو ، اعدادوشمار اور دیگر متعلقہ مواد کی صورت میں حقائق کو محفوظ کرنے کی کوشش کی جارہی ہے۔
2017ء میں شروع ہونے والا یہ عظیم الشان سلسلہ، اپنی تکمیل تک جاری و ساری رہے گا، ان شاءاللہ
-
01-03-2010: پاکستان کرونیکل
02-07-1972: شملہ معاہدہ
12-02-1979: جنرل ضیاع کا اسلامی نظام